السلام عليكم ورحمه الله وبركاته
انا بنت عندها 14حاليا انا في تانيه اعدادي وده اخر شهر علي امتحانات نص السنه
انا كنت شاطره جدا في ابتدائي برغم أن كان في مشاكل في البيت على طول ولكن لما دخلت اعدادي معدتش شاطره مثل ما كنت في ابتدائي معلومه وذلك مع استمرار مشاكل البيت
انا عارفه اني لو ذاكرت كل حاجه هتكون تمام وماشيه في حياتي ولكن مش بقدر اقعد اذاكر زي زمان في شغف بس مش عارفه اذاكر برده أو بمعني اصح بكسل اذاكر السنه اللي فاتت يعني في أولي اعدادي كل صحابي طلعوا من الاوائل وانا لأ برغم اني اول مره طلعت من الاوائل كانت في سنه سته ابتدائي
انا حياتي اتغيرت من اول ما دخلت اعدادي ودخلت مدرسه الاعداديه مش عارفه ممكن يكون بسبب الأجواء الجديدة بتاعت المدرسة ولا المشكله فيا انا بابا دايما بيقولي انو من اول ما اتولدت وهو شايفني دكتوره كل لما بيقولي الكلام ده بحس بحمل كبير جدا ببقي عايزه احقق له حلمه ده وده حلمي كمان اني اكون دكتوره
مشكله كمان بتواجهني أثناء حياتي الدراسيه اني دايما بنظر للبنات اللي احسن مني واشطر مني واجمل مني وببقي نفسي اكون زيهم وبقول ليه انا مش زيهم مع اني اقدر اكافح بس بكسل مع اني برده هدفي قدامي وهو اني اطلع من الاوائل بس مش عارفه اشتغل على ده
كمان حاجه انا السنه اللي فاتت كنت الترم الاول جبت مجموع عالي جدا ولكن في الترم التاني في شهر رمضان تعبت اوي لفتره كبيره وفقدت شغفي وفكره أن المنهج متراكم وانا تعباته وعاجزه اني اعمل حاجه كانت بتخليني افكر اني عايزه اموت عشان ده الحل اللي يخلصني من اللي انا فيه بس انا برده مؤمنه بالله وبحاول اصبر واستغفر الله انا حالياً نفسي اتغير واذاكر بجد عشاني وعشان اهلي انا فعلا لما بكون مذاكره ومخلصه كل اللي ورايا برتاح وبكون مبسوطه ومش هاممني حاجه
هي دي مشكلتي كل مره بتبدأ فيها السنه الدراسيه لو حد عنه حل ارجوا الافادة مع اني عارفه احل وهو اني اذاكر .
وعليكم السلام ورحمه الله وبركاته هي طويلة بس حاولى تكملى هتفرق معاكى اولا وقبل أي حاجة انتى ميه ميه انتى تفكيرك لوحده تفكير وحده طموحة تفكير بنت مسؤولة فأنا أحب اشكرك على ده أما بقى حكاية المذاكرة وكدا فده عند الكل بس الفرق أن فى ناس بتعدي المرحله دى وبتتعب وفي ناس بطول علشان تعديها وبعدين انتى بتقولي انك كنتي شاطره في الابتدائي وقبل ما اكمل مفيش حد خايب الفرق فى واحد بيذاكر وفى واحد بيطنش وعلى فكره أنا لسا في تانيه ثانوي وعرفت أعدي المرحله دى هقلك ازاي اولا أنا بصلي الحمد لله وانا بطبيعتي بحب السهر فقلت أنا هذاكر شوية وساعة ما أزهق أقوم اصلى قيام الليل مثلا ركعتين ولا حاجه وارجع اذاكر تاني ولما أزهق أروح أصلي ركعتين كمان وهكذا ولو الموضوع ده مش هيجيب معك نتيجة فشوفي الحاجه اللي بتريحك وافتكري أن اللي انتي هتذاكريه النهارده مش هتذاكريه بكره وبعدين انتي لسا صغيره لسا في ايدك تبقي الاولى في كل حاجه وعلى فكرة موت الواحد هو المقارنه بحد زميله أو كده يعني متقارنيش نفسك بحد خليهم هما اللى يقارنوا نفسهم بيكي وانا بقول لك الكلام ده علشان أنا في مرحله من المراحل كنت بشوف نفسي أن زمايلي أحسن مني مع اني كنت بطلع الاول دايما ولغاية السنة اللي فاتت كنت أنا أعلى درجه والأول كمان و حطي هدفك قدامك وافتكري انك عاوزه واستعيني بالله والله لو استعنتي بالله هتفرق معاكي جامد واسأل مجرب ولا تسأل خبير وآخر حاجة بتمنى تحققى حلمك بس اوعدينى لما تفتحى عياده تعرفينى وتكشفى عليا ببلاش 😁 اه يلا تصحبكى السلامه
تم النشر السبت، ٧ ديسمبر ٢٠٢٤
وعليكم السلام ورحمة الله وبركاته. حبيبتي، أولاً، أشكرك على مشاركتك لمشاعرك وأفكارك بشكل صريح. أنا سعيدة لأن لديك الحلم الكبير لتصبحي دكتورة، وهذا يتطلب جهودًا مستمرة وإرادة قوية. من الواضح أنك تمرين بتحديات عدة، بدءًا من الضغوط النفسية الناتجة عن المشاكل المنزلية، وصولًا إلى الشعور بالكسل وعدم القدرة على المذاكرة كما كنتِ في السابق. هذه الأوقات قد تكون صعبة، لكن من المهم أن تتذكري أن التغيير لا يأتي بين ليلة وضحاها، ويحتاج إلى خطوات تدريجية. إليك بعض النقاط التي قد تساعدك في تحسين وضعك الدراسي: تحديد الأهداف : ضعي أهدافًا قصيرة المدى وواقعية لنفسك. مثل، "سأذاكر مادة معينة لمدة ساعة يوميًا". هذا سيساعدك على تحسين تركيزك ورفع مستوى تحصيلك. توزيع الوقت : حاولي تقسيم وقت الدراسة إلى فترات قصيرة مع فترات راحة قصيرة بينها. هذا يمكن أن يساعدك في العودة إلى المذاكرة بشعور أقل من التعب والملل. تحسين البيئة الدراسية : تأكدي من أنك تذاكرين في مكان هادئ ومناسب للدراسة. الأجواء المحيطة بك تلعب دورًا هامًا في تركيزك. التشجيع الذاتي : لا تقارني نفسك بالآخرين. كل شخص لديه مسيرته الخاصة وقدراته. اعملي على تحسين نفسك فقط، وكوني فخورة بأي تقدم تحققيه. طلب الدعم : إذا شعرت ضغوطًا كبيرة، تحدثي مع أحد الأخصائيين مثل مستشار أو معلم، فهم قد يقدمون لك الدعم والمساعدة التي تحتاجينها للتعامل مع مشاعرك وضغوطك. الإيمان والأمل : تذكري أن الله معك دائمًا، ابحثي عن قوتك في الصلاة والدعاء واعملي على الاستغفار. هذا قد يفتح لك أبوابًا من الإلهام والثقة بالنفس. كل ما تحتاجين إليه هو الإصرار والثقة بأنك قادرة على التغلب على هذه التحديات. كوني مع الله، واثقة بنفسك، واستعيني بالأذكار والقران حينما تشعرين بالقلق أو الوحدة. أتمنى لك كل التوفيق في دراستك، وثقي أنك ستتمكنين من تحقيق أحلامك.
تم النشر السبت، ٧ ديسمبر ٢٠٢٤
عندى ٣ اسأله جاوبيهم بنفسك.. لية احساس عدم الثقة فى نفسك وفى قدرتك وفى شطارتك وجمالك؟ هل حلمك انك تكونى دكتورة من نفسك ولا من تأثير والدك عليكى؟ سؤال فلسفى شوية.. نظرتك للحياة انها سباق ولا كل واحد لية مسار حياته يمشى فيه -وخلى الاجابة بعيدة عن نظرة الاهل والمجتمع-
تم النشر الأحد، ٨ ديسمبر ٢٠٢٤
المقارنه غلط تمامااااااااا هتحسسك انك قليله وناقصه حاجه مش عارفه ايه هي هقولك على حاجه انتي صل ع النبي كده وزي م بقول اصحوا الفجر ي جماعه اصحوا الفجر والله كنزز انتي ف مرحله جديده ف اكيد هتتغير حاجات تاني معاكي شدي حيلك شدي حيلك حطي هدف قدام عينك حطي فرحة اهلك بيكي قدام عينك
تم النشر الأحد، ٥ يناير ٢٠٢٥
طلعي نفسك من جو المقارنات وخلي عندك ثقة في نفسك وخليك ليكي أهداف وما تقفليش علي نفسك في المذاكرة دخولك طب او غيره ده حاجه من عند ربنا السعي والمجهود عليكي والتوفيق والنصيب من عند ربنا فعيشي حياتك وخرجي تطلعات وامال الناس من دماغك كل شيء هو توفيق من ربنا أولا وأخيرا دخولك طب علشان الصورة اللي الناس رسمهالك فلو فضلتي بتاخدي سعادتك من كلام الناس هتتعبي فاخرجي من كل ده اعملي بس اللي عليكي
تم النشر الثلاثاء، ١٠ ديسمبر ٢٠٢٤
لعرض السؤال في فدني اضغط هنا