عاوزة ابقى ملتزمة ابدأ اذاى
قليل مستمر افضل من كثير منقطع. الصلاة وبعد كده ترجمى فكرة الالتزام فى الاستمرارية . يعنى لو قرأتى آيه واحدة يوميا لمدة سنة .. افضل من جزء شهر اه وشهر لا . والتزمى بالدعاء ده ( اللهم اعنى على ذكرك وشكرك وحسن عبادتك )
تم النشر السبت، ١٨ فبراير ٢٠٢٣
رقم واحد في الالتزام انك تحافظي على صلاتك اول ما تسمعي الاذان تسيبي كل ال في ايدك وتقومي تتوضي وتصلي تاني حاجه ورد قران ثابت يومي حتى لو صفحه واحده فقط وال يساعدك على ده ان القران يكون اول حاجه في يومك ..اول حاجه بمعنى اول حاجه يعني مجرد ما تصحي صليتي الفجر تمسكي مصحفك وتقراي الورد ال انت محدداه لنفسك لو انت بتشتغلي مثلا وبعد الفجر بتقومي تلبسي وتجهزي يبقى تقرأي في الطريق في المواصلات مثلا لو عندك اطفال بينزلوا مدرسه يبقى ينزلوا وتمسكي مصحفك مباشرة لدالمهم تبدأي به يومك وخليك عارفه انهم بالضبط لو وردك خمس صفحات مش هتكملي عشر دقايق في القراءة بس هتاخدي الاف الحسنات باذن الله وعلى اد ما تقرأي على اد ما هتلاقي بركة في يومك كان احد الصالحين بيقول كل ما ازيد ورد القراءة في القران كل ما تزداد بركة يومي حتى وصلت لقراءة عشر اجزاء في اليوم ثالث حاجه في الالتزام اذكار الصباح والمساء مهمه جدا جدا جدا فوق ما تتخيلي اهم من الاكل والشرب فعلا زي ما قال ابن تيميه اولا بفضل الله بتكون سبب في حفظك من شرور الدنيا كلها ثانيا لو ركزتي في الاذكار وكلماتها وادعيتها هتحسي براحه كبيرة ركزي في المعاني ال بتقرأيها هتلاقيها كنز ادعيه رهيييب ومريح جدا باذن الله كفايه انك بتكوني متطمنه باقي يومك ان مفيش ضرر او شر هيصيبك باذن الله وان اي حاجه بتحصل بتقولي انا قايله اذكاري رابعا صلاة الضحى حتى لو ركعتين بس .. بس هتلاقي فرق كبير في يومك خامسا اسمعي اي فيديوهات دينيه قصيرة لاي داعيه كويس زي فيديوهات راغب السرجاني كل يوم اسمعي فيديو او اتنين هي مدتها قصيرة جدا وجميله صراحه وهتستفيدي منها بس احرصي على السماع .السماع بيزيد تكرار الكلام على العقل حتى يتشربه القلب باذن الله سادسا خلي ليك ورد قبل النوم مثلا او في اي وقت في اليوم من ذكر الله مثلا اعملي كل يوم ٢٠ استغفار و٢٠ صلاة عالنبي صلى الله عليه وسلم و٢٠ تسبيح و٢٠ حمد و٢٠ تهليل ادي ١٠٠ مش بياخدوا دقيقتين ولكن احسبي حسناتهم هتلاقيها كتير جدا جدا سابعا ادعي كثير في كل وقت ان ربنا يحبب اليك الايمان ويزينه في قلبك ويكره لك المفر والفسوق والعصيان ويجعلك من الراشدين ويزيدك منه قربا وحبا ربنا يوفقك
تم النشر السبت، ١٨ فبراير ٢٠٢٣
الصلاه مفتاح كل الالتزامات والصلاه بخشوع تيسر السبل آكتر والدعاء و الإلحاح يصونون كل باب انفتحلك آكتر واكتر ف عليكي بإتقان الصلاه والدعاء ومن بعدها وآحده وآحده النوافل والقرآن 💜
تم النشر السبت، ١٨ فبراير ٢٠٢٣
شكرا على الرد وبفكر كمان اتحجب واحفظ أحاديث وافهمها هى والقران
تم النشر السبت، ١٨ فبراير ٢٠٢٣
اولا الحفاظ علي الصلاة لانها مش بس فرض لاء و كمان بتشحن الطاقة النفسية و الجسدية للإنسان و علشان تعتبر فرق كبير قوي بين اللي فعلا محافظ علي علاقته مع ربنا و بين اللي مش فارقة معاه و عايش و خلاص ، ثانيا دخل ربنا في كل شيء في حياتك .. يعني ايه .. يعني اعتبر كل عمل بتعمله خالص لوجه الله .. لو هتزور مريض او هتعمل شغلك اللي بتقبض عليه مرتب يبقي لوجه الله و ده معناه انه لازم يبقي لازم يتوفر فيه الاخلاص و الإتقان .. و الأمانة حتي لو اللي حواليك بيعملوا العكس ، ثالثا التقرب الي الله كل اما الظروف تسمح .. ماتش الكورة بياخد 90 دقيقة لكن صلاة ركعتين بتاخد 5 دقايق .. و هكذا .. و مهم جدا نذكر الله و نستغفر كتير و لو 100 مرة في اليوم علشان الاستغفار بيبقي زي حائط الصد بتاعنا ضد المصايب و الشدائد الاستغفار له فوائد عظيمة جدا ... و اخر حاجه ان الانسان يعمل بصلاته و تبقي دافع ليه ان يبطل الامور اللي بتغضب ربنا .. و انه يبقي رحيم بالناس و حليم و يصبر عليهم ، سواء المقربين له او الناس الغريبة ... الالتزام مش نقاب و اعتكاف و مش دقن و سبحة و جلابية .. الالتزام شيء روحاني اكتر بكتير من شوية مناظر تدل الي محتوي يمكن يكون مش موجود .. و اخيرا ربنا يوفقك
تم النشر السبت، ١٨ فبراير ٢٠٢٣
وانا اعرف اذاى
تم النشر السبت، ١٨ فبراير ٢٠٢٣
اه بس تجنبي الشيعة و تجنبي المصادر اللي مش اكيد او متنفعش .. يعني مينفعش يبقي مصدرك في معرفة دينك التليفزيون او واحدة صديقة او كتب مجهولة المصدر او فيه هلاف علي صاحبها .. القرآن و السنة .. و كل حديث تسمعيه او تقريه لازم تتاكذي من صحته .. علشان فيه احاديث و أقوال ضعيفة او غير صحيحة .
تم النشر السبت، ١٨ فبراير ٢٠٢٣
لعرض السؤال في فدني اضغط هنا