تم حذف هذا السؤال
وعليكم السلام ورحمة الله وبركاته هو الموضوع بقي موضوع من اللاشيء الشخصية اللى انتى بتحكى عنها شكلها وعيها قليل بس وتلقائية وممكن تكون حساسة شوية. عموما انك تعملى حدود مش معناه انك تتجاهلى حد ...انا ابتسم واقول صباح الخير و ازيكم ويارب تكونوا بخير ( العلاقة تبقي على قدر الزمالة واليوم وظروف العمل فقط ) ودى حدود انسانية بردوا ...اكيد اى شخص هيتضايق لو حس انه مش بياخد القدر الادنى من التعامل الانسانى اللطيف اعملى حدود ولكن بلطف ولين ...هتتجنبي الاذى وهتتجنبي بردوا تأذى اى حد بدون قصد. التواضع اى كان وضعى ومركزى مش لازم يكون بانى اتداخل بشكل شخصي ...بردوا بحدود ودى بتبان بالمواقف الحازمه ...زى الموقف اللى عملتيه كده ...وبعدها اتعاملى بلطف لانك خلاص وصلتى الرسالة واخدتى حقك . اهم حاجة بقي متسمحيش لحد ينقلك كلام ولا يقولك حصل ايه من وراكى...دى حاجة لازم توقفيها فورا.
تم النشر الخميس، ٩ فبراير ٢٠٢٣
من حقك انك طبعا تعملي حدود زي ما انتي عايزة، ومن حقك تسطحي علاقتك برده بالناس، مش لازم تكوني اجتماعية .. بس الاقل تسلمي عليهم مثلا .. معاكي حاجة تعزمي كده يعني، يعني فيه حدود ولكن فيه ود على الاقل وعلاقة زمالة. بس تعالي نتكلم في كذا حاجة .. الناس اللي بتفتح الموضوع في الشغل ويتكلموا على اللي حصل ... تقدري تقولي عليها عادة .. الناس مش بتسيب حد في حاله لازم يتكلموا عليه في اي حاجة حتى لو حاجة عادية، تقدري تقولي كده ان فيه ناس مش بيسبوا حد في حاله. وانتي لو ركزتي معاهم مش هتخلصي في الحل هو انك تتجاهلي كل الكلام ده. اما الشخصية ديه في حلين اول حل انك تتكلمي معاها تقولي لها انا عايزة اتكلم معاكي .. ليه انتي بتتعاملي بالاسلوب ده، وليه اساسا نعمل مشاكل اصلا، واحنا في غنا عن ده كله، انا مش حابه يكون فيه بنا مشاكل علشان كده جيت اقولك الكلام ده، وانتي ممكن كنتي تشوفي ان التجاهل بتاعي او التجنب ده تكبر بس تقدري تسميه ان شخصيتي كده وانا مش اجتماعية. وبس وتشوفي هترد هتقول ايه .. هل هتقدر وهتكون انسانة زوق وكويسة ولا العكس .. وبكده انتي هتكوني عملتي اللي عليكي وجبتي الاخر معاها. الحل التاني انك تتجنبي كل ده وترمي كل ده ورا ضهرك وتركزي في شغلك .. وكأن ده كله محصلش .. هما هيفضوا يتكلموا وانتي هتجحي في شغلك اكتر .. وزي ما قولتلك عادة الناس الكلام اللي مش بيخلص.
تم النشر الخميس، ٩ فبراير ٢٠٢٣
لعرض السؤال في فدني اضغط هنا