السلام عليكم ورحمة الله وبركاته
انا عندي18سنة، منتقبة، دخلت الكلية السنادي مع اني مش حباها بس الحمدلله لعله خير ❤
المشكلة اني صاحبت بنتين الاتنين احسن من بعض يعني حرفيا بيحبوني جامد وده عرفته من تصرفاتهم زي خوفهم عليا ودايما يكلموني لدرجة اننا ممكن نتكلم لصبح المهم الاتنين طبعا مصاحبتهمش مع بعض كل واحده في فترة البنت الاولي اسمها مثلا (ندا) والتانية (رحمة) المهم ندا دي كانت بتحبني اكتر اووووي ومشكلتها انها شكاكة يعني كل يوم تقولي اني مصاحبه واحده غيرها واني بحبها اكتر منها كلامها غريب ومش كده وبس انا طبيعتي اجتماعيه شويه هيا بقي مش عايزاني اكلم حد خالص غيرها لا وكمان لازم اكلمها 24ساعة لدرجة ان ساعات ايدي بتوجعني من ماسكة الموبايل وماما زعقت كتير علشان بمسك الفون كتير وحتي في ايام الامتحانات برضو بتعمل كده قولتلها هنخفف مكالمات الفتره دي علشان امتحانات الثانوية العامة راحت قالتلي انتي اصلا مش بتحبيني وبتعملي كده علشان مش عايزة نتكلم تاني وانا حرفيا كنت مصدومة منها مردتش وسيبتها معملتش بلوك لا سيبتها كده وخلاص، هيا بتعبت صحبتها تسأل عليا علشان هيا بتخاف عليا جامد زي ما قولت وانا كمان والله بسأل عليها لكن مش عايزة اكلمها زي الاول لاني والله العظيم كانت بتجبلي اكتئاب وقالت اني اروح دكتور نفسي انا فكرتها بتهزر انا كنت قولتلها قبل كده اني تعبت من كتر المشاكل وبقولها هروح لدكتور نفسي لقيتها بتقولي روحي بكل بساطة الا هو انا مفكرتش انها هتقولي كده ملحوظة (كنا بنتخانق كتير ونتصالح تاني وبسبب برضو نفس الموضوع انها شكاكة فيا جامد،)
انا لما اكون بعيدة برتاح مش قصد اني بكرهها لا علشان هيا اول ما تشوفني تقعد تقولي انها بتكرههني واني وحشه واني مستهلهاش وكلام من ده كتير كرهتني في نفسي وخلتني اشك في نفسي احنا دلوقتي مش بنتكلم بس هيا بتشوف حالاتي وانا كذلك علي الواتس وحصل حاجات كتير بس علشان نلخص الموضوع، اما صاحبتي التانية رحمة كانت مشكلتها انها دايما قافله فونها وارجع اكلمها تقولي مشغولة وابعتلها واتس تقولي معلش مشغولة وعندها مشاكل اقولها طب احكيلي مشاكلك وهحلها ان شاءالله مرة تحكيلي مشكلة ونعرف الحمدلله نحلها ومرة تقولي بعدين وسيبني فترة وتقفل الموبايل ترجع تاني بس شهر اقولها بقيتي احسن تقولي الحمدلله اقولها احكيلي تقولي بعدين وترجع بعد شهر كمان وارنلها متردش اقولها علي الواتس مش بتردي ليه تقولي مش عايزة اتكلم وهكذا لمدة 3شهور ووكانت قالتلي انها معندهاش صحاب علشان هي معندهاش غالي يعني مش بتعرف تخلي صاحبه ليها وانا ساعتها رديت قولتلها انا هبقي معاكي دايما بس بتصرفتها دي كرهتني في كل الصحاب وحاليا انا معنديش صاحبة قريبة ليا اوي عندي زمايل بس، بس انا كويسة كده الحمدلله، انا بس معرفشهل انا كده غلطت في حق حد فيهم وهما والله وحشوني اوي لاني بحبهم اوي بس انا معتش عايزة مشاكل تاني
ربنا بجبر بخاطرك ويعوضك يارب ❤️ بالنسبه ل ندى ف تصرفاتها مش تصرفات حد عاش حياه سويه انتى ملاحظتيش ده قبل كده ؟ يعنى فكرة أن هى شاكه فيكى كتير ده ملقتش نظرك لحاجه ؟ ليه ممكن انسان يتحول لشخص شكاك بالطريقه دى ؟ الاجابه هى أن اكيد اكيد البنت دى حصلها مشاكل كتير وناس كتير خذلوها وبدلوها بناس تانيه عشان كده هى شايفه أن كل الناس هتعمل فيها كده او انك لما تكلمى غيرها كده ممكن تبعدى عنها والواضح بجد أن عندها مشاكل نفسيه مأثره علي نظرتها تجاه الآخرين وبالنسبه لفكرة انها محتاجه تكلمك 24 ف الواضح أن ندى شخصيه عاطفيه جدا جدا يعنى وبتدى مشاعر وبتطلب اهتمام ومفيش حد بيوصل للمرحله دى الا لما يكون فعلا محتاج حنان وعطف من الي قدامو ولما الشخص الي قدامو بيدايق ليتحول ف ده الي حصل هى لما شافتك مش حابه انك تهتمى بالشكل الي هى عايزاه قالتلك كلام جارح جدا جدا وانا متأكده أن الكلام ده من ورا قلبها واحيانا فى ناس بتقول كلام جارح بس عشان بتكون مدايقه ومش مستوعبه أنها ممكن تخسر حد عزيز عليها زى الي راحوا منها زمان ف بجد حاولى تقفى جمبها يإما لو انتى شايفه أن انتوا بتحبوا بعض بس مش فاهمين بعض او ممكن مشاكل تحصل ابعدوا بسلام وربنا يعوض كل واحده فيكوا ❤️ بالنسبه لرحمه ف اكيد هى من النوع الكتوم وممكن المشاكل دى مشاكل في البيت أو يمكن معندهاش ثقه بسبب تجارب سابقه مثلا او اكيد بتقفل لسبب ودايما قدمى حسن الظن وعارفه أن الموضوع يدايق أن حد يقولك انا زعلان منغير ما يفسر لانك بتحسي بالعجز بس بجد نبقا حنينين علي بعض اكتر من كده ومعلش استحمليها وربنا يجبر بخاطرها ❤️
تم النشر الأربعاء، ١٨ أكتوبر ٢٠٢٣
انا شايف ان بعض المختصين في فدني اجابوا بما فيه الكفاية . لكن انا احب اضيف انك كمان شغل نفسك بصحابك وحب تعرفي مشاكل كل واحده منهم وبتدخلي في خصوصيتهم ودا كان مشكله مع زميلتك التانيه. ✨المهم* انك تركزي في مستقبلك هو الأهم وتسيبك من جوا الصحاب مفيش منه فايد إلا إذا كان فيه شخصية محترمة تستحق ذلك *وربنا يوفقك 🌸
تم النشر الخميس، ١٩ أكتوبر ٢٠٢٣
وعليكم السلام ورحمة الله وبركاته.... مبروك على دخولك الكلية، وبحيكي كمان انك ع الاقل شايفة في الكلية جزء فيها من الخير اللي ربنا كاتبه ليكي. فلعله خير❤ بالنسبة ل (ندا)... ندا للاسف هي اللي عندها مشكلة مش انتي، هي عايزاكي ليها وبس، بتحبك اه، بس حبها مرضي (حب امتلاك) وده واضح وضوح الشمس. هي عندها مشكلة في التعلق، عايزة الشخص ليها هي وبس، وثقتها في نفسها للاسف مهزوزة، لانها مش واثقة في انك مثلا لو بعدتي عنها ترجعي تحبيها. انا مقدرة معاناتك جدا معاها، ولكن لو هي مش مقتنعة انها مريضة ولازم تتعالج، يبقى اعملي حسابك لو رجعتي صاحبة ليها تاني انك حرفيا مش هتعرفي تعملي اي حاجه في حياتك، ولا تذاكري ولا تعملي اي حاجه غير وانتي بتكلميها، مش هتعرفي حتى تصاحبي غيرها، وخلي بالك في نويعة من الناس بتغير جدا من خطيبك مثلا او جوزك مستقبلا .. ما هو هياخد طبعا حيز مش قليل من حياتك. يعني بيت واولاد .. ف انتي متخيلة الموضوع مستقبلا هيبقى عامل معاكي ايه؟ ممكن توصل لخناقات كبيرة وزعل ومشاكل ... اللي بيحصل معاكي انتي ومامتك يعتبر نبذة بسيطة، يعني شوفي مامتك عملت معاكي ايه؟ بتزعق فيكي علشان ماسكة الفون ال 24 ساعة، وده حقها، يعني ايه فون اليوم كله؟ فين البيت، فين مذاكرتك، فين انيت اصلا من ده كله ... حياتك انتي فين؟ ولا هتعرفي تشوفي فيديو حتى لو غبتي عنها! واظن الصورة وضحت ليكي بشكل كامل، ده لو اختارتي انك تكملي، انا مقدرة حبك ليها، بس فين الحب ده؟ يعني هل هي كده بتحبك برضه؟ هي بتأذيكي كده، زي القطة اللي بتاكل ولادها! ف ياريت تختاري نفسك وتهربي. بالنسبة ل (رحمة).... من الواضح ان رحمة عندها ازمة ثقة في الناس اللي حواليها، مش حابه انها تقرب اوي من الناس فيه احتمال انها خايفة تقرب ف ممكن يحصلها خذلان مثلا؟ او الشخصية ديه تأذيها. فهي بقى عندها مسافة ومنطقة امان ليها مش عايزة حد يخترقها. السؤال هنا ليكي.... هل انتي حابه ان العلاقة ما بينكم تكون كده؟ يعني تتكلموا مثلا كل شهرين تلاته؟ لو انتي متقبلة ده، تمام ... مش متقبلة ده خلاص اعتبريها هي كمان زميلة او صاحبه ولكن في درجة معينه اقل من المقربة. الناس احنا بنحطهم في درجات، حتى لو كانوا مقربين، ممكن جدا يكون لينا 2 اصدقاء زمقربين ولكن بدرجات متفاوتة شوية. وده طبيعي لان مش الكل مكانته واحدة عندنا. بالنسبة لسؤالك (انا معرفش انا كده غلطت في حق حد فيهم)؟ لا، انتي اساسا اللي متضررة منهم .. مغلطتيش في حد بالعكس. واتمنى انك تنظري فقط لسلامك النفسي بعيدا عن اي شئ تاني. اختاري نفسك اولا، مينفعش تبقى بتحبي حد اكتر منك. وكمان الحد ده يكون اساسا مؤذي؟ ف لا مينفعش خالص. اتمنى تكون الاجابة افادتك بشئ ما، واتمنى ايضا انك تلاقي اصدقاء يكونوا متوافقين معاكي ومع شخصيتك 🧡
تم النشر الخميس، ١٩ أكتوبر ٢٠٢٣
حاضر هحاول ❤
تم النشر الخميس، ١٩ أكتوبر ٢٠٢٣
دي عندها عقده كبيره اوي😂💔بصي اخر محوله وبعدين متتكلميش تاني فهميها انك مش صحبتها الخذلتها وان الناس مش زي بعض حولي معاها اخر مره وبعدين لو عملت كدا تاني او مصدقتش خلاص هي هدنها كدا وربنا معاكي ومعاها بجد عشان شكلها بتحب الشخص اوي ولو كسرها بتتجرح اوي فحولي اخر مرة ولو منفعش افتكري انك عملتي العليكي وحولتي كذا مرة
تم النشر الخميس، ١٩ أكتوبر ٢٠٢٣
عملت كده فعلا والله واتكلمت معاها وحكتلي الا حصل معاها مع واحده صحبتها وكنا كويسين لكن هيا مصممة اني ممكن اكون زي صحبتها ا
تم النشر الخميس، ١٩ أكتوبر ٢٠٢٣
بصي هو الانا فهمته من التعليقات الانتي كتبها انهم كان عندهم صحاب قبل وخذلوهم وكدا ومحتجينك تصلحي حاجه انتي مكسرتهاش انا الصراحه مش عرفه اقول اي عشان انا زيهم اصلا متعقده من موضوع الصحاب اصلا بس حولي تصدقي افعلهم مش البيقلوه بمعني صحبتك التنية دي مبتحبكيش الصراحه افعلها بتدل علي كدا والاولي افعلها بتقول انها بتحبك وخيفه تخسرك بس حولي تفكري ف الاولي شويه هي دلوقتي زيك وحيده معندهاش صحاب ويمكن انتي كنتي صحبتها الوحيده ادلها فرصه اخيره عشان هي مكسوره والله هو اه هتلقيها بتشك ف كل حاجه بس حولي تفكري كدا اي الحصل عشان تشك كدا والحصلها دا خلها حساسه بالذات مع البتحبه فحولي معاها مرة اخيرة بس حاولي متتكلميش معاها شات وتوجهيها دا هيكون احسن وحولي تقولي البيديقك وتسمعلها بردو وحولي تحترمي الهي حساه
تم النشر الخميس، ١٩ أكتوبر ٢٠٢٣
انا في الفترة دي بعمل كده ومرتاحه الحمدلله، بس زمايلي بيقولي انها بتسأل عليكي دايما الا هيا البنت الاولي والتانية لا بس بحلم بيها
تم النشر الخميس، ١٩ أكتوبر ٢٠٢٣
بصي خلاص كدا انتي عملتي العليكي واكتر صدقيني ادام عملتي العليكي استريحي كدا ولما تعقل تيجي تكلمك هي، انتي متبدأيش كلام خليها تكلمك هي وشوفي هتحاول معاكي زي مبتحولي ولا لاه بس صدقيني الحل دلوقتي انك تسكتي ومتتكلميش وتشوفي هتعمل اي بس حاولي متتعشميش اوي عشان رد فعلها ميصدمكيش بس عيشي حياتك عادي جدا ولا كأن في حاجه حتي لو علقاتك كلها بيظه عيشي حياتك
تم النشر الخميس، ١٩ أكتوبر ٢٠٢٣
انا زهقت كلام معاها والله لدرجة اني بقيت يوميا بكلمها و اوضحلها واقولها اني قد اي بحبها وانها زي اختي لو اكتر بس مافيش كلام من ده بيأثر فيها
تم النشر الخميس، ١٩ أكتوبر ٢٠٢٣
اولا المشاكل ديما هتكون موجودة ف اي علاقه والمشاكل دي البتختبر العلاقه اذا كانت قويه ولا لا صديقتك الاولي كأنها خيفه لتفقدك هو بطريقه ما فقدتك بس لسه بتطمن عليكي انها بتشوف الاستوري وكدا او تبعت صحبتها دي طريقتها افتكري ديما انك مش هتلاقي حد مثالي حاولي معاها تاني بس المرادي بدل متتخنقوا وتتعاتبوا حاولي تفهميها انك بتحبيها بس كل شخص ليه طريقه بيبين حبه هي طريقتها اه مبالغ فيها بس صدقيني الناس دم طيبين اوي اوي حاولي معاها وهتفرح والله بس اقعدوا مع بعض بس وقللها بكل وضوح ان البتعمليه بيديقني وكوني صريحه معاها وواضحه وشوفي رد فعلها وحولي تكوني هاديه وانتوا بتتنقشوا عشان متتقلبش خناقه اما صديقتك التانيه حسه ان في حاجه كسرها او خيفه لتقربلها وتبعدي حساها متعقده من حاجه انا نفس عمرك فعتبريها نصايح من صديقه اخسري البتحبيه ومتخسريش البيحبك ابدا وبالتوفيق
تم النشر الخميس، ١٩ أكتوبر ٢٠٢٣
لعرض السؤال في فدني اضغط هنا