أنا شَخص مُتعدد الشَغف، لا أستطيعُ تحديد هدفِي بشكلٍ اسهل، و أيضًا كيفَ أكتشفُ ذاتي؟ كيف أصلُ للنجاح و الثَراء؟
في وجهة نظري هي بالتجربة يعني انت عندك ميول لحاجه معينة دلوقتي ابدأ فيها وتوكل علي الله وإنجز فيها بالقدر الكبير بشرط إن الأهداف تكون مشروعة واضحة (جرب إختبارات الشخصية من مواقع مضمونة هتساعدك في فهم نفسك اكتر ) طموحه وواقعيه ان ترتبط بزمن محدد :حدد وقت إنتهاء وإبتداء فيها عشان متسوفش المرونه ان تكون ذا أولوية وبس أنجزت فيها بالقدر الكافي وصبرت لأن مش شرط كل حاجه هتكون بيرفكت أكيد هتواجهك صعاب في الطريق بس إفتكر إن النجاح لديه تمن وإن دروس الحياه مش بالمجان! +تعدد الشغف مش مشكلة لو إنت مسكتهم واحده واحده وبدأت تجرب وقعدت فتره حلوه تشتغل عليها وإفتكر دايما إن أرزاقنا مكتوبة وإحنا علينا السعي فقط🤍
تم النشر الجمعة، ٢٥ أغسطس ٢٠٢٣
التجارب هي من تصنع الشخص .. يعني لو انت متعدد الشغف ف كذا مجال ومش عارف تختار، او عايزة تختارهم كلهم مثلا؟ مش عارف تعمل ايه بالظبط ..؟ جرب، جرب كتير جدا لحد ما تعرف الحاجه اللي انت عايزاها فعلا، واللي انت حابب تكمل فيها. حاول اقرا كتير، وتنمي نفسك في المهارات الشخصية ده اختبار تحليل الشخصية، حاول تعمله مفيد بشكل كبير اختبار تحليل الشخصية والتخصص الجامعي من موقع فرصة! وفيه موقع كورسيرا - ادراك عليهم كورسات في اغلب المجالات .. ادخل واتعلم وجرب.
تم النشر السبت، ٢٦ أغسطس ٢٠٢٣
خصص وقت لاكتشاف الذات دون الدخول فى عمق اى شىء ده هيكون بانك تعمل حصر للمجالات اللى مهتم بيها وتبدأ تقرأ عنها وتشوف مجالات وظروف شغلها طبعا هتلاقى نفسك حابب كذا مجال ...شوف انهى مجال اللى هتستمتع فيه اكتر لو كنت انت اللى بتشرحه لغيرك ...وده اللى هيكون افضل شىء تتخصص فييه وباقى المجالات تعرفها يدوبك حد المعرفة ومتشغش بالك بتطبيقها بشكل عميق عشان الموضوع ميقلبش تشتت تصل لنجاح بقى لما تتعلم وتنقل العلم لغيرك ...لما تحط اهداف وتسعى فى تحقيقها ويكون هدفك مش دنيا بس قه اخلص عملك اى كان لله واتقى الله فى كل امورك ....يرزقك باذن الله الثراء ويفتح لك من ابواب رزقه
تم النشر السبت، ٢٦ أغسطس ٢٠٢٣
بص هوا مفيش حد بيكتشف اى اللى يناسبه بسهوله لازم تجرب كذا حاجه وتفشل وتجرب حاجات تانيه وتفشل لحد ما هيجى مره وتظبط معاك وتنجح فى الحاجه اللى عملتها وانت تكتشف ذاتك بإنك تعطى وقت مخصص لنفسك تفكر فيه وتجرب هواياتك وتشوف انت بتحب اى وبتكره اى شوف اى اكتر حاجه انت بتميل ليها واما عن النجاح فانت لازم تقرأ كتاب العادات الذريه واما عن الثراء فممكن تقرأ عن الأب الغنى والاب الفقير وفى غيرهم كتب كتير كويش بس انا برشحلك دول من احسن الكتب اللى قرأتها انا
تم النشر السبت، ٢٦ أغسطس ٢٠٢٣
اشتغل واتمرمط ف اي حاجه لحد ما تلاقي انت عايز ايه
تم النشر الأحد، ٢٧ أغسطس ٢٠٢٣
نصيحه من حد يمكن اكبر منك ، بس سعيت كتير ف نفس الطريق ال انت بتقول عليه ده ونفس الكلام عندي بالظبط ، متعدد الشغف وشايف اني اقدر انجح ف اي حاجه بس احطلها خطه ممتازه وبقدر احط دا ومش بمشي عليه كتير عشان بنصدم بصعاب الطريق ف اسيبه واروح لغيره لاني شايف نفسي اقدر اعمله واني متعدد الشغف ، المهم ، متعملش كدا ومتشوفش نفسك ف اكتر من حاجه او يعني العدد الطبيعي ال تقدر تعمله من العادات او المهن وسيبك من ربط الحاجه دي بالفلوس من البدايه ، استمر ف تعلم الشيء ال انت شايف شغفك فيه وشيء واحد بس او زي ما قولتلك عدد سهل تعمله ومتقساش علي نفسك كتير بس استمر وكمل ف المجال ال هتدخله ، وبعد كدا الفلوس هتيجي بالراحه ولوحدها بس استمر استمر ومتسيبش الحاجه ال تبتدي فيها ، ولو حابب كلام اكتر ممكن نتكلم مع بعض كتير ف الحاجات دي
تم النشر السبت، ٢٦ أغسطس ٢٠٢٣
لعرض السؤال في فدني اضغط هنا