السلام عليكم .انا عندي 22 والحاله الاقتصاديه مش افضل حاجه ف بيت العيله ودا بسبب ان ابويا ربنا يعافيه بيشرب دخان وبيسهر وبيشتغل قليل وكمان ف اخر فتره بدأ يتعب ع خفيف وانا حاليا معنديش شقه وعايز اتجوز والدخل الي بجيبه بصرف جزء ف البيت وجزء بحوشه بس الجزء الي بحوشه قليل لأني تقريبا متكفل بالبيت والمبلغ دا لو فضل سنين يتعان مش هيبني شقه اتجوز فيها ونا مش عايز اصبر اكتر من كدا وعايز اعف نفسي ومش لاقي حل.! هل لو سبت البيت وشفت مستقبلي يبقا حرام عليا .!طب لو جبت طلبات البيت ومش مهم الجواز الوقتي.! طب انا عايز اعصم نفسي من الفتن اعمل اي ؟
وعليكم السلام ...احساسك بالمسئولية تجاه اهلك شىء يحترم واوعى تتنازل عنه ولا تشوف ان دى حاجة هتضرك ابدا ..لانك بركة وستر حياتك كلها هتكون ببرك لاهلك من حقك ان تنتبه لما تخطط له فى مستقبلك ولنيتك للزواج فقط اخبرهم انك سوف تبدأ فى تجهيز نفسك لمتطلبات الزواج وان خذا سيتطلب ادخار مبلغ اكبر من المال الذى تكسبة من عملك ...وسيكون ذلك كافى بدون ترك المنزل تماما
تم النشر الثلاثاء، ٢ أبريل ٢٠٢٤
اولا اخي اعلم ان مساعدتك لوالديك هذا فرض واجب انت ومالك لابيك ثانيا عليك أن تبحث عن عمل بمرتب جيد وممكن تعمل جمعية مع أصدقاء بمبلغ شهري ثم غيرها وابدء واحدة واحدة واعلم أن الله لايتركك بفضل والديك مادمت لهم طائعا وهناك أيضا اعمال حرفية ممكن تعملها في البيت تدير عليك دخلا لاباس به
تم النشر الثلاثاء، ٢ أبريل ٢٠٢٤
مينفعش تسيب البيت لان ابويك ليهم فضل كبير عليك وحاول تدور علي شغل يكون مرتبه عالي علي قد الامكان واصبر شوية ربنا هيراضيك
تم النشر الثلاثاء، ٢ أبريل ٢٠٢٤
اولاً.عن المنزل لا تتركه فأنت مدين لابيك وامك بما لا يسده مال ونصيحتي لك حاول إقناع والدك بطريقه لطيفه ان التدخين يدمر صحته وان السهر يأدي الي اثار سلبيه في الذهن والجسد اعلم انك صنعه ذلك ولكن حاول ان تقنعه بنصوص دينيه وعلميه ثانياً.عن العمل فحاول تطوير نفسك تعلم اللغه الانجليزيه تعلم البرمجه ولحسن حظك هناك العديد من الكورسات التي تعلمك الانجليزيه والبرمجة واي شئ شئت فتعلم أبسط المهارات في هذا العصر يفتح لك باباً كبيراً من العمل وبالتالي مال أكثر وحاله اقتصاديه افضل وان كنت تعرف اي مهاره مثل فوتوشوب وتعديل الصور والفيديوهات يمكنك العمل بها الآن علي الانترنت ثالثاً.عن الفتن فقد قال الله تعالي واستعينوا بالصبر والصلاه حاول تكثيف الطاعات في حياتك وان كنت ملتزم حاول تأديت النوافل والسنن
تم النشر الثلاثاء، ٢ أبريل ٢٠٢٤
لسه بدري سنك صغير والجواز مسؤلية كبيرة ومصاريف واولاد حرام تبهدل زوجة واولاد معاك اشتغل واجتهد اشتغل شغلانة واتنين لحد ما ربنا يكرمك وتقدر تفتح بيت مستقر
تم النشر الأربعاء، ٣ أبريل ٢٠٢٤
بص لو والدك عنده مقدره انه يشتغل وفي نفس الوقت ميقدرش انه يوفرلك شقه فمن حقك انك تبني حياتك وتبدا تكون نفسك لكن لو هو صحته علي قده فانت حاول تمشي حالك وصدقني لو فضلت تكرمهم ربنا هيكرمك وديه حقيقه حصلت. قدام عيني وحاول تكلمه في موضوع التدخين بالراحه
تم النشر الأربعاء، ٣ أبريل ٢٠٢٤
لعرض السؤال في فدني اضغط هنا