السلام عليكم ورحمة الله وبركاته اولا كل سنة و انتم طيبين ، ثانيا انا في اولى كليه وامتحاناتي بعد العيد على طول ( امتحانات اخر العام) ولسه مستلمه الكتب من اسبوع عارفه منهجي بيتكلم عن ايه فالاسبوع اللي استلمت فيه الكتب ده امتحنت الميدترم فانا عايزه خطه امشي عليها عشان اخلص المنهج مع نفسي نظري من الدكاتره نصهم ما بيشرحوش و إلي بيشرحوا مش فاهمين منهم حاجه عشان انا ما بعرفش اعمل ملخصات ولا اقسم جداول وللاسف المنهج كبير بيوصل ل 6وحدات و عندي 10مواد و قدامي حوالي ٢٩ يوم تقريبا ده لو كلامهم صح أني حمتحن بعد العيد على طول لاني حمتحن عملي و بعدين نظري فاعمل ايه
بصي محتاجه تعملي حاجتين اول خطوه انك تقرأي كل المواد ف خلال عشر ايام كل يوم ماده تقرايها بصوت عالي وانت بتقرايها تحددي الحجات المهمه اول مره بتقرأي مش بتحفظي بس بتفهمي الماده بتتكلم عن ايه واهم حاجه الصوت ف المذاكره عشان تركزي اكتر بعد كده بتمسكي ماده ماده تدوري ع كل جزء ع فديو يوتيوب يشرحه وتفهميه وتحددي بقا النقط المهمه والتعريفات تحفظيها وتعملي ملخص عن طريق الخرايط الذهنيه لكل وحده بتاخديها وتذاكري بالشرح عن طريق انك تشرحي لحد كأنك مدرس بيثبت الماده معاكي الطرق دي هتخليكي تذاكري وتلخصي وتجمعي المهم وتثبتيه بنسبه كبيره
تم النشر الخميس، ٢٣ مارس ٢٠٢٣
وعليكم السلام ورحمة الله وبركاته حببتي وإنتي بصحه وسلامه وسعادة يارب 💜 لو في امكانيه تجيبي الملخصات من حد من دفعتك أو ملازم سناتر اعتمدي عليها ف المذاكره مش لازم تقرأي المنهج بالكامل. أو تعرفي منهم إيه النقط المهمة ال دكاتره قالت عليها حتي لو شرحهم مش كويس بس هيقولو علي المهم ال هما بيجيبوه فالامتحانات.
تم النشر الخميس، ٢٣ مارس ٢٠٢٣
افضل طريقة فى وقت الزنقة ...خريطة ذهنية تجمعى بيها اولا كل ماده وبعدين تراجعى عليها لما تخلصى. فى التص تكتبى اسم المادة يتفرع منها الوحدات كل وحده يتفرع منها اسماء الاقسام او العناوين الرئيسية. وهكذا
تم النشر الخميس، ٢٣ مارس ٢٠٢٣
وعليكم السلام ورحمة الله وبركاته، أولاً أود أن أهنئك بحلول العام الجديد، وأسأل الله أن يجعله عاماً من الخير والنجاح. ثانياً، يجب عليك تحديد أولوياتك في الدراسة، ومن ثم تخطيط خطة محكمة ومناسبة لك لتنجح في دراستك. يمكنك عمل قائمة بالمواد التي تحتاج إلى مذاكرتها وتقسيمها على عدة أيام، ومن ثم قسم الدروس إلى فصول واضحة ومفهومة، وحاول استخدام طرق دراسة تناسبك مثل المذاكرة بالمجموعات أو المذاكرة الفردية والتركيز في أكثر من مادة في يوم واحد. لاتنسي الاستفادة من خدمات خارجية مثل الطلبة الأكبر سناً في الكلية، وحضور المحاضرات والاستفسار من الدكاترة في حال وجود أي تساؤلات أو استفسارات. لا تنسى أن تخصص وقتاً كافياً لنفسك، وقم بممارسة بعض التمارين والرياضة وتناول الأغذية الصحية لضمان صحتك العقلية والجسدية ولتكون جاهزة للمذاكرة. اتمنى لك التوفيق والنجاح في دراستك.
تم النشر الخميس، ٢٣ مارس ٢٠٢٣
لعرض السؤال في فدني اضغط هنا