قررت انتحر .ارجوكم ادعولى .لان عند ربنا احسن من الشارع وقهرتى وزلى
حكايتك لسة مانتهتش .. ولسة فيها فصول جميلة إن شاء الله بس انت اللي مكسل تكمل قراءة القصة لآخرها الانتحار عمره ما كان حل .. الانتحار سيلقي بك إلى هاوية لا تعلمها الآن في يديك القرار و أنت تملك زمام حياتك وبعد الانتحار لن تملك من أمر نفسك شيئا فاتق الله ولا تلق بنفسك إلى التهلكة الحقيقية .. لسة فيه أمل طالما لسة فيك نفس ورحمة ربنا وسعت كل شيء .. فلا تعاجل ربك بنفسك
تم النشر الأربعاء، ١١ يناير ٢٠٢٣
اكيد حصلت معاكي حجات وصلتلك الاحساس ده بس كل مشكله وكل قهره ممكن تكوني حساها ليها اكيد حل وتعالي نجرب نلاقي حل تاني انتي جربتي الحلول الي حوليكي والي قدامك مجربتيش حل معانا هنا ..لسه المشوار طويل تعالي نجرب ونشوف مش يمكن دي فرصه تلاقي فيها حل وتفتكري بعد فتره ياااه انا ازاي كنت هعمل كده انا اخيرا حليت مشكلتي ومبسوطه والي نفسي فيه حصل طب ازاي كنت هضيع متعة الحجات الي معايا كمان في ناس كتير حوليكي بيحبوكي تخيلي هيتأذوا ازاي من فقدانك ممكن ميقدروش يتخطوها وانهم عايزينك دايما جنبهم انا معاكي ايه الي وصلك للفكرة دي وممكن نلاقي اكيد حل وانا مستنيه اسمعك واتمنى تشاركي حد قريب منك بالفكره دي
تم النشر الأربعاء، ١١ يناير ٢٠٢٣
وانت مفكر انك لما. تنتحر كدا هترتاح هترتاح لما تشوف العذاب !! هترتاح لما يحطوك ف قبرك المظلم لوحدك !! مفكر كدا انك بتريج نفسك !! راحة النفس بتيجي بذكر الله ♥️ متستسلمش من اول ابتلاء جالك كمل وعافر لاجلك ولاجل مستقبلك اذكر الله الا بذكر الله تطمئن القلوب
تم النشر الخميس، ١٢ يناير ٢٠٢٣
أنا برضو فكرت كتير في الانتحار وحاسس جدا بك أنا باخد ٧ انواع ادوية نفسية لكن والله بجد من أعماق قلبي بقولك والله ما هي مستاهلة عارف انك بتتعذب وانت عايش بسبب وضعك لكن دا كله مؤقت انا اكتر واحد يمكن يفهمك لاني كنت كل لحظة بفكر في الانتحار والحمد لله لما بدأت علاج بعدها بفترة كبيرة نوعا ما ظهر التحسن لان حالتي كانت صعبة وجالي اكتئاب حاااد فكانت الدنيا مقفلة في وشي وروحت لدكتورة ادتني علاج غلط وكنت بموت بس دلوقتي انا احسن رغم تأخر مستوايا الدراسي وتأجيلي للامتحانات والاعراض الجانبية للعلاج بقيت مش بفكر في الانتحار وبقت فيه حاجات كتير خلتني متمسك بالحياة ومستني اموت موتة طيبة في الوقت اللي ربنا يأذن بيه
تم النشر الأربعاء، ١٨ يناير ٢٠٢٣
ليه مستعجل؟ احنا كلنا هنموت .. كلنا هيجي علينا وقت ومش هنكون موجودين في الدنيا. ليه مستعجل انك تنهي حياتك .. بالرغم ان بيبقى فيه حلول ديما .. انت اكيد مكنتش تتمنى انك توصل للمرحلة اللي انت فيها دلوقت. اكيد مكنتش حابب انك في يوم تفكر في الانتحار. انت مش عايز تموت .. انت عايز الالم هو اللي يموت ألجأ فورا لمتخصص يقدر يساعدك .. اطلب المساعدة .. مش يمكن تغير وجهة نظرك .. مش يمكن تبدأ بداية لحياة جديدة. الموت عمره ما كان حل، بالعكس انت كده بتعمل مشكلة اكبر .. ليه تقرر في لحظة انك تخسر دنيا واخرة؟ ايه المهم عندك؟ واحنا اساسا اتوجدنا على الحياة ديه ليه؟ ايه المعنى؟ هل علشان نموت نفسنا .. ولا علشان نعيش التجربة اللي ربنا وضعنا فيها. احنا كل اللي بنعمله لو فكرنا ل لحظة واحدة وربطنا هدف ل كل اللي بيحصل هنقول ان لكل شئ غاية الهية . دور على المعنى جواك
تم النشر الأربعاء، ١١ يناير ٢٠٢٣
لا ده اغبي قرار ممكن حد ياخد فى حياته والذل اللى انت فيه هيكون اهون من العذاب اللى هتشوفه في الاخره ويريتك هتتعذب بس دا انت خالد فى العذاب
تم النشر الأربعاء، ١١ يناير ٢٠٢٣
مبدئيا كده الفاشل بس هو اللي بيهرب لما بيقع او يفشل مرة او يتحط تحت ضغط او الدنيا متجيش علي هواه، ثانيا المنتحر كافر ولا تجوز الصلاة عليه حتي، ثالثا من اكتر البشر المثيرة للغثيان الشخص الأناني اللي بيقرر يؤذي عيلته و كل اللي حواليه و ينتحر، رابعا في حاجه اسمها حسن الختام بندعوا ربنا يرزقنا بيه، حسن الختام يعني قضيت في الدنيا اللي هيه دار التعب و الكد و الشقي حياتي و رضيت ربنا علي قد ما قدرت و سبت أمري كله لله يمشي الأمور زي ما يحب و انا مؤمن ان ان شاء الله اللي جاي احسن.. من الأمور التي تندرج تحت بند السخرية المريرة الشخص اللي بينتحر و هو كل قصده انه ينتحر بشكل مزيف ( كده و كده) علشان يؤثر علي اللي حواليه او يهتموا بيه او يلبوا مطالبه بس للاسف بتوسع منه و بيموت بجد، سيدنا يوسف عليه السلام اخواته اتفقوا عليه و رموه في الجب اللي هو حفرة وسط الصحراء، و فيما بعد اتسجن،، و هو من رسل الله و حصل له كل ده.. و احنا اي كلام فارغ و لعب عيال نقول هننتحر او حتي لو مصيبة جامدة و حصلت بدل ما نقاوم و نقرف اللي سبب لنا الأذي لاء نختار سكة الضعف و نؤذي نفسنا اكتر ما الغريب آذانا.. منطق المنتحرين مش فاهمه و مش هاضمه.. دا لو عندهم منطق اصلا.. ياريت تصلي علي النبي كده و تبطل او تبطلي الهبل ده و تقاومي و اللي ضايقك تضايقيه او تحتسبي عند ربنا و تثقي ان ربنا هيجيب لك حقك أو هيحصل مشكلتك او هيحول الشر اللي انت شايف انه شر الي خير لو صبرت و فوضت امرك الي الله.
تم النشر الأربعاء، ١١ يناير ٢٠٢٣
لعرض السؤال في فدني اضغط هنا