هو ليه ممكن الواحد يتفهم غلط بالرغم من انه حاول يشرح موقفه و بالرغم من انه كان بيحاول يساعد إلي حواليه........انا دايما يتفهم غلط من الكل حرفيا و حاولت اعرف الأسباب بس برضو مش عارفه ليه يتفهم غلط يعني مثلا واحده صاحبتي نفسها تخس و كانت بتتكلم و بتقول ان لو عملت تمارين البطن كل يوم وقتها هتخس بس انا قولتلها ان الكلام ده غلط و قولتلها ان تمارين البطن غلط تتعمل كل يوم و ان لازم تمشي على نظام غذائي محسوب السعرات علشان كنت عاوزه اساعدها و كنت بحاول اشجعها و اقولها كلام يحفزها و كمان كنت بديها نصايح عن تجربتي و عن الأبحاث العلمية كمان علشان تحس بس هي فهمت ان كل إلي بعمله ده تكبر و ان بخلي إلي قدامي ميعبرش عن رأيه لأني بقول كلام علمي فبخلي الواحد ميقدرش يتناقش معايا.....المفروض اعمل ايه هل أتجاهل الموضوع و اطنش كل الأشخاص إلي مش بيفهموني مع العلم ان كل الأشخاص إلي في حياتي و منهم اهلي مش بيفهموني و لا اعمل ايه بالظبط؟
انتى نيتك خير ...بس طالما اللى قدامك كده كده دماغه مش قد اللى هتقوليه فبلاش تقوليه مره واحده كده . يعنى قولى حته ولو لقيتى اللى قدامك مهتم وبيسألك اكتر كملى ... لقيتيه باين على وشه انه مش مرتاح قوليله عموما اى حاجة مهما كانت بتفرق وبتساعد انك توصل لنتيجة المهم الاستمرار وبس كده. وكمان دايما اسألى اللى قدامك قبل ما توجعى قلبك ...قوليله تحب اساعدك باى نصيحة او بتجربتى فى الموضوع ده....اذا وافق تمام ...موافقش خلاص يبقي وفرتى على نفسك مجهود مش هيكون فى محله.
تم النشر الجمعة، ٢٦ مايو ٢٠٢٣
مش كل الناس هتفهمك صح، ومش كل الناس هتفهم برضه طريقة كلامك او الاسلوب اللي انتي مقتنعة بيه، ف متحاوليش تبرري وجهة نظرك او تحاولي بالعافية تثبتي انها الصح! مهما حاولتي اللي عاوز يشوفك متكبرة هيشوفك كده مهما حاولتي تبرري .. ف متحاوليش تبرري اي حاجه. وفي نفس الوقت .. انزلي شوية بطريقة كلامك بحيث اللي قدامك يفهم .. يعني لو كانت صاحبتك مش بتفهم مثلا بالكلام العلمي بحت .. انزلي شوية بالطريقة بتاعتك لمستوى تفكيرها علشان تفهم .. وكذلك اهلك .. لانهم ممكن فعلا ميفهموش الكلام ده، لو كانوا مش قارئين في الكلام ده او مش دارسين ف هيبقى بالنسبالهم صعب الفهم .. ف انتي عاملي الناس على قدر عقولهم .. ومتحاوليش تبرري بعد كده اي حاجه.
تم النشر الاثنين، ٢٢ مايو ٢٠٢٣
تحتاجين إلى التفرقة بين من سيتقبل نقاشك ورأيك وبين من لن يفعل، ومن ثم وحينها فقط ستحرصين على كل كلمة تخرج من فمك وتتحدثي مع من سيقبل حديثك وتصمتي مع من لن يفهمه مطلقًا
تم النشر الاثنين، ٢٩ مايو ٢٠٢٣
حاولي تعرضي فكرتك بطريقة ميكونش فيها حِده يعني تكوني هاديه وحافظي ع نبرة صوتك تبقى ع نفس التون وكمان سيبي اللي قدامك يقول رأيه وتستني تسمعيه للآخر حتى لو شايفه ان غلط واما تيجي تعلقي بدل م تقولي مثلا:لأ الكلام دا غلط تقولي انا متفقه بس احنا ممكن نقول..." وابعدي عن الألفاظ العلمية الصعبة وحاولي توصلي فكرتك باللغة الدارجه
تم النشر الاثنين، ٢٢ مايو ٢٠٢٣
بصي انتي مش غلطانه بس هو مش كل الناس بتحب تتكلم كلام علمي ده اولا ثانيا بقي متحولي تبرري كلامك لحد وله انتي بتتكلمي عربي زيك زي القدامك فالكلام مفهوم ولو حبيتي تبرري يبقي هي مره واحده وبس عجبو الكلام اهلا وسهلا مش عجبو خلاص مش مهم وغير كده حولي تقللي اجاباتك علي اي حد بيفهمك غلط مثلا زي صحبتك هي شايفه ان انتي بتتكبري عليها خلاص لو كلمتك في حاجه تاني ردي رد بسيط ومفيد يعني حاجه زي الحصلت كتي ممكن تقولي ان في ناس بتكول ان تمرين البط كل يوم غلط وتقوللها ان هي ممكن تسأل او تمشي مع دكتور علشان متعملش حجات وتأثرش معاها وبس لا انتي قولتي كلام علمي ولا اتكلمتي كتير
تم النشر الاثنين، ٢٢ مايو ٢٠٢٣
لعرض السؤال في فدني اضغط هنا