عندي مشكلة ومش عارفه اخد قرار فيها ابدا اديلي 4 سنين بحب واحد وهو بيحبني اضعاف اضعافي وهو بصراحة شخص كويس وكل حاجه ونا حبيتة فعلا ودي مش المشكلة، المشكلة انة انا من عالم وهو من عالم تاني خالص مختلفين ف التفكير ومبنتفقش علي اي حاجه خالص وانا عنيدة وهو عنيد وكل حاجه حرفيا ساعات بتبقا ضدنا، هو عيلتة غير عير عيلتي خالص في التعامل وكل حاجه بضايق من اي حاجه بعملها كون اني من مجتمع غير مجتمعة ودايما شايفها انها عيب او ميصحش، ومشكلة تاتية لتوضيح هو مستواة غيري خالص فهل دا ممكن يسببلي مشاكل كتير ف حياتي الجاية معاة لاني حرفيا ادلنا 4 سنين مش متفقين علي اي حاجه خالص ونا خايفة من المستقبل، وانا احلامي وطمحاتي بيخاف دايما منها واوقات بضايق منة ف الحتة دي ف تنصحوني ب اي اخلية يمشي علي قوانيني وليتحملني كدا ل انهي معاة ولا امشي علي النهج بتاعة برغم اني بتعب اووي وبضايق منة فيهاا؟ وشكرا لكم♥
السلام عليكم ورحمه الله اهلا بيكي مقدره الحيره و التفكير اللي انتي فيه و لذلك مقدرش املي عليكي و اقولك كملي أو سبيه ، و لكن ممكن اوضحلك يعني ايه تكافؤ في الزواج و دا هيفيدك ازاي و انتي صاحبه القرار. خلينا نسأل الاول يعني ايه تكافؤ زواجي ؟؟ يكون الرجل كُفؤا للمرأة ، والمرأة كُفؤا للرجل ، و دا بيحصل لما يكون فيه تقارب فكري و ثقافي و نفسي و إجتماعي. هو مهم يحصل التكافؤ دا ؟ اه بالتأكيد مهم لان لو الزوجه مثلا اعلي علما و مستوي ثقافي اعلي و فكري هتبدأ تنشوز و تتعالي علي الزوج أو العكس صحيح. ف من الاول و انتم مفيش ربط للعلاقه كاولاد او مسؤليات أو وجود عائلتين مع بعض و بيحصل مشاكل كتير ، هل ممكن تتفقوا في تربيه الاولاد ؟؟ في إداره المنزل ؟؟؟ عندما توجد مشكله عائليه هتعرفوا تقفوا مع بعض و تدعميه او هو يدعمك و يكون جنبك ؟ هل انتم متفقين علي اصحابكم ؟ علي الملابس؟ علي الشغل ؟ علي رأي العام في شتي الأمور ؟ الزواج دا بدايه حياه جديده مع شخص تكملي معاه العمر كله ، هتستحميله في الحلوه و المره ، في كل أحواله ، و بعد الزواج بتبداي تشوفي العلاقه صح و الشخص صح ، لان خلاص مفيش تجميل هو دا انا و دي عاداتي هل تقدري تكملي ؟ صلي استخاره و فكري و خدي وقتك و استشيري والدتك و المقربين ليكي . إن كنتي قادره علي تجاوز كل هذا ف الله يوفقك و يسعدكم ، و أن كنتي لست قادره ف الله يسعدك مع غيره و يكتبلك الخير. تحياتي 💐
تم النشر الخميس، ١٣ يونيو ٢٠٢٤
تم النشر الخميس، ١٣ يونيو ٢٠٢٤
يا قلبي، أنا مقدرة جداً مشاعرك وترددك. الموضوع فعلاً معقد ومش سهل. بصي، في العلاقة أي علاقة كانت لازم يكون فيه توافق وفهم متبادل، لأن الحب مش كفاية لوحده. لازم فيه تفاهم ومشاركة من القلب والقالب. أنا هساعدك بنقاط معينة فكرى فيها وقد تكون مفيدة: التواصل : جربوا تكونوا صريحين مع بعض أكتر وتتكلموا عن الحاجات اللي مضايقاكم بصدق، الحوار اوقات بيتطلب شجاعة لكن بيفيد كتير. القيم والمبادئ : للأسف لو الفروق في القيم والمبادئ كبيرة ومفيش حد قابل يتنازل أو يتغير، بيكون دا عائق كبير. هل انتِ مستعدة تتعايشي مع ده طول العمر؟ الدعم والاحترام : التأييد والدعم لأحلامك وطموحاتك حاجة مهمة جداً. مهم إنك تحسي إنه بيدعمك ويشجعك، مش بيثبطك. العائلة والتقاليد : حاولي تفكري كويس ازاي ممكن تتعاملي مع عائلته وتقاليدهم، وهل ممكن تلاقي حلول توفّقية ترضي الجميع؟ حاولي تاخدي وقتك وتفكري كويس، ولو حاسة إن في احتمال للحل والتغيير دلوقتي، حاولي تدي العلاقة فرصة. لكن لو شايفة إن الأمور مستحيلة التغيير ومش قادرة تتعايشي معها، فالانفصال ممكن يكون الحل الأنسب ليكي ولصحتك النفسية. الأخذ بالقرار مش سهل، لذا ممكن كمان تلجأي لمختص يساعدك في الوصول لقرار أفضل. أنا معاكي وقلبى معاكي، واتمنى تأخدي القرار اللي يريحك ويسعدك بالنهاية. ♥
تم النشر الخميس، ١٣ يونيو ٢٠٢٤
طالما شايفه انكوا مش شبه بعض وكل واحد منكم عنيد يعني بتستهلكوا طاقتكم ومشاعركم ف الفاضي ف ليه متقبلين وضع مش مريح والمفروض أن احنا بنبقي عايزين شريك عشان نلاقي الراحه ؟؟؟؟؟
تم النشر الجمعة، ١٤ يونيو ٢٠٢٤
اني ل وجعني 4 سنين صح بتحبيه بس كل شي مختلف عن الثاني هوا من بلد وانتِ من بلد ثاني فا لو بتستمري حتتعبي وبدون شك ولو كنتي عارفة انك حتتحمليه وهوا يتحملك خلاص اتوكلوا على الله
تم النشر السبت، ١٥ يونيو ٢٠٢٤
هوا ليكم 4 سنين علاقة من المفروض تكوني فاهتيه وهوا فاهمك و راسمين مستقبلكم مع بعض ولو بتاخدي قرار بما انك عايزتيه وهوا عايزك لازم تكلمي اهلك وشوفي رايهم
تم النشر السبت، ١٥ يونيو ٢٠٢٤
لعرض السؤال في فدني اضغط هنا