انا شخصية بتخاف تتعامل مع الناس أو بالاحري مبعرفش أتعامل مع الناس ولا حتى أهلي مش بعرف اتكلم معاهم طول الوقت خايفة من كل حاجة مش حاسة بالأمان حتي وأنا معايا أهلي أنا لوحدي برغم انهم حواليا بس أنا لوحدي بخاف من اللي جاي دايما مش قادرة استحمل ولا أكتم الحزن والعياط بعيط من أقل كلمة تتقال طول الوقت عياط من غير سبب مش عايزة اتكلم مع حد عايزة أفضل لوحدي مش عارفه اذاكر مش عايزة أروح كليتي مش حابة إني أكمل تعليم محدش فاهمني محدش واقف جمبي مش عارفة أتكلم ولا اشكي ولا أقول إللي جوايا ومعتش قادرة أكتم واخبي اكتر معتش قادرة استحمل حاجة كل اللي في دماغي إني اموت وارتاح من كل ده
ازيك أتمنى تكوني بخير .. طبعا يفضل زيارة مختص علشان يقدر يساعدك اكتر .. ولكن خلينا هنا ندردش شوية .. هل طول عمرك كده ؟ وعلاقتك بأهلك كانت عامله ازاي؟ وطفولتك كانت شكلها ايه .. يعني لو تقدري تسردي تفاصيل اكتر .
تم النشر الاثنين، ١٢ ديسمبر ٢٠٢٢
صعب للأسف أن كام سطر هنا يساعدوكي تعدي من المحنة دي. أتمنى تزوري معالج نفسي في مركز أو عيادة أو مستشفى قريبه منك في أقرب وقت. بتمنالك تلاقي نفسك وتعيشي حياة هادية مستقرة.
تم النشر الأحد، ١١ ديسمبر ٢٠٢٢
اى نصيحة دلوقتى هتكون فى غير محلها ...لان واضح ان جواكى تفاصيل كتير مكبوته ومحتاجة تطلع وترتاحى منها وتتحل من جواكى عشان كل ده يقف. محتاجة طبيب او اخصائى نفسي ضرورى. الموضوع ممكن يكون بسيط دلوقتى فبلاش تستنى وقت ولا تتأخرى فى خطوة الاستشارة النفسية لانك تستحقى تكونى فى حالة افضل من دى بكتير .
تم النشر الأحد، ١١ ديسمبر ٢٠٢٢
اختي احسن حاجه انك لما تشوفي الرسالة قومي وصلي ركعتين بنيه فك الكرب وارجعي الي ربك انتي بعيده كل البعد ارجعي وافتح المصحف
تم النشر الأحد، ١١ ديسمبر ٢٠٢٢
والحياة مش مستاهلة نضايق بعض هي صعبة بما فيه الكفاية فاللي هيقدر بس يتعامل معايا سعمل كده واللى مش هيقدر مش زعلانة منه.لازم تبقي واضحة وصريحة معاهم عشان يفهموكي ويتفهموا ويعرفوا ازاى يتعاملوا معاكي ويدعموكي .بس ده كله بعد مانتي تفهمي نفسك عشان تفهميهم ..فاهماني؟ وربنا معاكي ويحميكي ويديكي نعمة تفهمينفسك
تم النشر الاثنين، ١٢ ديسمبر ٢٠٢٢
اقسملك بالله مفيش اى حاجه تستدعى اى قلق. بصى ركزى فى الكلمه ديه (طز) طز فى اى حاجه وفى اى مشاكل وفى كل الناس الدنيا ديه مقسومه اتنين انتى نص وكل الناس النص التانى من هنا بس تعرفى قيمتك لما انا بغمض بس عنيا العالم كلو بيختفى أنا المتحكم انا النص الى ماسك القياده خبطى ولا يهمك ولا يهزك
تم النشر الثلاثاء، ١٣ ديسمبر ٢٠٢٢
الكلام مع اللي حوالينا بيريح، وطبعا بالإستعانه بالله عزوجل، واصبري، ولا تغضبي، وخلي دايما في بالك ان فيه خير فيكي وفي كل اللي حواليكي
تم النشر الاثنين، ١٢ ديسمبر ٢٠٢٢
لكن الطبيعي إننا ك بشر مش ها نفهم بعض بلوتوث 🙂 أو لاسلكي.. انا كتير كنت بسكت وباخد جنب، لكن فهمت بعد كدا ان اللي معايا مفهمش ولا عرف ان الكلام أو الموقف زعلني
تم النشر الاثنين، ١٢ ديسمبر ٢٠٢٢
وان الموقف او الفعل أو الكلام بيزعلك... واتكلمي مع اللي قدامك.. ان شاء الله الكلام حتى لو الصوت علي مثلا بس ها ترتاحي.. وخلي دايما في بالك ان كل اللي حواليكي بيحبوكي ويتمنولك الخير
تم النشر الاثنين، ١٢ ديسمبر ٢٠٢٢
أولا ربنا يبارك فيكي ويحفظك من كل شر وسوء، وزي ما تفضلت التعليقات الموجوده والنصائح الطيبه، ربنا ينفعك بكل ماهو خير، استعيني بالله عزوجل، وخليكي عارفه ان سكوتك وان اي موقف بيزعلك ويخليكي تاخدي جنب وتبتعدي ده مش الحل الصحيح دايما، لأ اتعاملي ،لو فيه حد حسيتي ان هو زعلك، اتكلمي قولي له، إللي اتعمل ات.
تم النشر الاثنين، ١٢ ديسمبر ٢٠٢٢
لحد مافهم وادرس نفسي حلو .وفي اليوم يجيلى شجاعة اقف قدامهم واقولهم بعد دراسة انا شخصية حساسة واقل كلمه بتضايقني ومحتاجة اللي يتعامل معايا يعمل كذا وكذا وميعملش كذا وكذا ولو حد مش هيقدر يتعامل معاسا وانا كده تمام اناا متقبلة ده ومش متضايقة المهم منضايقش بعض واحنا عايشين نتعامل مع اللي شبهنا
تم النشر الاثنين، ١٢ ديسمبر ٢٠٢٢
شوفيي انتي بتحبي تعملى ايه واعمليه بشجاعة بس بعد ماتفهمي نفسك.فهمك وتقبلك لنفسك هيريحك.ومش هيضغط عليكي لدرجة تفكري فالموت بعد الف الشر عليكي.لو حابة تتكلمي معايا اكون مبسوطة واوى وخصوصا اني زيك بالظبط.مش لازم نتعامل مع الناس.واجب نفسي عليا احميها واعتزل ما يؤزيها حتي لو كان تمن ده هبعد عن الناس
تم النشر الاثنين، ١٢ ديسمبر ٢٠٢٢
بالنسبلهم كلام بسيط بالنسبالك كلام جارح جدا لانك شخصية حساسية فلتتجنبي ده ابتديتي تنعزلى ومش قادرة تتعاملي مع حد ومحدش فاهم ليه ولا حتي انتي فاهمة نفسك اوى ليه انتي متضايقة ومتالمة اوى وبتتصرفي بالبعد ده كله لانك مش فاهنة صفات شخصيتك فاهمانى .انا لقيت نفسي في لعب الجيتار والموسيقي .شوفي بتحبي انتى
تم النشر الاثنين، ١٢ ديسمبر ٢٠٢٢
وتتفهمي نفسك وصفاتها .اقري وافهمي واتعاملى مع نفسك اكنك طفلة .كل حاجة تعمليها شجعي وكافئي نفسك عليها حتى لو هتجبيلها حاجة بتحبيها.واتصالحي مع صفات شخصيتك .لو تفضلي القاعدة لوحدك اعملى كده وقولى للناس انا بس بحب اقعد لوحدي واتكلمي بشجاعة.انتي ببتهربي من الناس عشان كلامهم جارح حتى لو بيوقولوا كلام بسيط
تم النشر الاثنين، ١٢ ديسمبر ٢٠٢٢
بصي انا كده برضو..بس عايزة افهمك حاجة .انتي شخصية حساسة دي نوع من الشخصيات لازم تعرفي صفاتها عشان تعرفي تتعاملى مع نفسك في كلام كتير ع النت عن الشخصية دى .هي مش شخصية وحشة بالعكس حساسة ومرهفة ومنها بيطلع الموسيقيين والفنانين والمؤلفين .المهم تعرفي موهبتك ايه وتنميها ولما تعملى كده وتتصالحي مع شخصيتك
تم النشر الاثنين، ١٢ ديسمبر ٢٠٢٢
شكراً بجد علي الكلام ده
تم النشر الثلاثاء، ١٣ ديسمبر ٢٠٢٢
فري الشحنة
تم النشر الاثنين، ١٢ ديسمبر ٢٠٢٢
لعرض السؤال في فدني اضغط هنا