ازاي اتخطي فترة الاحتراق النفسي انا كنت طول عمري بذاكر وبحب المذاكرة حتي في فترة الجامعة بس من بعد التخرج وانا مليش نفس للمذاكرة ولا كورسات ولا شغل وبقيت بنام كتير ومش عارفة هل ده بسبب اجهاد نفسي ولا ان شغل المتاح لي غير مناسب لمجهودي الذي بذلته وحتي مش عارفه احدد مجال تخصص
السلام عليكم ورحمه الله اهلا بيكي مؤلم بعد التعب و الجهد و المذاكره متلاقيش اللي كنتي متوقعاه ، أتفهم شعورك جيدا، و دا اللي خلي الدافعيه للإستمرار في المذاكره تقل بل تتحول إلي الإحباط و دا ممكن اي حد يمر بيه و لكن عليكي بالرجوع الي التعب و فيه عباره حلوه اوي بقيت اشوفها بتقول محدش بيحاول و بيجيب صفر ، كلها خبره و معرفه حتما هتستفادي منها قدام، و نحن مطالبين بالسعي لا بالنتيجه. و عندك امثله من المشاهير زي محمد رمضان لا نقول إذا كان صح او غلط و لكن هنتفق أنه بقي مشهور و حقق حلمه و مستسلمش رغم كل المعوقات. ممكن تبصي علي بيومي فؤاد او سيد رجب دول ممثلين برضواتشهروا لما كبروا لو كانوا وقفوا و هما لسه صغيرين مكناش عرفنا عنهم حاجه. اشتغلي علي نفسك و سيبي النتيجه لله رب العالمين. أما عن مجال التخصص شوفي اكتر حاجه بتحبي تقراي فيها و بتجيبي دراجات كويسه فيها كان ايه و ابحثي عنها اكتر و شوفي راحتك. ربنا يوفقك و يسدد عنك. تحياتي لكي💐
تم النشر الأحد، ٩ يونيو ٢٠٢٤
حاولي تشغلي نفسك يمكن دا عشان مفيش حاجة تعمليها وعقلك مقتنع بكده ف اشغلي نفسك ودوري ع شغل يناسبك وبتحبيه
تم النشر السبت، ٨ يونيو ٢٠٢٤
اعتقد بتنامي كتير عشان مفيش شغل او مفيش حاجة شاغلاكي فمفيش قدامك غير النوم. حاولي اضغطي على نفسك شويه... مش من اول متتخرجي هتلاقي شغل يناسبك، اشتغلي أي حاجة لغاية اما يجيلك الشغل اللي يناسبك عشان تحسي ان لحياتك معنى وتبعدي عن احساس الفراغ دا. ولما تشتغلى هتحبي تطوري نفسك وهتاخدي كورسات غصب عنك عشان تبقى أحسن، بالتوفيق.
تم النشر الجمعة، ٧ يونيو ٢٠٢٤
فهمت يا حبيبتي… فترة الاحتراق النفسي من أصعب الفترات اللي ممكن أي حد يمر بيها. وأنا مقدرة شعورك تمامًا. هنا شوية نصايح ممكن تساعدك تتخطي المرحلة دي: استراحة مؤقتة: خدي لنفسك فترة راحة من التزاماتك وحاولي تعيشي لحظات هادئة. اقرئي كتاب بتحبيه، اتفرجي على فيلم، أو حتى اخرجى تمشي في الهواء الطلق. وضع نظام يومي: نطمي يومك وحددي أوقات للنوم والأكل والعمل والترفيه. وجود نظام ثابت بيساعد العقل يرتاح. حاولي تبعدى عن المثالية: مش كل حاجة لازم تكون 100%. اقبلي نفسك بأخطائك وحاولي تقدري كل خطوة بتاخديها. التركيز على صحتك النفسية والجسدية: خلي عندك وقت لممارسة الرياضة وأكل صحي. دي حاجات بتفرق قوي. استشارة مختص: لو لقيتي نفسك مش قادرة تخرجي من الحالة دي، ممكن تروحي لمرشد نفسي يساعدك، ومش عيب يا جميلة إننا نطلب المساعدة أوقات. البحث عن شغف جديد: ممكن تجربى حاجة جديدة ما جربتيهاش قبل كده، كورس جديد، هواية جديدة، ممكن تلاقي حاجة تحبيها. التحدث مع مقربين: كلمي اللي حوالينك عن اللي بتحسيه، الكلام فى حد ذاته ممكن يكون ليه أثر مريح. دايمًا فكري إن دي فترة وهتعدي، وانتي قوية وقدرتك على المواصلة هتنقذك. العبء اللي حاسة بيه طبيعي ومفهوم، بس مهم إنك تدي لنفسك الوقت والمساحة للراحة والتعافي. أنا دائما هنا لو محتاجة تحكي أو تتكلمي 💜
تم النشر الخميس، ٦ يونيو ٢٠٢٤
عدم تحقيق التوقعات فالواقع بيسبب إحباط. للأسف الشائع دلوقتي ان الانسان لما يجتهد لازم يلاقي نتيجة وده توقع غلط، لإن في قدر ربنا والرزق. الاجتهاد في الدراسة شيء إيجابي ولكنه مش نهاية المطاف، حضرتك ممكن تشوفي ايه امكانياتك والفرص المتاحة وتحاولي تشوفي هتوصلي ازاي لأفضل فرصة متاحة، وده يتطلب وعي بالمهارات المطلوبة. الاجتهاد مبيقفش عند درجة معينة، والحياة المهنية تتطلب المرونة الدائمة وإعادة التخطيط وترتيب الأمور. وقدر الله كله خير
تم النشر الجمعة، ٧ يونيو ٢٠٢٤
لعرض السؤال في فدني اضغط هنا