انا بنت عندي ٢٠سنة كنت معروفة من انا وصغيرة بالذكاء و التحدي و دخلت مدرسة المتفوقين فالثانوي و طلعت من الأوائل فاول سنة و من بعدها الدنيا اتغيرت بقيت مطفية و مش قادرة و مش مهتمة لاي حاجة اتغيرت١٨٠ درجة لدرجة انه انا فتالتة ثانوي جيبت ٨٠فالمية و سيبت العيال الي كانوا بيكرهوني و يتريقوا عليا يبقوا احسن مني بقيت معترفة اني ضعيفة و فاشلة و الاسوا اني مش مهتمة بغض النظر ان شخصيتي قوية و مش بخلي اي حد يضايقني بس انا مبقيتش انا جالي تبلد مشاعر و اتعالج كتيير اخدت ادوية وسواس قهري و اكتئاب و مهدئات و حاجات تفوق بعد م كشفت كتيير بس متغيرتش بالعكس بقيت اسوا فالكلية شيلت ملاحق و سيبت الكلية و دخلت واحدة تاني ف جامعة تانية مع دفعة أصغر حياتي اتغيرت و مبقيش همي مصلحتي بقيت شخص كارف و مش فارق معاه اي حاجة كل الي بقا فارق معايا شكلي و لبسي بغض النظر اني مكنتش كدا بس بقيت كدا نفسي ارجع زي زمان نفسي حياتي ترجعلي نفسي احس باي حاجة علاقتي بربنا تقريبا مبقيتش موجودة و الاسوا اني مش بفكر حتى اصلحها مش هاممني مش مصدقة فاي حاجة ولا عندي ثقة فنفسي او فربنا انا بجري فطريق مسدود ويهرب من كل حاجة
ايه اللي الانقلاب الكبير اللي حصل في حياتك وقلبها بالشكل ده؟ هل كان السبب من الاصحاب ولا من الاهل؟
تم النشر الأربعاء، ٢٤ يناير ٢٠٢٤
وايه الدافع اللى كان بيحفزك انك تكونى متفوقه ؟ وهل حصل ليكى تنمر فى انك عشان متفوقه فانتى شكلك وحش او ان المتفوقين دول ع طول معقدين ومش بيهتموا بشكلهم مثلا ؟.
تم النشر الأربعاء، ٢٤ يناير ٢٠٢٤
• أُفضل أن تتواصلي معي ، إما بصفتِي أخصائية دعم نفسي لكِ أو صديقة أو أُخت اختارِي شكل العلاقة التي تستريحِي لها ، لأنكِ تحتاجِي إلى دعم مُستمر ، ونصائح من شخصية مُتواجدة معكِ ، وليس كلمتين فقط ، لذلك أتمنى أن تتواصلِي معِي ضروري من خلال الضغط على زر طلب استشارة في صفحتي ، وإن شاء اللَّه يُقدرنِي ربِي وأتمكن من مُساعدتكِ ، وللعِلم هذا الأمر بدون مُقابل مادي ، حتى لا تحسبِي أننِي أُتاجر بعملِي مثلًا ، تحياتي.
تم النشر الأربعاء، ٢٤ يناير ٢٠٢٤
تعرفي كلامك خلاني اعيط انا نفسي بجد احس اني مسنودة ع ربنا نفسي احس ان مفيش لذى هييجي من ناحية الدين و نفسي افوق و ارجع زي مكنت نفسي اصحى من الي انا فيه و افوق زي منت عملتي انا فخورة بيكي و ربنا يوفقك يا رنا و تبقي سعيدة دايما +انا رفيعة جدا و محدش كان بيتريق ع شكلي كانوا بيتريقوا ع مستوايا الدراسي للاسف لدرجة ان واحدة منهم حاولت تاخرني عن الامتحان و قالتلي معاد غلط
تم النشر الأربعاء، ٢٤ يناير ٢٠٢٤
• يبدو أن بريدكِ لا يستقبل أيضًا ، لأن الرسالة لا تُرسل ويتم أرشفتها وللأسف أنا ليس لدي أي مواقع تواصل إجتماعي غير هُنا والواتساب ، لذلك إن أمكن أن تفعلي بريد أخر حتى أتمكن من إرسال رقمي إليكِ ، ثم بعد ذلك إن أردتِي ألغي البريد.
تم النشر الأربعاء، ٢٤ يناير ٢٠٢٤
• حاضر ، سوف أرسل لكِ رقمي على البريد.
تم النشر الأربعاء، ٢٤ يناير ٢٠٢٤
كل اللى قولته بيحتاج سنين ومش سهل خالص بجد وع فكرة اللى حكيته تجربة شخصية لانى عانيت من حاجة ادت لنفس اللامبالاه واستمريت ٣ سنين بس بعدها انا بقيت انسان الحمدلله احسن بكتير وده كان بسبب الدعاء واللى قولتهولك فوق ... انتى فكرتك عن الثقة ف الله غلط .. مش معنى انك تدعي بحاجة ومتحصلش يبقى كده ربنا مستجبش ! لأ لان الدعاء استجابته ليها ٣ اوجه وجه هو اجابة دعوتك ووجه هو ربنا يبعد عنك بيه أذى كان هيحصل ووجه ان ربنا يديكى ثواب عليه انتى عميتى عينك عن كله الا اجابة دعائك وسبحان الله هتمر السنين وانا وانتى اهو وهتلاقى نفسك بتحمدي ربنا ان اللى دعيتى بيه محصلش والله ..انا عايزة اقولك ع حاجة .. انا اتأخرت عن دفعتى سنتين مش واحدة وكنت شبه الميته ومكنتش بصحى م النوم الا للحمام والشرب والصلاة حتى الاكل والله كان ممكن ربع رغيف ف اليوم كله!😄 .. بس دلوقتى مر ع ده ٤ سنين وشوية والحمدلله انا كويسة وعمري ما سبت نفسي لفكرة انى دعيت وربنا ما استحابليش ! خاالص انا كنت ضعيفة وقتها ف كل حاجة كل حاجة بجد الا ف نقطة انى ابطل دعاء او فروضي ال٥ ! والحمدلله انا اتبدلت وبقيت احسن وبحاول اتغير طول الوقت والعب رياضة وثقتى ف نفسي زادت للضعف ولما كنت بصحى بدرى اصلى قيام وادعي قبل الفجر وبعدها اصلى الفجر وابدأ اعمل فطار وازينه لنفسي واعمل كوبايه عصير فريش وادخل البلكونه افطر واتنفس واشوف الشمس واحيانا كنت اشغل قران او دعاء مريح وصوت عصافير ووالله بكون ف اشد لحظات السعادة وربنا اكرمني وعملت عمرة وكل ده بسبب كلمة "يارب" ..اوعي تيأسي من الباب ده بالذات لو الدنيا كلها قفلت ف وشك ألف باب ..الباب ده باب معجزات صدقيني اقسم بالله .
تم النشر الأربعاء، ٢٤ يناير ٢٠٢٤
اتمنى لو كان الموضوع بالسهولة دي انا علاقتي بربنا فيها عدم ثقة لان جات فترة وثقت اويي فربنا و فضلت ادعي و ادعي و اعيط و مكانش معايا حد كنت واثقة ان ربنا هيقف جنبي و للاسف محصلش انا عارفة ان اكيد فيه حاجة غلط بس من ساعتها مش قادرة اثق فربنا تاني مش عايزة اتعلق بحاجة ممكن فالاخر توجعني اكتر عارفة ان دا غلط عارفة والله و اتكلمت مع شيوخ كتيير و ردودهم مكانتش فحلها بل زادت الشك عندي الدين بالنسبالي مبقاش الحل
تم النشر الأربعاء، ٢٤ يناير ٢٠٢٤
هو اكيد فى سبب او حاجة حصلت كانت السبب ف التغير المفاجئ ده ! هل كان فى علاقة مش كويسة او شله اصحاب واضح انهم كانوا بيتريقوا واحتمال يكون ع شكلك عشان كده انتى اتغيرتى وكل هامك شكلك؟ مش عارفة ..انتى مش موضحة السبب ... لكن المهم انك تقطعة السبب ف ده تماما وعادى لو دخلتى مع دفعة اصغر ايه المشكلة خلاص الدنيا وقفت ع السنة ولا ال٣ حتى اللى اتأخرتيهم؟ لأ ..يبقى خلاص مش مهم المهم دلوقتى انك تجددي ف حياتك والعبي رياضة ده هيفرق ف ثقتك ف شكلك اوي لو استمريتي بس وظبطتى جسمك بالشكل اللى يرضيكي ... كمان بالتبعيه اكلك هيظبط شوية وحاولى تاكلى خضار وخضرة نية اكتر وفواكه.. بالنسبة للدراسة فادي لنفسك فرصة انك كأنك ف اولى جامعة وخلى التبلد ف المشاعر اللى عندك يخدم النقطة دي وكمان حطى نفسك ف بيئة احسن وسط ناس احسن وعايزة تبقى زيهم هتتغيري من غير م تحسي وطبعا طبعا اضعف الايمان علاقتك بالله لا تنقطع فيها الفروض ال٥ ..وتابعي دورات ع اليوتيوب او بودكاست زى "وعي" وشوفى "مع نفسي" للدكتور عبد الرحمن ذاكر الهاشمي وممكن ف الدين تتابعي سيرة الرسول عليه الصلاة والسلام عندك ناس كتير ممكن تسمعي فيها د.علاء حامد كمان بيعمل دورات كتير زى امهات المؤمنين ..انتى لو دخلتى الطريق ده من غير م تحسي هتلاقى نفسك اتحولتى لانسان احسن من زمان اللى كنتى عليه بجد .. وسامحي نفسك عشان تقدرى تكوني شخص احسن وربنا هيفتحلك الطريق وهيسامحك ويغفرلك ... وادعي وادعي وادعي وادعي .
تم النشر الأربعاء، ٢٤ يناير ٢٠٢٤
اول انتي لازم تصلحي علاقتك مع ربنا قربي من ربنا لان مشاكل اللي انتي فيها دي بسبب بعدك عن ربنا جربي تقربي ربنا وهتلاقي حل بدل منتي داخله تدوري علي حل هنا روحي صلي وقربي من ربنا علي فكره ده مش اختياري انك تقربي من ربنا انتي مخلوقه عشان تعبدي ربنا مش هتعرفي تحلي مشاكلك دي غير انك تقربي من ربنا صلي واعملي لاخرتك لو مش عارفه تعملي ف دنيا الحقي نفسك واعملي لاخرتك
تم النشر الأربعاء، ٢٤ يناير ٢٠٢٤
loly18200@gmail.com
تم النشر الأربعاء، ٢٤ يناير ٢٠٢٤
ممكن حضرتك تبعتيلي ميل برقمك او لنك الانستجرام او الفيس علشان نقدر نتواصل لان الميل باظ فاة و مش راضي يبعت مسجات بيستقبل بس
تم النشر الأربعاء، ٢٤ يناير ٢٠٢٤
• هل أوقفتي الدواء النفسي فجأة بدون العودة إلى الطبيبة النفسية ؟
تم النشر الأربعاء، ٢٤ يناير ٢٠٢٤
حولى تقربي من ربنا وتصلى وتقولى الاذكار وشغلى سورة البقره فالبيت واسمعيها
تم النشر الأربعاء، ٢٤ يناير ٢٠٢٤
انا هحاول اكلم طبيب نفسي فالموضوع دا لانة صدقيني غصب عني انا مش قادرة اثق فربنا خلاص ثقتي اتدمرت فالدين انا حتى مش فارق معايا الاخرة
تم النشر الأربعاء، ٢٤ يناير ٢٠٢٤
لعرض السؤال في فدني اضغط هنا