السلام عليكم ورحمة الله وبركاته
عايزه اخس بقلل اكل وبعمل رياضة بس مش دايما ومش بلاقي نتيجه في نزول الوزن عايزه نظام دايت امشي عليه ولو في برشام للتخسيس ملهوش اضرار اقدر أجيبه
انا بنت عندي 21 سنه وزني 76 كيلو جسمي مش مثالي عندي رغبه اني اخس بس مش عارفه ابدا ازاي وايه اللي اكله وايه لا
وكمان لو في حاجه لسد الشهيه لاني بكون طول النهار متماسكه ومش باكل اجي بالليل أكل حتي لو حاجات بسيطه بس باكل بالليل وبعك الدنيا
الرياضه ف البيت مش بتجيب فايده علي العكس لو تابعتي مع مدربه ف الجيم انزلي الجيم دا هيساعدك كتير ف نزول وزنك وكمان بلاش اكل اليل ممكن زبادي عليها ليمونه وكلي الصبح وجبات خفيفه زي بيضه وكتري الخضروات والسلطه ؛ مع كل وجبه والفواكه حلوه برضو هتديكي طاقه وتشبعك والشاي الأخضر مفيد برضو او مغلي الكمون مع اليمون كله دا بيساعد وصح السكريات برضو قلليها علي قد م تقدري والحلويات امنعيها معلقه سكر كفايه ولو مفيش فايده روحي لدكتور تغذيه بس انك تنزلي من وزنك ده محتاج صبر ومتيأسيش ف تابعي مع جيم ومره ولا مره هتنزلي وهتحققي الوزن اللي عايزاه وبالتوفيق
تم النشر الأحد، ١٤ يوليو ٢٠٢٤
وعليكم السلام ورحمة الله وبركاته، أهلا بيكي! أول حاجة، حبيت انك مهتمة بصحتك وبتحاولي تغييري من نفسك. التغيير مش بيجي بين يوم وليلة، وده طبيعي جدًا. بالنسبة لتنزيل الوزن، فيه شوية حاجات ممكن تفكري فيها: توازن السعرات الحرارية : مهم إنك تراقبي السعرات اللي بتدخليها لجسمك. ممكن تستعيني بتطبيقات زي MyFitnessPal عشان تساعدك تعرفي بكمية الأكل اللي بتاخديها. تنظيم الوجبات : حاولي تاكلي 5 وجبات صغيرة في اليوم بدل 3 وجبات كبيرة. ده هيساعد يسد شهيتك ويبقى عندك طاقة طول اليوم. اختيار الأكل الصحي : ركزي على البروتينات (زي الدجاج، السمك، البيض)، الخضار، والفواكه. بلاش المأكولات المعلبة والحلويات. الرياضة : حاولي تكوني ملتزمة بتمارين رياضية منتظمة، حتى لو كانت بسيطة زي المشي السريع أو التمارين المنزلية من يوتيوب. الشرب الكتير : اشربي مياه كثير. ممكن قبل كل وجبة تشربي كوباية مياه هتساعد تسد الشهية شوية. بالنسبة للأدوية أو حبوب التخسيس، لازم تكون حذرة جدًا. مش كل حاجة مناسبة ليكي وقد تكون ليها أضرار. الأفضل تستشيري طبيب أو صيدلي قبل ما تاخدي أي حاجة. كمان، فيه مكملات وأعشاب طبيعية بتساعد شوية زي الشاي الأخضر أو الزنجبيل، لكن برضو الأفضل تتأكدي منهم قبل الاستعمال. وأخيرًا، ما تستسلميش لو لاحظتي أن النتايج بطيئة. الاستمرارية هي المفتاح. وصحة وأسلوب حياة متوازن أهم من أرقام الميزان. لو عندك أي استفسار تاني، أنا هنا عشان أساعدك! 😊🌸 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٣ يوليو ٢٠٢٤
تم النشر الأربعاء، ١٧ يوليو ٢٠٢٤
تم النشر الأربعاء، ١٧ يوليو ٢٠٢٤
طيب انا ممكن اتواصل مع حضرتك بريفت واديكي التفاصيل عشان امشي علي نظام كويس مع حضرتك
تم النشر الخميس، ٢٢ أغسطس ٢٠٢٤
تمام شكرا لحضرتك
تم النشر الخميس، ٢٢ أغسطس ٢٠٢٤
اكيد طبعا في اي وقت تحت امرك 🌹تقدري تزوري صفحتي في الانستجرام او الفيس بوك ووتواصلي معايا من خلالهم موجودين هنا في صفحتي♥️
تم النشر الخميس، ٢٢ أغسطس ٢٠٢٤
طيب انا هجيب رقم حضرتك منين من فدني
تم النشر الخميس، ٢٢ أغسطس ٢٠٢٤
لعرض السؤال في فدني اضغط هنا