سلام عليكم انا عندي 21 سنة ابويا عمره ماكان حنين عليا نهائي لا انا ولا اخواتي ولا حتي امي من صغري مربيلي خوف رهيب لدرجة لو حد همش جنبي بتفزع قبل كده كان بينادي عليا من تحت البيت ف مسمعتش لاقيته طالع جري وكنت باكل ساعتها دخل رمي الأكل من ايدي ومشوفتش غير اقلام نازلة ع وشي قعدت اسبوع راسي مش عارفه احركها واليوم ده كنت هرمي نفسي من الشباك لولا اختي لحقتني وقبل كده كان بيتخانق معانا كلنا وبيضربنا حدف الريسيفر بتاع التلفزيون ف دماغي وقبل كده امي وقعت ع السلم ورجليها انكسرت نزلت ع صريخها وهو نازل ورايا بيجري بحسبو خايف عليها لاقيته بيسحبني من شعري ع السلم وبيقولي قومي اطلعي روقي الشقة ف زعقت لاقيته بيجري عليا كان هيموتني بجد لولا ابن عمي دخلني جوا وبيضربنا وبيتخانق معانا ف الشارع وشتايم وحشة جدآ ولما بتعب مبيجيش يطبطب عليا لا بالعكس ده بيجي يسب الدين ويشتمني وبيبقي عايز يضربني لولا اخواتي وامي علشان بس مرضت وهو هيدفع فلوس الكشف انا قبل كده جالي كورونا وكنت بموت من السوخنيه ومرضتش اقول علشان خايفة يزعقلي ويضربني واغم عليا ع السرير من غير محد يعرف وماما جت تلمسني لاقيتني مولعة راحوا فوقوني انا فوقت لاقيت زعيق وخناق علشان بس تعبت جريو بيا ع المستشفي ومكنتش عايزة اروح وراح دخلني ثانوية عامه غصب وسقطت فيها مرتين ومستقبلي ضاع وانتحرت للمرة التانيه وقطعت شراييني وهو بدل ميلحقني كان عايز يضربني لولا الناس حاشت وانا هوايتي الرسم كان لما بيشوفني برسم يقعد يقطم فيا ويكسرني ويقولي اعمليلك حاجه مفيدة لدرجة أن لما كنت بشوفو داخل اوضتي وانا برسم اقوم مخبية الحاجات كلها علشان ميزعقش أو يقولي كلام يكسرني وكانت لما ماما متبقاش موجودة يعاملني زي الخدامة يخليني افضل اشتغل ف الشقة ولو لمحني قاعدة بس يبقي يوم قيامه حالتي النفسية بقت وحشة وبقيت اعيط لوحدي واقول حاجات غريبة وخائفة طول الوقت وخائفة اتعامل مع اي حد ربالي الرعب من صغري مشوفتش حنية اب انا كنت بخاف اطلب منو حاجه ومكنتش بطلب خالص وع طول محبوسة ف البيت بسببه انا بجد خايفة وبكرهو ونفسي اقتلو او يموت بجد هنرتاح كلنا ياما انا اللي هنتحر للمرا التالته علشان انا عايشة ف خوف وقلق طول الوقت ومش مرتاحه
الانتحار مش حل لأي مشكلة استعيذي بالله من الشيطان الرجيم وابعدي عن فكرة الانتحار نهائياً ، حاولي تكلمي حد من اعمامك أو أقاربك عن الموضوع ده وعن المعاملة السيئة من والدك وبإذن الله يلاقي حل ويتكلم معاه ، وكمان والدتك واختك أكيد بيشوفوا اللي بيحصل اتكلمي معاهم واحكيلهم على كل حاجة ، حافظي على قيام الليل وادعيله بالهداية وادعي لنفسك بالزوج الصالح وحافظي على صلاتك واذكارك .
تم النشر السبت، ٢٣ سبتمبر ٢٠٢٣
وضع مش سهل ابدا ....يحاسب الله هذا الاب على افعاله وعلى عقوقه تجاهكم الحلول اللى طرحها كتير من الاعضاء هنا هى المنطقية . اذا لم يكن اى منها ى متاح تنفيذة الان ...فهيكون وضعك زى اللى معتقل او زى ما كنا مسجونين فى مكاننا بسبب الكورونا . الاوضاع اللى محدود فيها نشاطات الحياه دى ومفروض علينا اشياء مؤذية ...صعبه بس ممكن بسببها تكون سبب لابداع ونجاح وتغيير وثواب كبير كمان . محنة وابتلاء صعب اوى ...ثواب صبره كبير اوى نقدر نبدع من خلاله بردوا ....ابداعك فى الرسم ممكن يكون متنفس ليكى ...بس طبعا ارسمى بس فى الاوقات اللى مش موجود فيها . اتعلمى ازاى تنجحى فى انك تكونى شخص حنين عشان متكرريش نسخة اتأذيتى منها قربى من ربنا اكتر لان هو اللى عنده القدرة يصد اذاه عنك بقدرته اكتر من اى انسان ممكن يتدخل مره او مرتين . استشعرى معية الله وحمايته وهتلاقى نفسك اهدى كتير باذن الله . ولو محتاجة اتابع معاكى متتردديش وابعتيلى
تم النشر الأحد، ٢٤ سبتمبر ٢٠٢٣
الله يكون في عونك طبعا وفي عون والدتك واخواتك .. ولكن في الحالة ديه طالما والدك هو علطول معاكم بالشكل ده، ليه والدتك مطلبتش الطلاق منه لحد دلوقت؟ كمان الانتحار عمره ما كان حل ابدا، انتي كده بتنهي حياتك من قبل حتى ما تبدأ .. وانتي بس محتاجه توقفي حياتك علشان والدك .. واظن ان فيه حلول تانيه ممكن تعمليها غير الانتحار. حاولي لو تقدري تشتغلي اشتغلي .. هتكوني بعديه عن البيت بأقدر قدر ممكن. وحاولي تقللي احتكاك بيه بقدر الامكان، وفي نفس الوقت اعملي اللي انتي عايزاه، خليكي قوية، لو شايفك ضعيفة طول الوقت هيكسرك اكتر واكتر. ومتعمليش اي حاجه بخوف، لو رسمك حلو استمري، لحد ما تحترفي الرسم وممكن بعد كده تبيعي لوحاتك. اي كلمة يقولها اعرفي انها ملهاش اي قيمة، لو الكلمة اللي قالها ليكي ايا كانت لو ترجمتيها ف عقلك ع انها ليها قيمة، بكده هتعود عليكي بالسلب. لكن خلي اي كلمة يقولها كأنها ولا حاجه. يعني لو مشيتي في الشارع وحد مجنون مثلا او غير طبيعي شتمك هنا اول حاجه لو اخدتي الشتيمة من حد مجنون وأثرت فيكي ويومك بقى وحش يبقى خلاص الكلمة اخدتيها جد ويومك اتقلب. اما لو قعدتي تقولي لنفسك الله يشفيه ده مجنون مش هاخد عليه يقول اللي يقوله وخلاص وتعدي الموقف .. انتي هنا عملتي انعكاس للكلمة. ف حاولي تتعاملي مع والدك بالطريقة ديه .. متاخديش ع كلامه، واعتبري اي كلام يقوله كأنه ملوش قيمة في نظرك. وبكده حدته عليكي هتكون اقل.
تم النشر السبت، ٢٣ سبتمبر ٢٠٢٣
ربنا يصلح الحال ليكي ويصبرك كل واحد مننا ربنا بيختبرو بحاجه وبنحس أننا ضعاف اوي قصادها لكن خليكي واثقه أن ربنا مش بيحط انسان في حاجه غير لما يكون عارف انو قدها ف عشان كدا اوعي تفكري تنهي حياتك عشان شخص زي دا مستحيل حد هنا هيقولك علي خطوات تمشي عليها ومشكلتك تتحل وانتي عارفه كدا لكن كاتبه الكلام دا عشان تطلعي اللي جواكي لكن بالله عليكي لو انتي مش بتصلي صلي وادعي الدعاء بيغير اي حاجه ولو بتصلي وبتدعي بالله عليكي حافظي علي قيام الليل وادعي فيه كتير ادعي لوالدك ادعي واحكي واتكلمي مع ربنا وعيطي هتحسي براحه علي الاقل حتي لو مفيش تغير وكمان ممكن تشتغلي في مكان وتطلعي بره البيت وتبعدي شويه ربنا يقويكي لكن ابوس ايديك بلاش تفكري تنهي حياتك بالله عليكي هتخسري دنتيتك واخرتك لو عملتي كدا وافتكري أن فيه ناس في مصائب أعظم من كدا وصابرين.
تم النشر الأحد، ٢٤ سبتمبر ٢٠٢٣
الحل انك تتزوج او تشتغل وتبعد عن هذا الجو السيء الله يهديك ويهديهم
تم النشر الأحد، ٢٤ سبتمبر ٢٠٢٣
بصي اتكلمي مع مامتك ان لو هي تعبت وطالما محدش فيكو بقا مرتاح في العيشه دي ف خلاص ايه اللي يجبركم علي كده اتكلمي معاها خليها تطلق منه وتبعدو عنه وهو اللي هيندم بس اهم حاجه ابعدي عن دماغك فكرة الانتحار دي لانها مش حل واعتبري ان ده اختبار من ربنا ومعلش هو اختبار صعب شويه بس احنا قدها واهم حاجه قربي من ربنا متسبيش فرض واحد+ انتي لو مخلصه ثانوي او هتخلصي وقتها هيكون متاح ليكي تدخلي كليه وكده انتي هتبعدي خالص عن البيت ربنا يقويكي يارب
تم النشر السبت، ٢٣ سبتمبر ٢٠٢٣
الله يعينك على والدك وعلى العيشة معاه اكيد كلنا هنقلك الانتحار مش طبعا انتى كده هتغضبى ربنا لكن داومى على الصلاة فى اوقاتها وقيام الليل مهم جدا ادعى ربنا لو بينك وبين نفسك ربنا عالم ادعيله بالهداية وصلاح الحال لولدك اكيد ربنا هيهديه ويرحمك برحمته ايضا حاولى تهتمى بموضوع الرسم وارسمى اى حاجه المهم تخرجى اى ضغط جواكى على الورق ارسمى الحياة الى انتى بتحلمى تعيشيها واتخيلى حاجات حلوه اعصابك هتهدى وكمان عليكى بسماع القرآن والاستغفار جميل جداً بيرفع اى ابتلاء باذن رب العالمين وان شاء الله قريب يغير الحال للاحسن
تم النشر السبت، ٢٣ سبتمبر ٢٠٢٣
بحس ان الاهل هما السبب في كل حاجه وحشه بتحصل بس لا خليكي قويه و اوعي تخسؤي بسهوله 💔💔
تم النشر السبت، ٢٣ سبتمبر ٢٠٢٣
مستشعر والله حالك وأنا بقرأ كلامك اللي أقدر أنصحك بيه الدعاء حاولي تدعي في أي وقت وأنتي بتصلي أو حتى في غير وقت صلاة وإن شاء الله هتلاقي تأثير لدعائك مع إحسان ظنك بالله عزوجل والنصيحة التانية حاولي لما يجيلك تفكير في موضوع الانتحار استعيذي بالله من الشيطان ومن شر نفسك علشان الموضوع يروح من على بالك النصيحة التالتة حاولي تشغلي قرآن في اوضتك بحيث بسمعاك للقرآن مش تحسي بأي ضغط ولا بأي تعب ربنا يصرف عنك كل أذي وشر
تم النشر الأحد، ٢٤ سبتمبر ٢٠٢٣
كلامك دا يدل علي انو غير طبيعي وانو قاسي وعمرو مهيتغير بصي يا حبيبتي حاولي تتحاشية خااااااااالص ابعدي عن طريقو ومتتكلميش معاه نهائي حاولي تعيشي مع نفسك في البيت وحاولي تتعافي منو دا مريض وفي كتير زيو ربنا يهديهم او ياخدهم عشان نرتاح
تم النشر السبت، ٢٣ سبتمبر ٢٠٢٣
لعرض السؤال في فدني اضغط هنا