أنا كنت اتكلمت هنا مرة على الموضوع إن اكتشفت إن أمي في بينها وبين شخص يعني قريب لينا طريقة كلام خفيفة، والأمر انتهى إن هي مابقتش تكلمه حاليا ولا أنا نادر وكلام بسيط من بعيد، ولكن اكتشفت بعد كده إن هي بتكلم شخص تاني خالص وفيه بينهم كلام سيء وتقريبًا الي فهمته إنها كانت تعرفه من زمان، وبطلت تكلمه ورجعت تكلمه من فترة، أنا حقيقي نفسيتي تعبت من دا كله، بقيت أشوف أي تعاملت بينها وبين أبي على إنه كدب هزار وكلام لطيف كله كدب حتى الذكريات إلي في دماغي الي كنت بحبها بدل ما كانت ذكريات حلوة بقت كدب، صورنا العائلية بدل ما كنت بحب أبصله وأحس بفرح بقيت شيفاها كدبة، أنا وصلت لرقم الراجل دا وهو حد تقريبًا تعرفه في الواقع، أنا فتحت الشات بينهم مرة وفهمت من الكلام إنه قابلها مرة باين الفترة دي، وهو متجوز وعنده أولاد، وهي مسجلاه على التليفون باسم واحدة، وأنا وصلت للأكونت بتاعه كمان على الفيس، إلي خلتني أوصل لدا كله إن بعد ما بطلت كلام مع الراجل الي هو قريبنا دا لاقيت ماسدج جايلها من واحدة فيها كلام حب توقعت إنه هو بس لما أخدت الرقم وشوفته لاقيته مش رقمه و الاسم غير الاسم ودا الي خلاني أوصله، حاليا أنا مش عارفة أعمل إيه معاملتي معاها بتتغير كل شوية غصب عني مش طايقة أبصلها، خايف أبقى زيها في من الأيام، وفي بالي أروح أكلم الراجل دا من آكونت مش معروف أهدده وأقوله إن عرفت إنه بيكلم واحدة على مراته وأني هعرف مراته لو متقطعش علاقته بيها كنوع من التهديد، ومن غير ما أصارحها إني عرفت، بس حقيقي في الآخر بقيت شايفة كل حاجة كدب، أهلي كانوا أكتر حاجة بحبها وأكتر حاجة كنت بحسها حلوة في حياتي مهما حصل مشاكل أو أي حاجة بقيت شايفة الجوازة كلها أكبر مثال سيء وبقيت خايفة أبقى زيها غصب عني كوني مستقبحة فعلها.
اولا حفاظا علي الأسرة ضرورة عدم إبلاغ والدك ثانيا المشكلة ليست في الراجل الثاني ده المشكلة في امك لكن ممكن تتخلصي من هذا عن طريق واحدة صاحبتك تحدث هذا الرجل وتسجل له ثم تبلغ عنه مباحث الانترنت بعد تصوير وتسجيل هذه المحادثات بعيدا عن والدتك لعدم ايذائك من هذا الرجل وبذلك حافظتي علي الأسرة وضمان استقرارها لكن يجب ألا تعلم امك بهذا
تم النشر الخميس، ٢١ مارس ٢٠٢٤
انتي مش هتكوني زيها .. باذن الله لانك مستقبحة الموضوع زي ما قولتي .. مش شرط خالص ان الابناء يطلعوا زي الوالدين. واكبر دليل على كده انك واعية الحمد لله، وعارفه ان ده غلط. والوعي اللي فيكي ده اهم شئ .. تاني شئ طبعا متحاوليش انك تواجهي والدك او والدتك او اسرة الراجل التاني بأي شئ .. عايزة تتصرفي اتصرفي بأكونت فيك زي ما قولتي، ممكن تحاولي ترسلي للرجل تهديد بانه يبتعد عن والدتك، وخلي بالك لازم تاخدي كل الاحتياطات علشان والدتك متعرفش اي حاجه عن الموضوع.
تم النشر الخميس، ٢١ مارس ٢٠٢٤
ممكن فيه حل انك تعملي نفسك مش عارفه و تأخدي اسكرين لي المحدثات من عند مامتك و تجيبي رقم فيك وكدا و تبعتي ليها المحادثات وأنها لو مبعديتش عنه هتعرفي جوزها و تكتبي رقم باباكي علشان تعرف انو مع الشخص دا و تخوفيها شويه و ممكن تبعد
تم النشر الخميس، ٢١ مارس ٢٠٢٤
انا شايفه انك تواجهيها بدل اللف والدورا وتخيريها يا انتي يا تكمل في الطريق اللي هي فيه لما تحس انها نزلت من نظرك ممكن تحس وتتوب من اللي هي فيه وانتي احسن منها وعمرك مهتبقي كدا ربنا يصبرك يا حبيبتي
تم النشر الخميس، ٢١ مارس ٢٠٢٤
اوعي تكلميها بأي وسيلة تواصل دلوقتي وسائل التواصل متراقبه وممكن يهددوكم انتم الاثنين ويخربوا حياتكم ويوصلوكي انتي ذاتك للعلاقات الحرام تحت التهديد خلي بالك والله يحفظك من كل شر
تم النشر الخميس، ٢١ مارس ٢٠٢٤
ابعتي لامك جواب تضمني أن هي بس اللي هتقراه وقوليلها انك شخص تعرفه عرفتي هي بتكلم مين واكتبلها جزء يكون مش حلو من الكلام اللي بتقوله للشخص دا وان لو مبطلتش تسيء لزوجها اولادها ووو هتقولي لزوجها وشوفي بعد كدا ايه اللي هتعمله
تم النشر الخميس، ٢١ مارس ٢٠٢٤
اول حاجه حاجه أن شاء الله عمرك ما هتبقى كده ودليل ع ده انك واعية المشكله ..عايزك تعرفى أن الى انتى فيه قبل اى حاجه أن الى انتى فيه ليكى جزاء حلو جدا عند ربنا أن شاء الله أستعينى بالله وصلى ركعتين ف خلوه بينك وبين ربنا وانتى سجده كلمر ربنا واشتكيله وبعد كده ادعى أن ربنا يعينك وحط. ف دعائك ربى افتح بينى وبين قومى بالحق ورب اشرح لى صدرى ويسر لي امري و أحلل عقدة من لساني يفقهوا قولى وكلميها واحده واحده حسسيها انك انتى امها عارفيها الحكم الدينى لده ايه وازاى ربنا بيقبل التوبه كلميها واتوكلى ع الله وان شاء الله خير♥️
تم النشر الخميس، ٢١ مارس ٢٠٢٤
ممكن تحاولي تتكلمي معاها وقولي لها حرام وانك زعلانه من اللي هي بتعمله يمكن تخاف ربنا وتبعد عن الشخص ده
تم النشر الخميس، ٢١ مارس ٢٠٢٤
لا أنصحك أن تخبري والدك أو زوجة الرجل حتى لا تدمري أسرتين ولا ترسلي سكرينشوت لأي شخص ولا تهتكي ستر والدتك ولكن أن تعملي أكونت فيك كأنك زوجة الرجل وتتواصلي منه مع والدتك فقط
تم النشر الخميس، ٢١ مارس ٢٠٢٤
بصي ممكن تعملي كأنك بتحكيلها علي واحده صاحبنك مامتها بتعمل كده وهي محتارخ تقول لباباها ولا لا وكأنك بتاخدي رايها وتشوفي ردها هي ممكن لو حسيت انك عارفه تتراجع وتبطل تصرفات دي وربنا يهديها
تم النشر الخميس، ٢١ مارس ٢٠٢٤
أمي ذكية و هي عارفة كل صحابي وأهلهم صعب أضحك عليها وأقولها دي قصة حد تاني، ومش هينفع برضو أخد اسكرين وأبعتلها على أساس إني حد تاني هيبان جدًا إن أنا إلي عرفت عشان مافيش حد في البيت يعتبر قاعد مركز معاها غيري، ولو كلمتها على أساس إني زوجت الراجل دا هتروح تقوله وتسأله دايركت هل مراتك عرفت حاجة أو حتى بنية تحذره لمراته تاخد بالها.. إلخ، في كل الحالات هتعرف إنه أنا لو حاولت أبعتلها هي بأي طريقة، وعموما مش عندي نية أكشف أمي لأبي ولا أكشف الرجل لزوجته، لكن حقيقة عاوزة تبطل تكلمه وتقفل الكلام على الأقل وبعدين أشوف نفسيتي فيما بعد
تم النشر الخميس، ٢١ مارس ٢٠٢٤
لعرض السؤال في فدني اضغط هنا