هل للشذوذ الجنسي علاج ؟ و لماذا المجتمع الغربي الان ينفي وجود علاج له ؟
السلام عليكم حابب اتناقش معاكم في موضوع ممكن يكون حد هنا محتاجه و بيدور عليه و ممكن يفيد بعض الاشخاص ( المثلين ) . بكل بساطه هتكلم بطريقة الكل يفهمها " بعد بحث عميق جدا جدا" المجتمع الغربي مش بيرفض العلاج زي ما اكترنا فاهم هما عندهم حرية الاعتقاد اوفر شوية و لذلك ضد اي مهاجمة للمثلين باي شكل ، عجانب الاخر لو كانت ارادة التغير الجنسي من قبل مثلي الجنس بكامل ارادته بيبدئو في علاجه تدريجيا . لكن لو كان مجبر علي ذلك بيتم العكس و بيبدئو معاه في تعليمه ازاي يتعامل مع المشاعر دي هو لية الانسان ممكن يطلع مثلي الجنس اصلا ؟ الاجابه الشائعه و المشهورة " عشان حد اعتدي عليه جنسيا و هو صغير " . هل الكلام ده صح و هل ممكن يسبب شذوذ بعد البلوغ بقا ؟ الاجابه : لا مش دايما ، في ناس كتير تم الاعتداء عليها جنسيا و لما بلغوا و كبروا اتجوزا و خلفوا و بيحبو زوجاتهم جدا كمان و عمرهم ما حسو بشئ تجاه نفس جنسهم . امال اي السبب بقا ؟؟ احنا عايزين نعرف السبب ياعم عشان نحمي اطفالنا و نحمي نفوسنا من اننا نبقي كده ؟ الاجابه / ببساطة الموضوع متشعب جدا و له اكتر من سبب و اكتر من عامل . طول نفسك معايا شوية و هشرحلك الموضوع . المثلية الجنسية بتحصل نتيجة عوامل كتير - نفسية - بيئيه - اجتماعيه - بيولوجيه السؤال ال ممكن يخطر في بال حد دلوقتي هو مثلي الجنس ربنا خالقة كده ؟ جيناته السبب في كده ؟ الاجابه / لا .. في دراسة اتعملت زمان في السبعينات تسمي دراسة هامر ، كانت بتنص علي الاتي : الشذوذ الجنسي ناتج عن وجود جين يسمي xq28 موجود علي الكروموسم الجنسي للانسان . و طبعا الدراسة دي تم تكذيبها و طعن فيها و اثبات فشلها و محدش بياخد بكلام ده حاليا لان في دراسة من مجلة Nature العالميه و مجلة Science اثبتت الاتي : لا يوجد جين مسؤل عن المثليه الجنسية ، الجينات ليست مسؤلة بشكل مباشر عن التوجه الجنسي ، تأثير الجينات علي التوجه الجنسي تكاد تكون ضعيفة جدا بنسبة ٨٪ الي ٢٥٪ . وده نمط جيني كامل مع بعضوا لكن لو جين واحد فقط ف بيمثل ١٪ . اذا العامل البيولوجي او الجسدي نسبته ١٠٪ . في بعض الناس ال بتكون هرمونات الانوثة الاستروجين عندها اعلي من التسيستورين ، هل ده يسبب شذوذ و مثليه ؟ الاجابه / لا بردو لا يوجد اي دليل علمي يثبت ان الهرمونات ليها سبب بالعكس لما بيزيد معدل هرمونات الانوثة في جسم الذكر بتسبب له ضعف انتصاب ، تساقط شعر الوجه ، مشاكل في التثدي ، ضمور الخصيتين ، قلة الرغبه الجنسية . امال اي السبب بردو يعم لما يبقي العامل البيولوجي مش مأثر !!؟ مش قولتلك خلي نفسك طويل معايا عشان تستفاد و محدش يضحك عليك بعد كدا . بص يسيدي : العامل البيئي و الاجتماعي بيمثلوا نسبة ٩٠٪ من التوجه و السلوك الجنسي للفرد بمعني الفرد فينا لو نشأ في اسرة سليمه ، تربية سليمه هيطلع سوي عادي . Hetrosexual يعني بيحب الجنس التاني ( البنات ) . اما لو نشأ في بيئة مش سليمه حصل اي ظرف او اي مشكله نفسية زي ان يتم الاعتداء علية و يأثر عليه بشكل قوي ، يشوف مشهد او موقف غريب أثر عليه يتم التعامل مع الطفل علي انه انثي و العكس لو كانت انثي يتم التعامل معاها علي انها ولد ! يتحاوط ب بيئة صعبه كلها بنات و امور تانيه كتير انت ممكن تقول انا اتعرضت و انا طفل او مراهق لظروف صعبه جدا و مع ذلك الحمدلله مش مثلي جنسي ، حابب اقولكوا ان معظم البشر اتعرضوا لاسباب نفسية و بيئة صعبه كمان و طلعوا اسوياء نفسين عادي عشان كده موضوع المثليه الجنسية بيكون معقد جدا و محتاج محلل نفسي يقعد مع المريض في عدة جلسات طويلة ممكن توصل لخمس سنين يبدء يفهم تاريخه بالكامل و شخصيته عشان يقدر يحط ايده علي السبب و يبدء في علاجه . طيب اي ال ممكن اعملوا عشان اوفر بيئة هاديه سليمه لاطفالي ؟ اياك تضربهم ! شوف صحابهم ! متخلوش يقعد مع قريبة او حد يعرفوا في اوضة و يتقفل عليهم ! راقب فونه ، راقب هو بيعمل اي في صمت ! لو شوفته بيعمل حاجة غلط بلاش تهاجمه ! فهمه براحه و ابدء عرفوا انك مش مدايق منه انت مدايق لو عمل كده تاني ! لان خلي بالك الظروف البيئية مش شرط تطلعه مثلي الجنس وبس ! في كتاب لدكتور Anil Aggrawal تحدث فيه عن اكتر من ٥٤٧ حاله ل paraphila يعني اضطراب جنسي . و كان من ضمنهم اشتهاء الاطفال اشتهاء الحيوانات اشتهاء الموتي اشتهاء كبار السن اشتهاء مقطوعي الايدي و الارجل اشتهاء المعاقين اشتهاء البول اشتهاء العرق اشتهاء التغوط اشتهاء الالم و شعور به اتشهاء التعذيب اشتهاء و الولع بالخنق و النار كل دي بلاوي سودا ممكن الانسان يبدء يحب يمارسها لو مطلعش في بيئة دينيه سليمه نضيفه . ده غير طبعا ان حاليا يوجد كابوس اسمه المواد الاباحيه ال كفيله جدا تسيطر علي المراهقين و الشباب و تأثيرها بالسلبيات ال فوق دي اقوي علي المراهقين .
تم النشر الثلاثاء، ٢ مايو ٢٠٢٣
بالطبع لها علاج، ما هو ليس معروفًا على حد علمي، ولكن ما اعرفه أن الطبيب النفسي هو أقدر شخص على تحديد المشكلة وكيفية العلاج الأمثل لها.
تم النشر الثلاثاء، ٢ مايو ٢٠٢٣
اهم حاجة يا شباب اي حد بيعاني من المثليه الجنسية يركز جدا علي الاعتراف بكونها مشكله و انه لازم يتغير مش عشان المجتمع ولا الهبل ده اطلاقا .. عشان نفسك عشان اخرتك عشان تبقي راضي عن نفسك و نايم علي مخدتك و انت مطمن انك مش بتعصي ربنا باكبر كبيرة من الكبائر عقابها كان شديد من اشد العقابات !! .. عشان تنام و انت شايف نفسك سوي نفسي ! اهم حاجة الاعتراف بكون المثليه انحراف للميل الطبيعي العوامل البيئية و النفسية مهمه خصوصا في مراحل الطفولة و المراهقه . الاعتقادات الخاطئه ال ممكن تتكون للبنادم بسبب اهله او الوسط الاجتماعي او البيئي المحاوط له تخيل تبقي مزروع في وسط اجتماعي كلو عمال يقارنك بناس احسن منك و ناس حققوا اهداف و يلوموا عليك دايما بالفشل و الضعف و العجز و و و و و متخيل هتطلع ازاي اذا كنت من المنشأ طالع مدمر نفسيا ازاي هتواجهه المجتمع ؟ لازم اول ما تحس ان ملكش لزمه و انك دلدول مثلا و انك مش راجل كفايه .. الخ تلجأ دايما لتحدث مع طبيب نفسي ده لازم مش اختيار بجد انت متعرفش تطنيشك وتكبير دماغك ده هيعملك مصايب قد اي بعد كده .
تم النشر الثلاثاء، ٢ مايو ٢٠٢٣
لعرض السؤال في فدني اضغط هنا