عندي وسواس طول الوقت ان ممكن يكون حد زعلان مني بشئ انا عملته وخصوصا الحد دا انا بحبه
ممكن جدًا ده يكون بسبب عوامل في نشأتك، احساسك بالحب المشروط وانك لازم تتعب اوي عشان تتحب وان ممكن غلطة تخلي اللي قدامك يزعل منك وما يكونش راضي عنك وبالتالي اكيد هتفقد الحب ده، لو هو ده اللي كان بيحصل معاك في طفولتك وكنت بتسمع كلمة "زعلان/ه منك" كتير ف ده ممكن يكون السبب في احساسك ده دلوقتي .. محتاج تشتغل على نفسك وتتقبلها وانك مقبول زي ما انت وان لو حد بيحبك مش هيبعد عنك وتقبل انك عادي وارد انكم تزعلو سوا والمفروض لو بيحبك هيسمعك وتسمعو وتتصافو ومش آخر الدنيا يعني .. نقطة كمان ممكن احساسك الموجود جواك ده خلى القريبين في حياتك يكونو من النوع اللي بيستغلوك عاطفيًا وعلطول بيبتزوك بموضوع الزعل ده ولو ده حاصل محتاج تفلتر اللي حواليك وتتعود انك يكون ليك مساحتك الشخصيه.
تم النشر الثلاثاء، ١٣ يونيو ٢٠٢٣
تفكر فى انه بيزعلك عادى ...تفكر ان الحب غير التعلق تفكر ان محدش موجود هنا عشان يرضي شخص اخر....الحب نتقبل بعض ولو زعلنا نعرف نتصالح.
تم النشر الثلاثاء، ١٣ يونيو ٢٠٢٣
بيبقى مع الوسواس ده خوف من فقدان الشخص ده، او انه يبعد عنك؟ هل ديه الفكرة الرئيسية اللي عندك؟
تم النشر الثلاثاء، ١٣ يونيو ٢٠٢٣
إقطعي الوسواس باليقين يعني إذا هناك شخص زعلان منك إسئليه ليش وإعتذري إذا أخطأتي في حقه
تم النشر الأربعاء، ١٤ يونيو ٢٠٢٣
لازم تتعود ع فكرة انك بشر ومش لازم تكون تسعد الناس كلها، خليك مركز ع نفسك حاول تقعد مع نفسك تكلمها كده تشوف انت محتاج ايه من دنيتك ، ده بالنسبة ليك ، اما بالنسبة للناس ف انت مش هتعرف ترضي كل الناس بس طلاما ماذتش حد عادي وحتي لو اذيت غصب عنك ف طلاما انت نيتك خير ومتقصدش خلاص والشخص لو كان بيحبك اوي هييجي يقولك انت زعلتني ف حاجة ف هتتاسفله
تم النشر الثلاثاء، ١٣ يونيو ٢٠٢٣
براحته اللي يزعل يزعل انت مبتقدمش غير الحلو هتلاقي الوحش برضو
تم النشر الثلاثاء، ١٣ يونيو ٢٠٢٣
لو متأكدة صرحيه
تم النشر الثلاثاء، ١٣ يونيو ٢٠٢٣
لعرض السؤال في فدني اضغط هنا