السلام عليكم ورحمه الله وبركاته
لو سمحتم كنت عايزه اكبر قدر ممكن من الافاده
انا واحده منفصله ومعايا بنت حاليا اتقدم لى اكتر من شخص وللاسف مش موافقه من اسبوعين فاتو رن فونى وهو زوج صحبتى و بيقولى انى مفيش راحه ما بينهم وانا عايزك انتى تكونى حلالى فى أول الكلام قولت له لا علشان خاطر صحبتى وكدا وهو برضو مصمم ويقول مالكيش دعوه انا اللى بقولك انا عايزك ومحدش يقدر يزعلك ولا يعملك حاجه بسبب قرارك وحاليا هو داخل من الباب وعايز يجى لبابا بالفعل وانا صراحه مو عارفه اعمل اي اوافق ولا لا مع العلم أنه بيقولى انا مسافر ومش هسيبك هنا ولو اهلك موفقوش من اول مره هاجى مره واتنين وتلاته ومش هسيبك وصراحه انا حاسه بارتياح من ناحيته فا ياريت الكل يشارك بالراى
"أنا عايش معها بس عشان الأولاد... أنا حياتي معها جحيم ومش مرتاح بس مضطر أكمل عشان أهلي وعشان العيال و و و" دي الأسطوانة اللي أغلبهم بيضحك بها على اللي بيتقدم لها كزوجة ثانية سواء كانت في ظروفك أو حتى واحدة لسه متزوجتش. الرجل المحترم لما يقرر الزواج الثاني لأي سبب بقى، عمره ما بيغلط في زوجته أو يشوه صورتها عشان يقنع اللي هيتزوجها إنها هتكون رقم واحد في حياته وإنه ليه مضطر يعدد والجو اللي الباقيين بيعملوه. اللي أعرفه إن الرجل اللي شايف نفسه له الحق في الزواج الثاني وإنه مش بيسرق ولا بيعمل حاجة غلط، بيروح يتقدم عادي بعد ما يخبر زوجته إن مكنش عشان المفروض لها الحق تعرف فعلى الأقل لو فيه خاطر للعشرة اللي بينهم ميتزوجش في السر ويصدمها بعد كده... وقتها هتحس بالخيانة حتى لو كان زواج في الحلال. حطي نفسك مكان صاحبتك كده. ترضي تكوني مكانها وزوجك هو اللي يروح لصاحبتك من وراكِ ويقنعها إنه عايش معك بس عشان بنتك؟ ترضي صاحبتك اللي انتي مآمنة لها تفضل حاسة بطعنة الخيانة منك انتِ بالذات وتفضل فاكرة إنك انتِ اللي خنتِها ولفيتِ على زوجها وسرقتِه؟ مش هتفكر إنه هو اللي راح لك أصلا... وهتفضل تدعي عليكِ أنتِ أكتر ما بتدعي عليه. ترضي انتِ إن بنته تتربى مع مامتها بس عشان هياخدك ويسافر ويرمي كل المسؤولية على مراته؟ كل اللي اتفدموا لك كانوا غير مناسبين. اشمعنى ده اللي لقيتِه مناسب؟ هل صاحبتك كانت بتحكي لك إنها سعيدة معه بحياتها ففكرتِه رجل محترم وهيسعدكِ ولا مجاش زي الباقيين من الباب الأول وكلمك انتِ مباشرة وبيحاول بكل الطرق يقنعك قد إيه يا حرام بيعاني معها وقد إيه هو متمسك بك. نصيحة بجد، سيبك منه خالص وبلاش تخربي على صاحبتك وتحرمي بنت من أبوها حتى لو هو مش عامل اعتبار لمسؤولياته. ادعي ربنا يعوضك ويرزقك بشخص محترم يقدرك وميكونش واحد شايفك نزوة واحتمال بعد فترة يرجع لمراته وبنته. ربنا معك.
تم النشر الثلاثاء، ١٥ أكتوبر ٢٠٢٤
من باب النصيحة ،هذا لا يصلح لك دون الدخول فى التفاصيل يكفيك منها تبييت عدم العدل بينكم لأخذك معه فى سفره دونها،وإن كان يريد الحلال فغيرك كثير وغيره كثير أيضا،لا تخسري صديقتك ولا تخبريها حتى بالأمر وتجنبي التحدث أو الاحتكاك معه،وباذن الله اصبري وربنا يرزقك بأحسن منه لأنه لا يصلح لك بحال والتجارب الحياتية خير دليل.
تم النشر الثلاثاء، ١٥ أكتوبر ٢٠٢٤
كل الإجابات اللي بتقول لك هتخربي على صاحبتك وهتبقي خنتيها وتقطعي علاقتك بيها والكلام دة من ناس حاطة افتراضات معينة في دماغها عن الزواج الثاني وبتفترض أن دة اللي هيحصل .. في حين لو حطينا افتراضات تانية ممكن زواجك من هذا الشخص يكون إنقاذ لزواج صاحبتك لو كان البديل بالنسبة له هو طلاقها والزواج من أخرى لأنه لم يعد يريد البقاء معها مثلا، وكنت أنت وهي من العقل بحيث لا تكون بينكم المشاكل التي تحدث بين الضرائر لكن المشكلة اللي موجودة هي مسألة العدل بينكم وهل الشخص دة هيقدر يحققه أم لا كما ذكرت في التعليق على سؤالك
تم النشر الأربعاء، ١٦ أكتوبر ٢٠٢٤
وعليكم السلام ورحمه الله وبركاته. انت بتطلبي اكبر قدر من الافاده وانا هديكي القدر اللي انا اعرفه بناء على استشارات كثير وبناء على تحليلات كتير خصوصا في المواضيع اللي زي دي اللي هي بقت منتشره الشخص ده مش فريد من نوعه والحدوته دي مش جديده خليني اقول لك ان هي اسطوانه اسطوانه قديمه ومشروحه. الاسطوانه دي انه يجي واحد متزوج ويقول انا عايز اتجوز لكن انا وجودي مع ام ولادي وجود وهمي يعني واحنا منفصلين جوه وكل الكلام ده اا واحنا بنحبش بعض او نخلصه ما بحبهاش او ما بينا مشاكل كتير او او او او او ايا كان كل اللي هو هيقوله علشان يحط كل ده تبرير لان هو يقول لك انت هتبقي عندي رقم واحد. اذا كان هذا رجل بحق الكلمه ما كانش هيقول الكلام ده اصلا الراجل مش بيبرر الافعال بتاعته اللي هي هتكون على صوابه على حق. حتى وان كان الراجل هيستخدم حقه الشرعي في ان هو. يتزوج هو حقه الشرج ان هو يتزوج مره ثانيه تمام تمام مفيش اي مشاكل لكن ويقدر يقول انا جاي اتقدم للزواج وهتكوني زوجه ثانيه ان شاء الله معايا وانا معايا ام اولادي الاولى شوفي اذا كان ده يناسبك ولا لا؟ وده هيبقى حاطط قدام نفسه فيه ان هو يكون على الحق لكن ان هو يقعد يقول الاسطوانه دي اللي هي متكرره من للاسف ذكور كثير جدا وهم رايحين يتقدموا لواحده عشان تكون زوجه ثانيه اسطوانه دي بتاكد ان الشخص ده زي ما ظلم الست دي في واحد من البنود ان هو اصلا يقول ان هي مش كويسه وان هو ليه الحق ان هو يركنها على جنب ويحط حد ثاني كشخص مفضل وياخذ حد ثاني هو اللي يسافر وهي لا يسيبها تشيل مسؤولياتها لوحدها ده بيقول ان الشخص ده شخص لا.كمان فحضرتك تبصي للشخص ده انا ما اعرفش انت وصتي له على اي اساس ان هو ده اكتر حد مناسب وانت مرتاحه له اعتقد ان انتم كان في ما بينكم تعاملات بما ان هو زوج صاحبتك فالتعاملات دي هي اللي خلتك تشوفي ان هو زوج جميل. وكنتي معجبه ببعض تصرفات واعتقد فلما جيت تقدمه شفتي ان هو اه انا اصلا مرتاحه للشخص ده اني شفته في مواقف كتير. بلاش المدخل ده لانه اا ما تخليهوش لطيف وجزء منه هو خيال الامانه لانه طالما قلت كلمه صاحبتي فهو ده معناه ان انتوا قريبين من بعض مش مجرد زميله يعني انتوا صحاب. فما بينكم حاجات بتتشاركوا فيها اجتماعيا وتفاصيل ومواقف فنصيحتي ورايي ما تخونيش امانه الصحوبيه دي والصداقه دي الا اذا بقى كانت صاحبتك موافقه لكن من وراها وبدون علمها او نتجوز وبعدين الموضوع نسيبه مفاجاه ليها يوجع القلب ده.
تم النشر الثلاثاء، ١٥ أكتوبر ٢٠٢٤
وعليكم السلام ورحمة الله وبركاته. في وضعك الحالي، من المهم أن تتفكري جيدًا في جميع الجوانب قبل اتخاذ القرار. إليك بعض النقاط التي قد تساعدك: العلاقة مع صديقتك : صداقتك مع صديقتك يجب أن تكون أولوية. زواجك من زوجها قد يؤثر على هذه العلاقة بشكل كبير، لذا يجب أن توازني بين مشاعرك تجاهه وعلاقتك بصديقتك. استقرار وراحة البال : إذا كنت تشعرين بالراحة تجاهه وبالإحساس بالأمان، فهذا شيء إيجابي. ولكن تأكدي من أن هذا الشعور ناتج عن معرفة عميقة به وليس مجرد انجذاب أولي. تفكير طويل الأمد : فكرى في الآثار الطويلة الأمد لهذا القرار. هل تتوقعين حياة مستقرة وسعيدة معه؟ كيف ستكون الأمور مع ابنته وصديقتك وأسرته؟ التواصل والوضوح : حاولي إجراء محادثة صريحة مع زوج صديقتك حول مشاعره ونواياه. هل هو قادر على تحمل المسؤولية العائلية؟ وما هي توقعاته منك؟ استشارة الأهل والمقربين : قد يكون من المفيد استشارة عائلتك أو الأصدقاء المقربين للحصول على منظور آخر، فقد يكون لديهم آراء تساعدك في اتخاذ القرار. في النهاية، الخيار يعود إليك. تذكري أن تكوني صادقة مع نفسك ومع مشاعرك، ولا تتعجلي في اتخاذ القرار. وفقك الله لما فيه الخير.
تم النشر الاثنين، ١٤ أكتوبر ٢٠٢٤
هناك جانب شرعي في الموضوع لأنه كما يبدو مبيت النية على عدم العدل بينكما - وغالبا سيحتاج أن يستأذن الزوجة الأولى ليسافر معك وحدك ويتركها فضلا راجعي التفصيل في هذه الفتوى https://www.islamweb.net/ar/fatwa/163469/أحكام-السفر-بإحدى-الزوجات-والقضاء-للحاضرات
تم النشر الاثنين، ١٤ أكتوبر ٢٠٢٤
شوفي، انا ما رح اخدها من جهة الصداقة حاليا وأكيد مش رح احرم ما حلل الله، بس انا الي بعرفو انو الشخص الي ناوي يستر على وحدة مطلقة وناوي يتزوجها بدو يكون مخلص النية لله، بدو يكون شخص محترم فايت بإجرو اليمين، ناوي يعدل بين الزوجتين ناوي يعطي كل وحدة حقها قد ما بقدر، مش فايت يحكي عن زوجته الاولى وانه مش مرتاح معها وما بعرف شو! هاد بطل تحقيق الشرع هاد صار خراب بيت بشكل رسمي، وكم بالحري انها صديقتك يعني زي اختك. انا برأيي اذا في مجال ترجعي تتوجهي للي رفضتيهن او تنتظري نصيب افضل بكون احسن
تم النشر الثلاثاء، ١٥ أكتوبر ٢٠٢٤
اولا والله هيسيبك ويروح لواحده تالته زي ما عمل مع صحبتك بالظبط لان الي يبقي كده ميبقاش له امان واول حاجه يقولها الراجل يضحك بيها ع بنات الناس انه مش مرتاح مع مراته وانه عايش معاها بس علشان العيال كل دا كلام في الهوا والله صدقيني الي زي ده ميببقاش له امان وانتي بنفسك هتحسي معاه بعدم الامان لو اتجوزتيه هتحسي انه هيتجوز عليكي في اي لحظه ثانيا انتي المفروض اصولك وتربيتك متسمحلكيش انك تدمري صحبتك الي واكله معاها عيش وملح وتخونيها حتي لو جواز وحلال بس برضو اسمه خيانه معلش متزعليش من كلامي بس بنصحك كاخت والله مش اكتر
تم النشر الاثنين، ١٤ أكتوبر ٢٠٢٤
و عليكم السلام و رحمه اللّٰه و بركاته ، يستحسن تشوفي الحكم الشرعي ف كدا ، اما بالنسبه للأراء ف أنا شايفه إن عندهم حق جداً ، مهما كان مدى ارتياحك للشخص ده ف افتكري إن هو جوز صحبتك و أنت ِ أكيد مش هتبقي سعيده ب فساد بيت صحبتك ، لو انتي شايفاه كويس ف اكيد غيرو كويسين كتير ، حاولي تحطي نفسك مكان صحبتك هيبقا إحساسها ايه و صحبتها اتجوزت جوزها و إن جوزها سابها ، هي ممكن تاخد صدمه كبيره كمان و تحاول تتعافى من ده فتره كبيره ، ف بلاش تدمري حياتها و تزعليها بالشكل ده اكيد هي متستاهلش.
تم النشر الثلاثاء، ١٥ أكتوبر ٢٠٢٤
لا بلاش خالص هتخربي علي صحبتك وعداوه بقي ووجع قلب ودماغ علي الفاضي
تم النشر الثلاثاء، ١٥ أكتوبر ٢٠٢٤
اعتبريه هو كمان مش مناسب لان العملية شكلها مش مريح ولو حصل واتصالحوا هتبقي انتي في خانة مش حلوة .. حاولي اللي يتقدملك يكون عاوز يعيش بهدوء في بيت هادي مش داخلين خناقة ونشوف مين يستحمل اكتر
تم النشر الاثنين، ١٤ أكتوبر ٢٠٢٤
تفتكري انتي هتبقي مرتاحه لما تبقي سبب حتي لو غير مباشر في خراب بيت صاحبتك صدقيني لو الوقتي مرتاحه بعذ كده مش هتبقي مرتاحه الي يخون مره هيخون الف مره فكري فيها تاني
تم النشر الاثنين، ١٤ أكتوبر ٢٠٢٤
كل اللى اتقدمو ليكى مش موافقين ومش كويسين وهو ده اللى كويس هيسيبك ويرجع لها وبقولك اهو وافتكرى كلامى كويس لو فاكره انه مكمل مع صاحبتك عشان بنته فا بتضحكى ع نفسك
تم النشر الاثنين، ١٤ أكتوبر ٢٠٢٤
اه هياخذنى انا وهى هتفضل هنا معاه بنت
تم النشر الاثنين، ١٤ أكتوبر ٢٠٢٤
السبب اللى مخليه مرتبط بصديقتى هى بنته فقط وهو مش عايز يخسر بنته
تم النشر الاثنين، ١٤ أكتوبر ٢٠٢٤
يا ريت توضحي هو يقصد يطلق صديقتك ويتزوجك أم يتزوجك عليها وفي الحالة الثانية إذا سافر سيأخذك أنت فقط ويتركها وهل لديه أبناء أم لا
تم النشر الاثنين، ١٤ أكتوبر ٢٠٢٤
لعرض السؤال في فدني اضغط هنا