انا ندمانة جدا ومخنوقة ومحتاجة افضفض لأني مش قادرة احكي ده لأي حد في حياتي انا عندى 23 سنه وانا 19 ف اولي جامعة قابلت زميل ليا وحبينا بعض جدا وهو انسان محترم وطيب وراجل وبيحبني جدا جدا وعشان كده صمم انه يتقدملي ونكون مع بعض بشكل رسمي لأنه مش حابب يكون شكلنا مجرد اتنين ماشيين مع بعض او اى شيء يضر سمعتي قدام زمايلنا فبعد سنه اتقدملي وكان صريح جدا مع اهلي بكل ظروفه هو عنده شقه تمليك لكن مش متوضبة وكان بيشتغل في مكان ما ومرتبه يعني كويس كمرتب مؤقت لحد ما يتخرج الاول اهلي اعتراضهم علي صغر سنه وانى كده هستناه كتير وانه قدامه كتير جدا علي ما يكون نفسه وأهله كمان اعترضو ومحبوش طريقة الخطوبة بالشكل ده لكن مع الاسف ضغطنا عليهم ووافقوا لأن كان كل همنا نكون مع بعض بشكل رسمي عدت السنين واتخرجنا وكان واثق انه هياخد إعفاء من الجيش عشان اصابه ف رجله ولسوء الحظ محدش اعفاء ودخل الجيش ودلوقتي فاضله شهرين ويخلص المشكلة بقا انه للأسف الشديد مقدرش يخلص غير نص الشقة بس ولسه فاضله توضيب اكتر من نصها + الفرش والفرح وهكذا ومحدش من أهله هيساعده لأنهم علي قد حالهم جدا وظروفهم مش احسن حاجه فهو بطوله وبيصرف علي نفسه من زمان وصرف كتير جدا اثناء فترة الجيش لأن طبعا مفيش شغل أثناء الجيش المهم احنا دلوقتي بقالنا 3 سنين ونص مخطوبين والكلام كتر حوالينا عن هنتجوز امتي وكلام ناس وحش وخنقني وانا كمان تعبت من ضيق الحال ونظمت انى وافقت نتخطب بالشكل ده والظروف دي ضغطنا نفسنا ومفيش حلول دلوقتي قدامنا نهائي غير اننا لسه هننتظر تاني مش اقل من سنتين تاني وطبعا دى فترة كبيرة جدا ومحدش عندي بقا متقبل الوضع كده ومش لاقيين جمعيات تكفي كل المصاريف اللي هنحتاجها وهو من كتر الضغط بقا حزين ومكتئب طول الوقت وانا كمان ومش لاقيين حل كنا بنقول لو مكانش دخل الجيش كان زمان السنه دى خلصنا خلالها ع الأقل الشقة لكن اللهم لا اعتراض ربنا كان عايز كده بس انا تعبت جدا جدا ونفسيتي بقت صفر ومبقيناش عارفين نتعامل مع بعض وكل حاجه متعسرة قدامنا ومفيش حد هيساعدنا ، بابا عرض انه يجيبله قرض وهو يسدده لكن للأسف برضو مش لاقيين قرض مناسب وف نفس الوقت مش حابه ان المساعده والتحرك يكون من اهلي لأن أول مرة لما قبلنا نتخطب كده اهله استقلوا بينا وفكروهم عايزين يخطبوني وخلاص وكان والدته بتتكلم عننا وحش ان ازاى قبلنا بطالب كده لا وراه ولا قدامه غير حته شقة ومش متوضبة كمان بس اهلي ملهمش ذنب انا اهلي ناس مش ماديين وشافوه انسان جد وداخل البيت من بابه وشاريني وبنحب بعض قالو مش مهم يكونو قدامنا ف النور احسن ومكناس نعرف ان الدنيا هتخبط معانا كده مع العلم انه والله عمل كل الي عليه وزيادة وطول فترة الخطوبة مقصرش ف اى حاجه وكان مموت نفسه شغل ودراسة وده كل الي قدر عليه انا مش طالبه حلول بس نفسي ارتاح من الهم والتفكير ده ندمانة اوى وبقول ياريتني م كنت اتخطبتله وجوايا حزن كبير اوى علي نفسي وعليه وهو مفيش بايده حاجه تاني
هو فعلا القرض دا حل وتسدوه بعد الجواز بس حقيقي انا شيفاه راجل ومحترم اوي وبتحبه بعض كمان بس كونك بداتي تندمي وتفكري ف كلام الناس دا وحش بصراحه هل مكنتيش فاهمه ان القصه هتكون صعبه فياريت لو هو فعلا حد غالي عليكي اقعدوا كدا صفو الدنيا خالص بلاها فرح بلاها عفش غالي وبلاها حاجات كتير وحاولوا تاخدوا قرض زي ما بباكي قال بس تتاكدي الاول انه مش هيجي يوم ويقعد ف البيت او مش هيقدر يلاقي شغل وياريت لو تشتغلي انتي كمان وياريت تهونوا ع بعض بلاش تبقوا انتو والظروف ولو هو كويس معاكي ومحترم ويعرف ربنا صدقيني تولع الناس ابن خالتي خطب اربع سنين ومكنش صغير كان مخلص كليه وبعد ما خلص خطب اربع سنين مع انه كان نوعا ما ماديا كويس بس الجواز صعب وحواراته كتير وكمان الجيش طبيعي عمل دروب كبير ليه ويارب لو فيكوا خير لبعض يجمعكوا ف الحلاب عاجلا غير اجلا
تم النشر الجمعة، ٦ سبتمبر ٢٠٢٤
اكبر غلط ممكن تعمليها انك تندمي على اللي عملتيه انت وخطيبك. لما بنكون مش هنا سكه صح؟ ضروري يجيلنا فيها اختبار اختبر هو احنا فعلا بنحب الصحه عشان كذا مشينا فيه ولا احنا ممكن نتنازل عن الصح بسبب شويه صعوبات. متنازليش ابدا عن الصح ولا تندمي على الصح مهما الامور تازمت بسبب السكه الصح اللي انت مشيتيها لانه ده بيكون اختبار لمدى فعلا. وجود الصح ده جواكي. مش مهم الناس اصلا بتقول ايه ومش مهم هم هيتكلموا ازاي انت لسه ماشيه صح وخطيبك انت لسه على الطريق الصح قدام اهلك والظروف عموما. ايا كانت حصل فيها ايه هي ماشيه بالطريقه اللي طبيعيه جدا في الحياه احنا منعرفش بكره في ايه؟ احنا بنتصرف صح النهارده بغض النظر عن بكره في ايه وهنفضل كل اما يجي علينا النهارده هنتصرف برده صح اللي احنا مؤمنين به ومش مش هنتنازل عنه ما تتنزليش عن الصح وفي كل خطوه خليكي مع الحاضر ايا كانت الظروف هتفرد ايه؟ اللي في ايدينا بنعمله والباقي بنتوكل على الله اقول لك على حاجه لطيفه قوي علشان تبقي كملت الصح اللي بتعمليه انت وخطيبك. ايا كان الظروف المتاحه دلوقتي والمبالغ المتاحه انت وخطيبك اعملوا صدقه في السر ما حدش يعرف عنها حاجه اعملوا اطعام الحاجات دي هتخلي ايمانكم انتم بالمرحله الصعبه يزيد ويثقل ان شاء الله تفتح لكم ابواب وتيسر لكم الطرق اللي انتم ما فكرتوش فيها او ما حاولتوش ليها نصيحتي لك ابعدي عن القروض انت وخطيبك تماما اللهم الا لو كان قرض حسن لو كان في حد من اهل الخير ويعني عنده استعداد ان هو يساعد ااا حد مقبل على الزواج فيديله قرض حسن قرض حسن يعني يدي له مبلغ وهو يرد له نفس المبلغ ثاني اللي احنا بنقول عليها سلف يعني مش اكتر من كده لكن القروض بتاعه البنوك اللي هي الفوائد لا انصحك بيها تماما لانها غالبه للخراب بتاع البيوت. وكانك يعني ايه عماله اصرفه فلوس حق اه والدنيا بتقلب مشاكل وتبقاش حاجه كويسه ابدا ده يعني مش مش كلام نظري ده بمعايشه ناس كتير جدا جدا جدا كانوا مش فاهمين المشكله فين في حياتهم وكانت المشكله كلها في انه كل الحياه دي قامت على قرض اول حاجه ان هم عملوها كانت بادئه بسبب قرض. قوي نفسك واول خطيبك وقولنا صح وهنكمل الصح مهما كان في صعوبات.
تم النشر الأربعاء، ٤ سبتمبر ٢٠٢٤
السلام عليكم اهلا وسهلا بيكي اولاً هذا الوضع اختبار من الله لكي وله علي صبرك وتحملك وتعلمك مسؤولية الحياه ونبذه صغيره عن الحياه الحقيقيه في العيشه لان الزواج مش بس تكاليف المنزل والفرش لا أشياء كثيره جدا وانا أنصحك ان تجلسي مع اهلك وخطيبك وتحطي النقط علي الحروف وتعرفي انتي عايزه ايه بالضبط لان لاسف التركمات النفسيه اللي عندك ممكن تحول الحب الي نفور وبعدين مشاكل لا حصر لها ثانيا كلام الناس عمره ما هيخلص لان ارضاء الآخرين غايه لا تدرك اهم حاجه دلوقتي تقاعدي مع نفسك لوحدك اولاً وتعيدي التفكير وحساباتك في حياتك من اول وجديد وساعاتها تقرري انتي عايزه تعملي ايه علشان يبقي القرار من عندك انتي مش من حد تاني وربنا يكتبلك الخير في حياتك ومستقبلك
تم النشر الأربعاء، ٤ سبتمبر ٢٠٢٤
بالنسبة للفرح - خليكم من الناس العاقلين ووفروا تكاليفه واعملوا أبسط حاجة ممكنة بالنسبة للشقة - برضه خليكم من الناس العاقلين وابدؤوا بأبسط فرش ممكن وأبسط توضيب يكون فيه الأساسيات من ماء وكهرباء و غير ذلك ملحوظة أخيرة : الخطوبة لا تحول الولد والبنت من "مجرد اتنين ماشيين مع بعض" إلى (اثنين مخطوبين ماشيين مع بعض) ولكن العلاقة بينكم أثناء الخطوبة لابد أن تكون رسمية في حضور الأهل من غير مقابلات خارج نطاق المنزل وخلافه.
تم النشر الثلاثاء، ٣ سبتمبر ٢٠٢٤
انتي على نظامك كده مش اقل من سنتين تلاته أو اكتر لأن الفتره اللي بعد الجيش بتبقي صعبه لأن هو بيبقي واخد على نظام وهييجي يغير هياخد كام شهر لغايه ميشوف شغلاته وعقبال ما يجهز نفسه العمر بيجري لو هتستني وبتحبي استني ولكن مش هتقدري تستني شوفي اهلك ناويين على ايه واقولك على حاجه طالما في تاتش بينكم وبين أمه انتي اول واحده هتندمي وهتزهقي لانك مش هتعرفي تراضي الشاب علشان أمه ولا هتراضي اهلك علشان أمه والخيار ليكي يمكن ربنا شايلك الاحسن
تم النشر الأربعاء، ٤ سبتمبر ٢٠٢٤
اهلا وسهلا فيكي.. أهم شي ما تحملي حالك ذنب لان الدنيا قسمة ونصيب وربنا اخترلك الخير مع هالشخص و وفق لكl الخطبة رغم الظروف الصعبة.. ما في حياة مثالية لحدا دائماً الصعوبات موجودة بحياة الكل.. وهي يلي بتعلمنا وبتخلينا أقوى لنواجه. شوفي الموضوع من زاوية تانية.. مثلاً انو الشب مؤدب وشهم وبحبك وماقبل إلا تكونوا مع بعض بشكل رسمي وهالشي بينحسبله.. انو ربنا وقف بطريقك حدا بيحترمك وبقدرك وعم يعمل كل يلي بيقدر عليه كرمالك.. ما تسمعي لكلام الناس لان شو ما عملتوا ح يحكوا أهم شي تكوني متأكدة انو هاد الشخص يلي بدك تكفي معو حياتك وما تكوني ندمانة على اختيارك لالو.. كل التوفيق لالكن بحياتكن
تم النشر الأربعاء، ٤ سبتمبر ٢٠٢٤
شكرا ليكي ربنا يباركلك في حياتك يارب ويرزقنا زيكم♥️
تم النشر الأربعاء، ٤ سبتمبر ٢٠٢٤
انا اتحطيت مكانك قبل كدا ولدرجه اني كنت بقولهم الغو الفرح مش عوزاه ونعمل زفه وكنت راضيه فوق متتخيلي وسبحانك يارب يشاء ربنا ان اعمل اكبر فرح وربنا رزقه من حيث لا يحتسب ف الصبر حلو والله وعوض ربنا جميل يمكن دا اختبار من ربنا يشوف صبركم
تم النشر الأربعاء، ٤ سبتمبر ٢٠٢٤
لا هو هيتجوز اهلك ولا انتي هتتجوزي اهلو هوومختارك انتي وانت اختارتيه وكنتي قابله بوضعه وكل تاجيله وفيها خير مش هيحصل حاجه لو تاخرتي سنتين او ممكن سنه ومش لازم كل حاجه تبقي بريفكت المهم انتو تكونو مبسوطين سيبك م الظروف والدنيا المهم انه معاكي وان شاءلله يبقي حلالك ومتفكروش فالقرض عشان بيبقي مش حلو سيبيها ع الله وهي هتدبر ومتحسسهوش انك مضايقه قوليلو انك هتستني والصبر حلو شجعيه يمكن ربنا يكرمه عشانك متحطوش الياس بينكم تفائلو الخير تجدوه❤
تم النشر الأربعاء، ٤ سبتمبر ٢٠٢٤
ربنا ييسرلكم الامور و يجمع بينكم ف خير يارب مش مهم كلام الناس ولا كأنك سمعاه طالما انتوا عايزين تكونوا سوا ف كملوا و ساعدوا بعض و ادعميه هو محتاج دعمك علشان يكمل بلاش تكوني عليه مع اهله طالما هو شاريكي و بتحبوا بعض كمان بلاش تقولي انك ندمانه ، من رأيي ان كمان سنتين مش مشكله اوي على م يكون ظبط اموره ❤️🩹
تم النشر الأربعاء، ٤ سبتمبر ٢٠٢٤
شكرا ليكي تسلمي بجد
تم النشر الأربعاء، ٤ سبتمبر ٢٠٢٤
اهلآ وسهلآ بكي عزيزتي اولآ يجب عليك أن لا تشعر بسوء اتجاه ما يشعر الناس أو ما يقول لأن الناس مهما فعلت سيتكلمون وينتقضون هذا طبع البشر وبالنسبة لأهلك حماهم الله ورعاهم تلك شهامة وتواضع منهم ومن اجل خطيبك أيضآ هو أخبرك وضعه المادي من قبل فلا يجب عليكي ان تندمي على شيء انصحك ان تتقربي من الله وتصلي وتدعي لكم ان تنتهي تلك المحنة بأسرع وقت وبدل ان تفكري بجانب سلبي انظري لغير جانب مع الله والله لن يردكم خائبين دمتي سالمة.
تم النشر الأربعاء، ٤ سبتمبر ٢٠٢٤
لعرض السؤال في فدني اضغط هنا