انا علي طول مشتت وبفكر في حاجات ببقي مش عايز اعملها وبقيت عصبي زيادة عن اللزوم ومش طا يق كلام لحدوبقيت معزول عن الناس وبقيت باخد جنب عن اللي بيجي عليه ويضيقني بكلامه عايز اتخلص من اللي فيه داه.....
على طول مشتت؟ تقصد إنك وراك كذا حاجه ومشتت بينهم ولا تقصد ان تفكيرك مشتت؟ اوصفلي اكتر. بتفكر في حاجات مش عايز تعملها.. هنمسك الفكرة ونتناقش فيها مع نفسنا بهدوء تطلع ايجابيات الفكرة وسلبياتها والمكاسب والخساير.. وفي الاخر هتوصل لقرار اما دي فكرة كويسه فعملها أو مش كويسه ف هبعد عنها وفي الحالتين تخلي الاسباب في دماغك عشان كل ما الفكرة ما تجيلك تفكر نفسك بأسباب قرارك تجاها وتنفذه على طول.. تكرار الافكار السلبية ممكن نتعامل معاه بإننا نتجاهله أو لو احنا ف موقف بيسهل تكرار الفكرة دي نغير الموقف ونبعد عنه قدر الامكان.. نستعيذ بالله .. نفكر في فكرة تانيه حلوه تشغلنا. العصبية ليها اسباب كتير.. لو ده حاصل فجأة ممكن توضحلنا الاسباب أو الاوقات اللي بتتعصب فيها ونحاول نحلها. معزول عن الناس اللي هم صحابك مثلا واخد منهم موقف؟ ولا تقصد ايه بمعزول عن الناس؟ طبيعي تاخد موقف من اللي بيضايقك أو بيأذيك ليه شايف إن دي مشكلة؟
تم النشر الأحد، ١٨ ديسمبر ٢٠٢٢
حاول تقرب من حد بتحبه وتحكيله أو تتكلم معاه حتى لو قعدتوا ساكتين القعدة مع حد بتحبه بتفرق
تم النشر الأحد، ١٨ ديسمبر ٢٠٢٢
بقيت ! كنت ازاى الاول بقى ؟ وايه اللى جد فى حياتك وحصل بعده كل ده ؟
تم النشر السبت، ١٩ أغسطس ٢٠٢٣
لعرض السؤال في فدني اضغط هنا