مفيش أي استحرام في اللي انت قولته .. مقدرة مشاعرك وبكل اللي مريت بيه. ولكن لازم تتكلم .. لام تواجه والدتك بكل ده، لازم تعرفها انت قد ايه مازالت متضرر .. من اللي حصل زمان. انت محتاج تواجهها ... ايه اسوء حاجة ممكن تحصل؟ فكر .. ايه اسوء حاجة يعني هتحصل!!! لازم تقولها علشان ترتاح على الاقل وعلشان تعرف انك مش كويس. ولكن خليني اكلمك في حاجة تانية لربما تعذرها. بعض الاهالي ممكن يوصل بيهم الحال انهم يضربوا، يهينوا، ولو حد سالهم مش بتحبوا ولادكم طبعا بنحبهم ... طيب ليه بتعملوا كده ؟ بنربيهم! اه .. للاسف ده اسلوب التربية بتاعهم .. اللي مقتنعين بيه واللي اتربوا كمان عليه ... علشان كده لازم تتكلم معاها، ولو احتاجت تروح لاخصائي نفسي لازم تروح
تم النشر السبت، ٢١ يناير ٢٠٢٣
الاحساس مش حرام ...والبر بالاهل بيكون انك تعاملهم باحسان حتى لو اساؤوا اليك ورغم احساسك الوحش . انك تكون حابب تفهمها دى من البر باذن الله. اللى تقدر تتأكد منه هو ان هى متقصدش تأذيك...هى بس وعيها بالاثر النفسي والجزئية دى ضعيف جدا...حتى لو مصرحتش ليها باللى انت حاسه عشان هى بتستخدمه فى وقت بيأذيك اكتر ...يكفى انك تقبلها كما هى وتشيلها فوق رأسك . كل شىء فى الحياة هتلاقيه ناقص حته...استمتع بالجزء الحلو واحمد ربنا على النعمه فى المنع قبل العطاء. كل اللى هتتحمله فى امك ربنا هيعوضك بيه فى ناس تانيه حواليك.
تم النشر السبت، ٤ فبراير ٢٠٢٣
هو للأسف معامله الاهل بتسبب اثر كبير ف حياه ولادهم في حد بيعرف يتأقلم معاه وحد بيعرف يواجهه وحد مبيعرفش بيفضل محبوس جواه وانت غالبا لسه محبوس داخلك وجوه مشاعرك القديمه وجوه وخوفك وكمان غالبا ممكن يكون اثر عليك لما كبرت ف شخصيتك وثقتك بنفسك واحساسك بالأمان بس من رئيي تواجهها انك مازلت مدايق منها وانها ممكن تبرر الطريقه الي كانت بتتعامل بيها معاك عشان تقدر تسامحها وتحاول تخليها تفتكر معاك المواقف الحلوه الوديه بينكم عشان الذكريات السيئه للأسف سيطرت جدا على ذكرياتك وخبت الذكريات الحلوه حاول تدور على الحلو معاها وقلها بصراحه عايز علاقتي تبقا احسن معاكي ومش برضى اكلمك لانك بتستغليها ضدي وبتدايقيني بيها والمفروض ان العلاقه بين ام وابنها متكونش كده ابدا
تم النشر السبت، ٢١ يناير ٢٠٢٣
لعرض السؤال في فدني اضغط هنا