السلام عليكم ...انا دايما بقارن نفسي بالي حواليه
بجد الموضوع مزعج بالذات ف الدراسه معايا صحابي وكلنا شاطرين الحمد لله بس المشكله ان انا لو جبت اعلي منهم حتي لو بنصف درجه بحس ان انا مفيش مني اتنين ولو قليت عنهم بنصف درجه بحس ان مفيش افشل مني
مش عارفه بعمل ف نفسي كدا ليه وعارفه الموضوع بسحب طاقه بس انا مش عارفه ابطل العاده دي
بمعني أصح بستمد قيمتي من اللي حواليه 😔
خلي ثقتك بنفسك عالية واذا كانت درجتج اقل من الباقين فهذا اللي قدرتي عليه وقولي الحمدلله والشكر الإنسان إذا أصابه الغرور راح تعمى عيناه بس اذا رضيتي بكلشي يجيج من رب العالمين واقتنعتي راح ترتاحين نفسيا اهم شي بالتأكيد راحتج النفسية وراحتج تجي من قناعتج بكلشي يصيرلج بحياتج سواء سلبي او إيجابي (القناعة كنز لايفني)
تم النشر الجمعة، ٢٤ نوفمبر ٢٠٢٣
وعليكم السلام إحساس الانسان بالنقص في القيمة بيخليه مستني التقدير من الاخرين. حاولي تشوفي انجازاتك الي حققتيها، حاولي تفكري نفسك دايما انك حققتي حاجات كتير غيرك ممكن مجتش الفرصة انه يحققها بالتدريب والتعود هتحسي بقيمتك الذاتية
تم النشر الخميس، ٢٣ نوفمبر ٢٠٢٣
وعليكم السلام! شوفي، انت مش لوحدك اللي بيحس كده، الكتير من الناس بيواجهوا نفس المشكلة. فكرة مقارنة النفس بالغير بتاكل من ثقتنا في نفسنا وبتخلينا نحس إن قيمتنا مرتبطة باللي حوالينا. خليني أقولك على حاجة، أول خطوة عشان تتغلبي على العادة دي هي إنك تعترفي إنها موجودة، وده انتي عملتيه دلوقتي وهو ممتاز. 🌟 حاولي تركزي على نفسك وأهدافك بدل من مقارنة نفسك بغيرك. اكتبي أهدافك الخاصة وطموحاتك وحاولي تحققيها واحدة واحدة. أهم حاجة إنك تفتكري إن الجهد اللي بتحطيه هو اللي بيفرق، مش بس النتائج. شوفي، كل واحد فينا ماشي في رحلة مختلفة، وكل واحد عنده تحدياته وظروفه. فما تعمليش دمااااااغك ف الموضوع ده وتقارني نفسك بس عشان درجتين زيادة أو أقل. الأهم إنك طموحة وبتحاولي تتقدمي. وكمان ف نصيحة صغيرة، حاولي تكتبي كل يوم حاجة حلوة عن نفسك أو حاجة كويسة عملتيها. الحاجات الصغيرة دي بتعمل فرق كبير ف ثقتك بنفسك مع الوقت. أهم حاجة، خدي الموضوع براحة وافتكري دايمًا إنك تستاهلي تكوني سعيدة بما أنتي عليه. 😌💪
تم النشر الاثنين، ٢٢ يوليو ٢٠٢٤
حاولي تفرحي للناس اللي حواليكي ولو حد عمل انجاذ او جاب درجة اعلي منك حاولي بقدر الامكان انك تفرحيله من قلبك و حتا لو حسا ان العادة دي لسا عندك، اقعدي معا نفسك واتكلمي وشوفي ايه الحاجا الغلط عندك كمعتقد او كوجهت نظر، وبعدين عادي يعني احنا كلنا بشر وفيه اللي اعلي وفي الاوطة و احنا اكيد مش هنعلا علطول لازم يكون في فشل و المقارنة بتحسسك انك عندك هدف وهو انك تغلبي اللي حواليكي و لو فشلتي بتزعلي وتقولي هما احسن مني في ايه بس ده مش حل، وبردو شوفي ايه جذر المشكلة، ويارب اكون فيدتك وشكرا
تم النشر الجمعة، ٢٤ نوفمبر ٢٠٢٣
لعرض السؤال في فدني اضغط هنا