انا شغصيتي متلغبطه مبعرفش اقرر انا عيزه ايه. من وانا صغيره اهلي( والدي ) كان بيحلم اني اكون دكتوره اسنان وانا منكرش اني احبيت الموضوع كبرت وخلصت ابتدائيه ودخلت اعدادي اهتماماتي اتخيرت شويه احب مجالات تانيه اتخيل نفسي جراحه وحجات كده وبعد كده جت فتره كورونا اهتماماتي كل شويه تتغير معرفش انا عيزه ايه تالته اعدادي خلصت وجبت مجموع 93% عمتي فضلت تقنع امي انها تدخلني تمريض وانو حلو وكده بس انا كان فكري تاني بصراحه كنت بفكر لو انا تمريض ووحده من صحابي جابو طب شعوري هيكون ايه وهيا اعلي مني رخلص الموضوع اني ادخل ثانوي وهنا اهتماماتي انعدمت بخاف اني مجبش مجموع اساسا يدخلني اي كليه من الارقام الي بشفها معنديش شغف اهتماماتي انا معرفهاش ومعنديش مواهب وبخاف من الامتحان
خلصت اولي الحمدلله بمجموع 87% وبقول اذا انا جبت مجموع وحش ذي دا وفي اوله اعمل ايه في تالته وبخاف اكتر من تالته
بالعكس اللي انتي فيه مش لغبطة ولا اي حاجه .. وهتفضلي كده شوية لحد ما تعرفي انتي عايزة ايه بالظبط. طيب هتقوليلي يعني ايه؟ اي حد ممكن يعجب بمجال في لبداية ولكن شغفه او حبه ناحيه الشئ ده بيتغير، وممكن يحب مجال تاني خالص، وده طبيعي لان شخصيتك نفسها في الوقت ده متغيرة. شخصيتك كل شوية بتنمو وبتتغير، سواء ف الاهتمامات او ف التصرفات، او السلوك. يعني هل مثلا شكل لبسك هو هو ولا مثلا جيتي ف وقت وبداتي تحبي استايل تاني ؟ اكيد حصل تغيير. والتغيير ده كويس جدا، مش وحش. معني انك بتتغيري يبقى انتي بتتطوري .. انتي دلوقت ما عليكي غير انك تذاكري كويس جدا، وتخلصي المرحلة ديه .. والباقي بعد كده هيبقى اسهل باذن الله. ملوش لازم الخوف الجامد ده، مش هيكون له فايدة لما تخافي .. ركزي وذاكري والنتيجة ف الاخر بتاعة ربنا مش ف ايد اي حد.
تم النشر الجمعة، ٨ سبتمبر ٢٠٢٣
شوفي يا حببتي لما تتحطي فِ اي موضوع مقارنةة بين حاجتِين شوفي كل حاجةة ليها مميزات وعيوب تمام شوفي هتقدري تستحملي عيوب انهِي اكتر فاهمةة وتقدري تتكيفي معاها، انتِ اخترتِ ثانوي صدقيني خليكِ مُنظمةة جِدا للن النظام هيخليكي ترتبي الاولويات وهيتبقى معاكِ وقت هتقدري ترفهِي عن نفسك فِيه كويس على عكس ما تتعملي بعشوائِية هيفضل فِي احساس جواكي بعد انجاز شيء واذاكر اي الاول وكده فاهمةة اول حاجةة النظام إتفقنا، متهلكيش نفسِك بالتفكيِر شوفي مُذكرتِك فِ 1 ثانوي كنتِ تستهلي المجموع ده ولا اتظلمتي ولا المجموع كان زياده عن مجهودِك، فيما بعد خدي بالأسباب انك تذاكرِي كويس ولو غلطي فِ امتحانات الحِصه اعرفِي الاخطاء لِي وكده فاهمةة مش عوزاكي تضغطي نفسِك أبدا،كل حاجةة مكتوبه عند ربنـا وهو مقدَر كل حاجةة بس انتِ اعملي اللي عليكِ عشان ضميرِك يكون مرتاح بعدين متقوليش انا لو كنت عملت كذه كان زماني فِ حته تانِيةة خالِص، نظمي حياتك وده هياخد وقت وبالراحه متستعجلِيش ومع الوقت الدنيا هتتظيط وهتكونِي احسن خلي في يوم اجازه تفصلي عن المُذاكره لو تقدرِي واتعلمي حجات فِ الدين هترتاحي مش هقولك هتكوني فقيهه لاء اعرفي الأسسيات واحده واحده فاهمةة ومتقلقيش بس انتِ اعملي اللي عليكِ والنتيجة فِ الأخر عند ربنا وهو لما يشوفك ببتتعبي هيحطك فِ مكانةة أحسن مش ضروري اللي بتحلمي بيه لاء فِ المكان اللي عالم انِك محتجاه أكتر بس كِده ويبقي طمنيني عنِك ربّ يريح قلبكِ ويرزقك البركة فِ وقتِك والتوفِيق. 💗💗💗💗💗💗💗💗💗💗🌻""..
تم النشر الجمعة، ٨ سبتمبر ٢٠٢٣
بصي ي اختي انا كده باردوا وجبت مجموع ف اولي وحش بس الرك علي انك تقدري انا شخصيتي كانت وحشه قررت اني اعدل منها عن طريق الشياكه مثلا ولو بحد قليل حكايه الثقه بالنفس دي فيها اكتر من فرع وعاوز منك تفتكري الجمله دي اكبر مخاطره انك ما تخاطرش اصلا ف المغزي انك تخاطري ف حياتك وعارف انك زي م انا داخل تانيه وعارف انه فيه تحديات انتي كذلك الامر ومن ناحيه الاختيار دي فما هي الا طيش او مراهقه او ما شبه انتي الي هتحددي نستقبلك انا كده بس من وانا صغير دكتور مره اقرا ف الفلك ف الفيزيا بس ولا يفرق دوري ع حلمك عن طريق انك تسالي نفسك سؤال لو م فيش فلوس هتقدري تساعدي الناس بايه وبكليه ايه وان شاء الله ربنا يصلحني ويصلحك ويصلح الجميع
تم النشر الجمعة، ٨ سبتمبر ٢٠٢٣
بصي متبصيش للحصل ركزي في الجاي و متخليش حد يجبرك تدخلي إيه أدخلي في المجال التحبيه والشاطره فيه وثائقي في نفسك متخفيش هتنجحي بأذن الله
تم النشر السبت، ٩ سبتمبر ٢٠٢٣
اعملي اللي عليكي وسيبيها لربنا اختيارات ربنا لينا افضل بكتير من اختياراتنا اعملي اللي عليكي علشان متحسيش بالذنب مش اكتر لكن صدقيني اختيارات ربنا وتدابيره هتتعجبي منها وهتقولي الحمد لله
تم النشر الجمعة، ٨ سبتمبر ٢٠٢٣
لسه بدري بلاش خوف وتفكير وشوفي انتي عايزه ايه وحابه مجال ايه انا كنت زيك ع فكره ومكنش عندي هدف بس لما بدات اركز ف حاجه لاقيت اني عندي هدف. ومتحطيش ف دماغك انك مش هتقدري تجيبي مجموع حلو لا تقدري طبعا وربنا معاكي ويوفقك
تم النشر السبت، ٩ سبتمبر ٢٠٢٣
اتعلمي علم الدين مع المذاكرة وقربي من ربنا ولما تقوي نفسك في الدين افتكري أن اللي بيذاكر علم ربنا بينزل عليه الرحمة اجتهادي في نوايا طلب العلم وذاكري كويس وابني شخصية وعلي الأقل حددي خمس اسباب عشان تدخلي الكلية الفلانية
تم النشر الجمعة، ٨ سبتمبر ٢٠٢٣
لعرض السؤال في فدني اضغط هنا