تايهه وحاسه اني عايشه بس تقضيه واجب
مش لاقيه نفسي
تايهه وحاسه ان فعلاً مش عارفه افوق
مش عارفه اطلع من الدوامه دي نهائي
الهدف هو اساس تلاشي هذا الاحساس زائد الانجازات الصغيرة ... بيجيلنا احباط من وجود انجازات كبيرة للى حوالينا ونحس انتا لازم نكون بنعمل حاجة كبيرة عشان نحس بقيمتنا الحاجات الصغيرة الاصيله هى الاهم ...ابتسامه اتعودوا عليها اللى حواليكى منك ..ممكن تبقي اعظم شىء تقدميه مساعدة بتقدميها لاهلك ولو بانك بتطبطبي على حد فيهم ...دى حاجة تثبت وجودك بشكل كبير ومهم اوى. قدرى كل الاشياء البسيطة ..اللى بتاخديها واللى بتقدميها..هتحسي بجمال اليوم وتفاصيله.وهتبدأى تفكرى فى حاجات اكتر تقدميها عشان يوصلك اكتر من جمال الاحساس
تم النشر الثلاثاء، ٣ يناير ٢٠٢٣
مفيش حاجه اسمها تقضية واجب كلنا مخلوقين لسبب معين فالدنيا.. حاولي قد م تقدري تطلعي نفسك م إللي فيه بنفسك وساعدي نفسك واشتغلي علي نفسك متسبيش العمر يعدي كدا .. ربنا معاكِ ويقويكِ .
تم النشر الأحد، ١ يناير ٢٠٢٣
اختي خفي عن نفسك شوية انتي مضغوطة كلنا لينا دور ربنا مكلفنا بيه جايز انتي بتعملي حساب للناس وبتخافي لا تكوني مقصرة ودي طبيعة البشر بس في الاخر ليكي دور حتي ولو مش شايفة دة بعنيكي بس فيه انتي مأثرة فيهم وسايبه عندهم رصيد محبة واحترام حتته تايهة بقي انتي مشتته نفسك في ستين اتجاه راجعي تخطيط حياتك وظبطي اوراقيك حطي المهم فالهم وهكذا هتلاقي نفسك وهتغيري أسلوب حياتك وانشاء الله هتحسي بالفرق
تم النشر الاثنين، ٢ يناير ٢٠٢٣
طالما ربنا خلقك ... مستحيل تكوني هنا من غير سبب. طبيعي ان تيجي اوقات على الواحد ويكون فيها مشتت .. ومش عارف هو بيعمل ايه واللي ايه حتى اللي المفروض يعمله؟ شوفي نفسك من جواكي .. اعرفي انتي عايزة تعملي ايه .. بتحبي ايه؟ دوري على المعنى .. من حياتك مستحيل ان الواحد يكون ملو شمعنى من وجوده .. احنا اه ممكن الواحد ميكونش عارفه دلوقت .. بس الاكيد انه موجود. دوري على نفسك .. هاتي ورقة وقلم دلوقت اكتبي فيها الحاجات اللي بتحبيها ... والحاجات اللي بتكرهيها .. نقاط ضعفك وقوتك .. والحاجات اللي شاطرة فيها وبتعرفي تعمليها .. اكتبي حياتك قدامك على الورق خليها قدام عينك .. وركزي في اللي انتي كتبتيه .. وشوفيه اكيد هتلاقي حاجات ليها معنى في حياتك
تم النشر الاثنين، ٢ يناير ٢٠٢٣
لعرض السؤال في فدني اضغط هنا