انا مش بعرف اعبر بالكلام كويس بس حاولوا تفهموني
انا مش عارفة اتقبل نفسي لا جسمي ولا شكلي مش عارفة اتقبل نفسي زي ما هي أنا بحاول بس مش عارفة جسمي مليان ومش حابه كده مش بعرف البس زي ما أنا عايزه حواجبي خفيفة جدا جدا بضطر إني ارسمها والصراحة تعبت من ده انا مش بعرف ارسمها شوفت فيديوهات كتير إني اتعلم لا أنا مش عارفة شكل حاجبي لانه خفيف جدا ويعتبر مفيش خالص لابسة نضارة ودي ناس كتير اوي بتعيب وبتتكلم بيقولولي لابسة كشافات عندي فلات فوت وراثي للأسف ودي حاجه أنا مش متقبلاها خالص لاني رجلي علطول بتوجعني من اي كوتشي ألبسة وأنا في الكلية فبمشي كتير اوي رجلي فعلا مش بقدر امشي عليها ودي حاجة مش عارفه اقبلها حاولت اغير من نفسي كتير عشان اقبل نفسي بس مفيش فايده لازم بلاقي انتقادات وكلام وناس بتعيب علي شكلي حواجبي جسمي وأنا اي كلمه بتأثر فيه بحط علي وشي مكياج مش تقيل خالص ولا خفيف بس بحاول اتقبل نفسي بس نظرات الناس وكلامهم بكره نفسي جدا وبقرف من نفسي لسة متعرضة للموقف ده النهارده بنتين كانوا واقفين جمبي بيبصولي ويضحكوا ويتكلموا وأنا سامعاهم وقتها كان نفسي أن الأرض تنشق وتبلعني حاولت اخس وخسيت بس بسبب البريود ووقفت عشان الدراسة كانت بدأت وكنت وقتها في تالته ثانوي رجعت تاني زي ما كونت واكتر رغم اني بشوف ناس كتير اوي من حالتي بس عايشين حياتهم عادي ومتقبلين نفسهم وبيلبسوا زي ما هما عايزين وحياتهم ماشية ليه أنا كده نفسي اتقبل نفسي بحالتي كده مش عايزه احط مكياج بحس اني فييك مش عايزه ابقي كده
بسبب اللي يشوفه من الناس كل يوم أنا بقيت بخاف منهم بخاف أتعامل أو اتكلم أو اختلط بيهم أنا لوحدي رغم اني أهلي معايا أنا لا فاهمه الناس ولا الناس فهماني مش بحب أخرج من البيت بسبب كده إني مش عايزه اشوف حد ولا اتكلم مع حد عشان مش عايزه اشوف نظرات الناس ليه مش عايزه اسمع كلامهم وهما بيتريقوا سواء كان عليه أو علي حد تاني شوفت بنات كتير اوي اتغيروا للأحلي والاحسن والاجمل ليه أنا متغيرتش كده مش عايزه أعيش وأكمل حياتي بالطريقة دي مش عارفة اعمل ايه
ممكن تساعدوني
بصي يا ست الكل مبدأيا فكرة ان الواحد يتغير للأحسن ده حاجة حلوة جدا و لكن السؤال هنا انا بتغير ليا و لا للناس بالنسبة لموضوع الدايت فهو مهم مش بس شكلا لا عشان ممكن يقلب بمضاعفات و عشان انتي تهميني انا لازم ابقي واضحة معاكي لقدر الله ممكن قدام في سن ال٤٠ يجيب سكر لذلك كل اللي عليكي انك تكلي بروتين بدل السكريات احنا لازم نبتدي نلعب رياضة و نروح جيم ممكن نلعب جمباز مثلا فيه عندك كيك بوكسينج انا اعرف مكان كويس لو حابة في و انتي ف التمرين هتلاقي ناس هتتصاحبي عليهم و احنا ف الجيم هنتصاحب برده يبقي كدا وسعنا دايرة معارفنا تاني حاجة السيرة الذاتية بتاعتك أو الcv مهم اوي ليكي كبنوتة انك تحسي بكينونتك و بنجاحك عشان تحبي نفسك اكتر و ده ممكن يخليكي تقدني علي شغل تيع الunuted nations انك تبقي مواطنة فعالة ف بلدك او براها و هكذا و نقوي الانجلش ده ممكن عن طريق ننضم لteam زي STP ممكن ابعت اللينك ده انا فيه و ده هيتضاف ف السي في و برده تنزلي تطوع مع رسالة مثلا ده برده انا فيه شوفي الفرع الأقرب ليكي كدا احنا وسعنا دايرة صحابنا من ناس محترمة ها محترمة مش الناس اللي حسبي الله و نعم الوكيل فيهم اللي بنشوفهم ف الشارع زي ما حكيتي طب ايه تاني اروق علي نفسي اهتم بجمالي اشتغل جمب الكلية ف الاجازة لو حتي كول سنتر عربي و لو ينفع برده مع الكلية يبقي عظيم حتي لو ASSISTANT كل ده هيخرجك برا الحالة اللي انتي فيها انا فاهمة انتي بتمري بايه لأن أغلب البنات بتمر بيه و لكن عايزة اقولك حاجة بل حاجتين اولا هي انك تعملي تشيك اب ليكي من حيث فقر الدم الأنيميا انا ف ٣ ثانوي كان عندي انيميا و فيتامين د و كالسيوم انا كانوا عندي واقعين دول ليهم تأثير لي وجع العظام و بالمناسبة انا برده عندي فلات فوت و بعاني من اللي انتي بتعانيه بس اهه بنزق الدنيا تاني و آخر حاجة مش عشان اتأكد اني جميلة يبقي لازم الكل يبقي معجب بجمالي لا خالص الجمال أذواق فيه بنات عشان يحسوا بجمالها لازم كل الشباب يحسسوهم بده لكن ده غلط انتي ف الأول و الاخر ليكي شخص واحد فقط اللي يهمك يبقي شايفك جميلة زوجك المستقبلي إن شاء الله و ده لما يختارك هيبقي عارف هو واحد مين
تم النشر الأربعاء، ٣ مايو ٢٠٢٣
طاب نبدأها واحدة واحدة بالنسبة لموضوع الفلات فوت فإنتِ محتاجة تزوري طبيب عظام، سيساعدك على الحصول على حذاء طبي لا يتعب قدميكِ بإذن الله ويجعلك لا تشعرين بالألم ... بالنسبة لموضوع حاجبيك الخفيفين كما تقولين، هناك براند على الفيس بوك اسمه DR Roze هو براند منتجات تجميلية طبيعية يصنعها صيادلة، يمكنك مراسلتهم وسؤالهم عن منتج تكثيف الحواجب وبإذن الله سيعطيكِ الدفعة اللازمة بالنسبة للوزن فحاولي نزول صالة رياضية، فقط انزلي ثلاث مرات اسبوعيًا لمدة ساعة في كل مرة، واستمري على هذا شهر كامل وسيشكل فارقًا معكِ باذن الله بالنسبة للنظارات أنا أيضًا ارتديها، واحب أن أقولك لكِ أن النظارات هي علامة يُشار بها للمثقفين والعلماء، الذين يرتدوها من كثرة المطالعة والقراءة، شجعي نفسك بهذا، أنا ايضًا افعل هذا، ويكفي أن أقول لكِ أنها صارت موضة وتريند لدرجة أن بنات يلبسن نظرات بدون عدسات لأجل أنها شيء مميز وجميل، يمكنكِ أن تشتري اطار نظارة شبابي ومناسب لوجهك، كما يمكنك الحصول على النظارة التي تصلح نظر ويكون معها عدسات شمسية أيضًا ... هذا شيء يكون مميز ومبهج برأيي هذه حلول ولكن تبقى مشكلة مهمة من رأيي وهي فقدان الثقة في جمالك ... وهذا برأيي بالتأكيد عائد نتيجة تعرضك للتنمر في الصغر، أو ربما احدهم علق تعليقًا عليكِ في الطفولة بشكل سخيف، وهذا جعلكِ تعتقدين عن نفسك كل هذه الاعتقادات ... المجتمع أيضًا يضع قوالب للنساء يحكم من خلالها على هذه بأنها أنثى جميلة، وتلك لا، قوالب للأسف ظالمة لكثير منا، كل امرأة هي انثى بطريقتها ... أنصحك بقراءة رواية حديث الصباح والمساء لنجيب محفوظ، ومتابعة الشخصيات النسائية في الرواية وكيف أن كل واحدة منهن تهتم بجمالها بشكل مختلف تمامًا عن الأخرى هناك كتاب ثاني اسمه النساء يركضن مع الذئاب وهو يناقش ايضًا نقطة قولبة النساء في قالب معين لا غير، سيفيدك في هذا السياق أيضًا أخيرًا نصيحة اذهبي إلى أخصائية نفسية لمساعدتك على أداء تمارين الثقة بالنفس، واكتساب الثقة بنفسك كما هي، وتقبلها كما هي، دون اكتراث برأي أحد فيكِ هون الله عليكِ، ورزقك من كل خير نصيب
تم النشر الاثنين، ٨ مايو ٢٠٢٣
انتى قولتى الحل بنفسك تقبلك لنفسك زى الناس اللى شوفتيهم عايشين عادى ومبسوطين. ربنا مخلقش الناس بكتالوج واحد....بالعكس احنا لازم نكون مختلفين ...واللى بيببقي استثناء اننا نلاقى توائم ...فاللى احنا فيه مش حلو ووحش ...ده شكل مختلف بس عن الاخرين....ليه نسمى الاختلاف ده وحش بقي ...معتقدش ربنا هيخلق شىء غير الجمال. اتجاه الجمال بقي بيختلف ...وكلنا احساسنا الداخلى بيفرق فى شكلنا ....ده احنا حتى لو خبينا جزء من وشنا فشكل الجزء المستخبي بيفرق فى شكل الجزء الظاهر .. لو خبيتى فمك ممكن اعرف من شكل عينك اذا كنتى مبتسمه او لا....ما بالك بقي باحساسك من جوه . كونى فخورة بكل ملامحك لانها نعمة ربنا ليكى واختلافك عن الاخرين... حبي حواجبك حتى لو خفيفة لانها احسن من اللى مبتلى بمرض زيادة الشعر بشكل مبالغ فيه او احسن من اللى شعره كله واقع بسبب علاج صعب . حبي رجلك لانها يكفى انها بتساعدك تتحركى وبتؤدى وظيفتها ولو بتحسي بالم فانتى ممكن تشترى بس نعل طبي مناسب لحالة الفلات فوت وهتحسي براحه اكبر عادى جدا. كلنا بنخس ونتخن لاسباب مختلفة فى كل مراحل العمر ...وانتى تخينه حبي التخن ولما تخسي اتبسطى بانك جسمك اخف واحلى ...كل حاجة بتفضل تزيد وتنقص يعنى هو الوزن اللى هيثبت ....لسه هتتعلمى حاجات كتير فى الحياه وهتبقي مرنة اكتر فى احساسك بكل حاجة حواليك.
تم النشر الخميس، ٤ مايو ٢٠٢٣
فيه حاجات نقدر نغيرها وفي حاجات منقدرش نغيرها .... وعدم تقبلك احنا ايه رأيك نستخدمه بشكل احسن ويكون بصورة كويسة ليكي! كويس جدا ان الواحد ممكن يشوف عيوبة ويحاول انه يصلحها ... هل حاولتي تحلي العيوب اللي انتي شيفاها ... مش اللي الناس شيفاها! انا يهمني انتي مش الناس ... اهم حاجه ان الواحد يكون عاجبه حاله، متقبل نفسه على اي حال بقى ديه مش مشكلة حد اصلا غيره، لان الناس كده كده هتتكلم، وهتجيب في سيرة بعض، سواء عاجبه نفسك ولا لا! ف علشان كده بقولك مش مهم الناس تشوفك ازاي ... المهم انتي شايفة نفسك ازاي ... يعني مثلا الحاجات اللي ذكرتيها واللي مش عاجباكي في نفسك .. هل حاولتي تغيرها (تعملي دايت، تجيبي مثلا حاجه لحواجبك علاجيه) ... ديه كلها حاجات عادي لها حلول .. وقصة ان رجلك وجعاكي ومش قادرة تمشي عليها .. ف اي حد هيتريق اصلا فهو مريض وغير سوي، انتي متخيلة انتي بقى بتاخدي كلام او بتشوفي وجة نظر الناس فيكي من مين ؟ من ناس اساسا غير اسوياء ... اقبلي نفسك وغيرها بس علشان انتي عايزة تغيريها مش علشان الناس .. وزي ما قولتلك في حاجات نقدر نغيرها وفي حاجات لأ .. واللي في الاخر باقي اننا نقبل نفسنا حقيقي ونحبها علشان هي متستاهلش اننا نكرها او نعنفها.
تم النشر الخميس، ٤ مايو ٢٠٢٣
اطلع وتعلمي كيف تحبي نفسك عشان الكل يحبك وتحبي كل شي فيكي وتحبي الحياه، وزني زائد شوي كمان بس ابدا مو مشكله والحمدلله انها المشكله بيدك وتقدري تغيري، تعبت دوامات في مراكز الجيم ووو، لكن بدات اجنب سيارتي وامشي لساعه اوقات ٤٠ دقيقه ومرات ساعه ونصف او ساعتين، اخطي بهذه الخطوة، المشي عشان نفسيتك وعشان صحتك وانتي ماشيه بيكون تفكيرك إيجابي ووقت المشي بتكوني مختليه بنفسك استجمام، ولو تزيدي تخفي الاكل شوي رح تشوفي نتائج من المشي ولو ما مشيتيش بتحسي بشي ناقصك، خلي المشي عاده بحياتي من اسبوع وقد الفرق باين عليكي،وعدلي النوم يكون ليلا المشي الصباح او الساعه ٥ او المساء بترتاحي كثير الملابس تعلمي عن كيف تختاري الملابس والالوان الي تناسبك بخصوص حواجبك مافيهن اي مشكله ليزر لو عندك قدرة ماديه او تكتفي برسمهن او عمل صبغه لاتفكري بالموضوع كثير مافي اي مشكله حبي نفسك وانتي جميله بالفعب
تم النشر الأربعاء، ٣ مايو ٢٠٢٣
ليه ماتتقبليش نفسك ربنا سبحانه وتعالي خلق الانسان في احسن وابهي صوره وانتي مليانه شويه عادي علي فكره في ناس كتير يمكن أكثر منك وعيشين عادي حوحبك خفيفه عادي بردو في ناس حوجبها تقيله وتخوف وبردو عادي بالنسبه لهم بالنسبه للهدوم هتلاقي اماكن بتبيع هدوم مناسبه ليكي ومواكبه الموضه النظاره مش عيب علي فكره انا بحب البنات الي لبسه نظاره بحس انهم مميزين من زوي العقول، الفلات فوت مش مشكله هي صفه وراثيه زي منتي قولتي ونص سكان الأرض عندهم فلات فوت و مكن تكون ميزه مش عيب بالنسبه للبنات الي بتتكلم وتضحك انتي بس موسوسه شويه عشان مش وثقه في نفسك الخلاص انك جميله مش محتاجه تبقي جميله لانك اصلا حلوه وجميله ربنا خلقنا كلنا جمال انالله جميل يحب الجمال وربنا أبدع في خلقه فأكيد انتي جميله بروحك وبقلبك بمشاعرك بتفاصيلك بصي لنفسك بعينك انتي تجهالي الناس وتجالي هاجس انك وحشه انتي حلوه انتي خلقه ربنا ' الي هتفق معاكي فيه أن لو وزنك زياده شويه ممكن نبدتي نخس تدريجي وحده وحده
تم النشر الأربعاء، ٣ مايو ٢٠٢٣
لعرض السؤال في فدني اضغط هنا