انا عندي 22 سنة وطولي 154 ووزني حاليا الحمدلله وصل ل 60 بعد معاناة كبيرة ومحاولات بحاول فيها بقالي سنين اني اوصل للوزن ده لأني ونا صغيره ولما وصلت لسن المراهقة كنت رفيعة جدا وكان جسمي مسببلي حزن كبير ومكنتش راضيه عنه لان كان فيه ناس كتير جداً بتعلق عليه بمنتهي السخريه وكانت نفسيتي بتتأثر بالتعليقات دي بس من وقت ما تخنت كل شويه اروح اوزن عشان خايفه اخس وعندي وسواس ملازمني اني لو مكلتش دلوقتي هخس لو اتحركت بسرعه هخس لو شيلت ابن اختي او جريت وراه احس اني خسيت ف بقيت كل شويه اروح اوزن ومش عارفه اسيطر ع أفكاري واتخلص من الوسواس ده ارجوا المساعدة.
شكرا لثقتك في مشاركة هذه التفاصيل معي. أولا، أحييك على الوصول إلى الوزن الذي ترغبين فيه بعد محاولات وجهد كبير. فهذا إنجاز يستحق الاحتفال. أما بالنسبة لمخاوفك ووسواسك حول خسارة الوزن مرة أخرى، فهذا أمر طبيعي نوعا ما بعد ما مررت به. لكن هناك أمور يمكنك القيام بها للتخفيف من هذه الأفكار: تقبلي شكل جسمك وأحبيه: عليك التركيز على الإنجاز الذي حققته والاعتزاز بجسمك الحالي. فهو ليس مصدر حزن أو خجل بعد الآن. التوقف عن الوزن المتكرر: فهذا يزيد من مخاوفك ووساوسك بدلا من تخفيفها. يكفي وزن نفسك مرة كل أسبوع أو كل أسبوعين. ممارسة الرياضة وتناول وجبات صحية: هذا لن يمنع خسارة الوزن فحسب، بل سيجعلك تشعرين بأن لديك سيطرة أكبر على جسمك. تجنب المقارنات: لا تقارني جسمك بأجسام الآخرين. كل جسم له شكله الخاص، أتمنى لك التوفيق والسعادة بجسمك. وتذكري أن صحتك النفسية والعقلية هي أهم من أي شكل أو وزن.
تم النشر الثلاثاء، ٢٧ يونيو ٢٠٢٣
طب انا هقولك على معلومة بقى انتى ممكن تكونى متعرفيهاش المجهود الذهنى بيحرق سعرات اكتر من المجهود البدنى ...فانتى بالوسواس بتخسى فعلا بطلى التفكير فى كل حركة عشان متخسيش بقى
تم النشر الاثنين، ٣ يوليو ٢٠٢٣
اللى شايفه ان الموضوع نفسي فيه جانب من ضعف الشخصيه وانك مهزوزه ودا حصل من تجارب وحاجات حصلتلك كانت صادمه وماثره ع لحد دلوقتى فالعلاج مش هايبقى ف التخسيس وتظبيط الوزن ع قد ماهو تغيير افكار سلبيه ومعتقدات غلط لو اتظبطت واتعدلت ف دماغك هتعرفى تتقبلى ذاتك بكل حاجه فيها بما فيها شكلك وربنا معاكى ويعينك ويقويكى وع فكره انا عندى المشكله دى واثرت عليا جدا فانا بقول الكلام دا لنفسي قبل ما بقولهولك ❤
تم النشر الثلاثاء، ٢٧ يونيو ٢٠٢٣
برافو انك وصلتي للهدف اللي كنتي عايزاه، ولكن اتمنى يكون هدفك ده علشانك انتي مش علشان الناس، يعني انتي تكوني حابه تعملي ده علشان نفسك مش علشان حد تاني. اما بقى بالنسبة للافكار والسلوكيات اللي انتي بتعمليها ... ياريت نحاول نحجم شوية افكارنا بأننا نهدم الفكرة ديه، يعني اوزن كل شوية ليه طالما وزني مظبوط؟ قولي لنفسك كده كل ما الفكرة تيجي، انا وزني كويس ف ليه اوزن كل شوية ده مش طبيعي. وباقي لسلوكيات التانية اتعاملي معاها بنفس الفكرة، ابدأي اهدمي الافكار ديه واسخري منها كمان. بس قبل ده كله لازم تشتغلي على ثقتك بنفسك لان ده الاساس .. +طول ما انتي محافظة على اكلك متخافيش مش هترجعي تاني ل اللي كنتي فيه.
تم النشر الثلاثاء، ٢٧ يونيو ٢٠٢٣
أول حاجه عايز أقولك شابو إنك حققتي هدفك تاني حاجه أنا ملاحظ إنك عامله إعتبار لرأي الناس أوي لدرجة إنك خائفة تسمعي منهم أى كلمه فيها سخريه عليكي هل أنت شايفة فعلاً إن مفيش حد دلوقتي حتى لما وصلتي للوزن الحالي محدش هيسخر منك؟ كل ده ناشئ من خوفك من كلام الناس لكن لازم تعرفي الناس هيفضلوا يتكلموا حتى لو قفلتي على نفسك و مخرجتيش هيتكلموا عليكي ....ليه طيب؟ ولله هما كده قاعدين فاضيين يقوموا يتكلموا فى أعراض الناس بدون سبب فنصيحتي ليكي إنك تحاولي متاغديش رأي الناس و كلامهم بشكل جدي لأن كلهم لا هيقدمك لقدام ولا هيأخرك واقولك على فكره حلوه على موضوع إنك كل شوية بتوزني هاتي بطرمان أو حصالة و مكا ما تحبي تروحي توزني حطي 5 جنيه و كل مره تزيد 5 لو فضلتي تروحي توزني نفسك كتير هتوصل الفلوس كتير و مش هتعرفي تحطي فمش هتروحي (بس تلزمي نفسك بيها) وبس .
تم النشر الثلاثاء، ٢٧ يونيو ٢٠٢٣
انا مش عايز أكون بأڤور.. بس أغلب الوساوس بتكون شياطين أو بتكون النفس اللي بردو زيها زي الشياطين.. اعتقد ان افضل حل هو انك تردي ع نفسك وتردي ع الوساوس دي سواء رد صريح بإجابه عاديه زي مثلا ( لو ماكلتيش دلوقتي هتخسي ويبقا جسمك شكله وحش ) تردي وتقولي ( لا مش هخس ان شاء الله واصلا مش جعانه، لما اجوع هاكل ) طب اذا اتكرر الموضوع.. تردي رد غير صريح وهو ( التجاهل ) ودي اكتر حاجه بتضايقهم..+ بردو حاولي تقولي اذكار كتير خصوصا آيه الكرسي + آخر آيتين من البقره وبإذن الله الموضوع هيتحسن.. لكن اهم حاجه تعملي دا
تم النشر الثلاثاء، ٢٧ يونيو ٢٠٢٣
تابعي كوتش سما ع السوشيال ميديا وشوفي كانت رفيعه إزاي ودلوقتي بقا جسمها مناسب وماشيه علي نظام ورياضه وبتقول حاجات مفيده جداً ماشاء الله
تم النشر الثلاثاء، ٢٧ يونيو ٢٠٢٣
لعرض السؤال في فدني اضغط هنا