خايفة افضل عايشه سن مش سنى علطول طريقة تفكيرى اكبر من سنى وكلامى وكمان تصرفاتى دايما واخده دور الكبيره خايفة ده يأثر عليا لما اكبر مبقاش عشت طفولتى وشبابى بس ده عجبنى انى مش طايشه او زى معظم الجيل ده معرفش انا صح ولا غلط
السلام عليكم ورحمه الله اهلا و سهلا احيكي علي مهارتك و ربنا يديها عليكي نعمه. ✴️خلينا متفقين أنه لا يوجد تعارض بين المهارات الاجتماعيه و انك تعيشي حياتك، ايه الاعتراض انك تكوني واعيه و انك تعيشي سنك ؟؟ المهارات الاجتماعيه و التفكير المنطقي و الحكيم مهمين جدا ليكي خصوصا و انتي صغيره و هيساعدك علي أن تحققي نحاجات علي المستوي الاجتماعي و التعليمي و العملي لما تشتغلي. و احيانا يوجد ناس مش عاوزين يشوفونا افضل، او مبيعرفوش يوصلوا للي انتي فيه علشان كدا بيقولوا لكي الكلام دا. عيشي بطبيعتك و اوزني الأمور زي ما انتي و اعملي كل اللي نفسك فيه. تحياتي 💐
تم النشر الجمعة، ٢٨ يونيو ٢٠٢٤
فى البداية كده.من الواضح انك بنوته ذكيه جدا وبتقدرى تتعاملى بحكمه فى الأمور رغم صغر سنك. الموضوع ده جميل اوى أن حد فى سنك يكون منطقى ومسار تفكيره مختلف وكمان بيعرف يقيم الأمور ويتصرف بشكل واضح .بس خلينى اقولك على اد ما تقدرى عيشى سنك عيشى طفولتك حددى كل الحاجات اللى بتسمتعى بيها واللى بتلاقى نفسك فيها .تفكيرك جميل ومنطقى بس ده حاجه وانك تستمتعى بعمرك وتعيشى سنك ده حاجه تانيه خالص. حاولى دايما لو عندك موهبه نميها وكونى صداقات فى سنك ومارسى رياضه وفى حاجات كتير ممكن تعمليها المهم متتخليش ابدا عن تفكيرك المنطقى فى الأمور وانك تعيشى سنك دى أمر مهم جدا وافتكرى دايما أن ربنا معاكى فى كل خطواتك وبيساعدك.وانك جميله وهتقدرى🌷
تم النشر الخميس، ٢٧ يونيو ٢٠٢٤
حبيبتي مش حاجه وحشه انك عاقله وراسيه زي ما بيقولو بس طبعا وقت الهزار هزار ووقت الجد جد يعني لما تقعدي مع صحابك اتعاملي كأنك طفله هزري واضحكي وفرفشي ولما يجي وقت الجد تتحولي للسخصيه العاقله هو ده الصح لكن جد طول الوقت او هزار طول الوقت غلط
تم النشر الجمعة، ٢٨ يونيو ٢٠٢٤
يا سلام! ما شاء الله، انتِ واعية جداً بالنسبة لسنك وده شئ جميل بس في نفس الوقت بنات وولاد مرحلتك العمرية كلهم عندهم نفس المخاوف والتساؤلات. شوفتى، اللي بتمرّي بيه طبيعي جداً. كلنا بنحاول نلاقي توازن بين التصرف بجدية والتمتع بالشباب والصبا. مفيش حاجة غلط في إنك تبقي ناضجة وواعية، ده ميزة كبيرة في حياتك. بس برضو مهم يفضل عندك لحظات تستمعي فيها بالحياة من غير تفكير زائد. حاولي تعملي حاجات بسيطة تحيي فيكي الطفولة والشباب زي اللعب، الخروج مع أصحابك، مشاهدة أفلام كارتون مفضلة ليكي، أو حتى تجربة هوايات جديدة. خلي لنفسك وقت تفرّغي فيه دماغك من التفكير الزائد وحاولي تستمتعي بالحاجات البسيطة في الحياة. أهم حاجة، حاولي تلاقي التوازن. النضوج حلو والتفكير الهادئ مهم، بس الفرحة وأيام الطفولة والشباب لازم يكونوا جزء من تجربتك كمان. وإفتكري، لا في صح مطلق ولا في غلط مطلق، أهم حاجة إنك تكوني مرتاحة وسعيدة مع نفسك. 💖😊
تم النشر الأربعاء، ٢٦ يونيو ٢٠٢٤
فعلا مريت بحجات كتير شكرا
تم النشر الخميس، ٢٧ يونيو ٢٠٢٤
ايه الجمدان ده الحمدلله نصجك بدري ده معناه انك مرتي بخبرت كتير وده في صلحك مش ضدك
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا