السلام عليكم.. انتى فى حالة نفسية صعبة بسبب الى حصل وشعورك بالذنب والتعب النفسي وشايفة ان الدنيا اسودت وحياتك وقفت ، دا الطبيعى لينا كلنا بعد اى موقف كبير وخصوصا لو اتشال غطاء الستر واصبح الموضوع بين الاهل كمان.. دا وقت ولازم نعدى به.. بس عشان نطلع من دا لازم نشوف الجانب الكويس فى الموضوع.. أول خطوة إنك تحمدي ربنا إنك وصلتي لمرحلة الندم والتوبة.. ربنا دايما فاتح بابه للتوبة، واللي بيقبل على الله بتوبة صادقة ربنا بيغفر له حتى لو كانت جبال من الذنوب.. قال الله تعالى "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا" فالحمد لله الذى لا يُحمد على مكروه سواه.. ربنا اراد انك تندمى وتاخدى درس وباذن الله تكون توبة نصوحة ويمكن الى انتى لسا فيه هو تكفير عن سيئات وضغط عليكى انك تقربى من ربنا اكتر.. لازم كمان تغيري البيئة السلبية الى انتى فيها.. حاولي تخرجي من الجو اللي إنتي فيه.. امسحي أي حاجة بتذكرك بالعلاقة دي، سواء صور شات أو أي وسيلة ممكن ترجعك لنفس الدوامة.. كل ما تبعدي عن مصدر الذنب كل ما هتلاقي راحتك النفسية..و اهتمي كمان بنفسك انتى غلطتى اها واعترفتى بذنبك وتبتى بس مش هنموت نفسنا.. حاولي تنظمي وقتك واعملي أنشطة بتحبيها.. اسمعي قرآن أو دروس دينية هادية بتقوي القلب وايمانك.. وماتنسيش سلاحك الجبار..لو بتحسي بأي ضعف أو ضيق ارفعي إيدك لربنا وادعيه بصدق قولي:"اللهم اجعل لي فرجا ومخرجا من كل ضيق، اللهم اجبر كسر قلبي وارزقني الطمأنينة" ربنا عاوز يسمع صوتنا واحنا مكسورين وبنلجأ له عشان يجبرنا.. عارف انك مليانة باليأس بس لازم تكونى عارفة ان التخلص من مشاعر اليأس دا بداية العلاج.. الحياة مش بتقف على شخص أو موقف.. جربي كل يوم إنك تكتبي حاجة حلوة حصلتلك أو حاجة حلوة بتحبيها ومع الوقت هتلاقي نفسك بتشوفي الدنيا بشكل أحلى كتير.. اعملى خير اطعمى مساكين ساعدى محتاج تصدقى بالغيب فصدقة الغيب تطفئ غضب الرب.. احنا بشر ومش عيب نطلب مساعدة غيرنا.. مش غلط إنك تطلبي مساعدة من حد قريب منك من اهلك او صحباتك أو حتى استشارة شخص متخصص لو حسيتي إن الضغط كبير جدا ومش قادرة تتعاملى معاه الدعم النفسي مهم جدا عشان الافكار الى بتجيلك دى.. الاهم انك تستعيني بالله وتواظبى على الذكر حافظي على أذكار الصباح والمساء والصلاة على وقتها.. الحاجات دي بتدي راحة نفسية كبيرة جدا.. وافتكرى ان ما ابتلاكى الا ليختبرك ويشوف صبرك... إنتي قوية بربنا.. مفيش حاجة مستحيلة على اللي بيستعين بالله.. كل لحظة بتفكري فيها بإيجابية بتقربي من الشفاء النفسي والراحة.. احنا بنمر بمواقف كتير صعبة فى قصة حياتنا عشان نكون اقوى.. ومتهتميش بنظرة الناس ولا رئيهم فيكى اهتمى بنظرة ربنا ليكى وبس وساعتها الناس هتشوفك بالنظرة الى تسعدك وتريحك حقيقى.. ربنا يطمن قلبك ويريح بالك..
شكرا ليك مره تانيه بجد + حضرتك ينفع اسالك على حاجه أو اتواصل معاك
تم النشر الثلاثاء، ١٨ فبراير ٢٠٢٥
مش لازم توضحى انا فاهم والله وعارف قصدك 😅 فقشطة يعنى الدنيا سهلة
تم النشر الثلاثاء، ١٨ فبراير ٢٠٢٥
اكيد طبعا... انا بس لحد ما افكر مش اكتر مقصدش حاجه حقيقي
تم النشر الثلاثاء، ١٨ فبراير ٢٠٢٥
الموضوع اوبشن عادى وانتى براحتك اكيد ماتقلقيش.. انا كدا كدا معاكى هنا فى اى حاجة تحتاجي تسألى فيها.. خدى وقتك يعنى 😄
تم النشر الثلاثاء، ١٨ فبراير ٢٠٢٥
تم النشر الثلاثاء، ١٨ فبراير ٢٠٢٥
تم النشر الثلاثاء، ١٨ فبراير ٢٠٢٥
والله بحاول كل يوم بصحا ببقا بحاول وبحارب مليون حاجه جوايا انا مبسوطه ان لحد دلوقتي اهو داخله في الشهر التاني واهو عادي بحاول بس مش كل يوم بنجح والله بحاول انا مش ضعيفه لي اللي عديت بيه مكنش بسيط
تم النشر الثلاثاء، ١٨ فبراير ٢٠٢٥
تم النشر الثلاثاء، ١٨ فبراير ٢٠٢٥
انا مش زنانه والله بس حضرتك يمكن الوحيد اللي فاهم اللي بمر بيه ومش قادره اصارح بيه حتى صحابي وأهلي طبعا صعب اوي ومستحيل
تم النشر الثلاثاء، ١٨ فبراير ٢٠٢٥
انا فعلا مش هعرف انتقم انا أضعف من انتقم من حد انا فعلا بقيت بحاول اهتم بحياتي وانجح فيها وفعلا الانتقام ب ان لما يلف ويدور ويلاقي انه ضيع حد من ايده كان ابن ناس وكويس وقتها ندم بجد... مكنش عدل ان اشيل كل دا لوحدي وان أحاسب على كل المشاريب لوحدي
تم النشر الثلاثاء، ١٨ فبراير ٢٠٢٥
تم النشر الثلاثاء، ١٨ فبراير ٢٠٢٥
تم النشر الثلاثاء، ١٨ فبراير ٢٠٢٥
اخد حقي منه ازاي أو ارجع كرامتي قدامه ازاي ممكن تقولي؟
تم النشر الثلاثاء، ١٨ فبراير ٢٠٢٥
يبقى الحل بأيديك يا استاذة.. انا فاهمك انتى كل مايبعد وتحاولى تاخدى خطوة لقدام بعيد عنة بيرجعك بطريقتة لانة حافظك وضامنك.. يبقى الحل اننا نفكر صح المرادى..وكونك حد سهل وطيب دا مش عيب.. العيب ف ان سهولتك وطيبتك يأثرو عليكى بالسلب +العيب هو استغلالة لدا هو علقك بية وبيتعامل بطريقتة بدون مراعاة ليكى..
تم النشر الثلاثاء، ١٨ فبراير ٢٠٢٥
انا بسأل مش عشان رجوعه انا رجوعه اصلا خايفه منه صدقني على عكس ما الناس شايفه ان انا هبقا مبسوطه انا اوقات بحس انه معرف شمنين بيعرف ان بدأت اخف وابقا كويسه وبيرجع لحياتي فاهمني؟وعشان اكون صريحه انا اللي حد سهل ووقيه ومضمونه انا عارفه
تم النشر الثلاثاء، ١٨ فبراير ٢٠٢٥
انا معرفش شخصيتة بس خلينى اسئلك اي فايدة سؤالك دا ؟.. احنا اتفقنا ان لازم نعدية سواء رجع او لا.. العادى انة لو زاى ماوضحتى العلاقة حب امتلاك جايز يرجع بسبب الفترة الى كانت بنكم والوقت الى قضتوة وجايز يكون زهق وحب يغيرك بحد تانى خصوصا لو عرف ١٠٠ واحدة على كلامك يمكن افضل تشبية زاى اللعبة مع العيل الصغير..احنا كرجالة دماغنا مش واحدة ولا بنحسبها زاى بعض فى حد هيشوفك حد سهل ووفى ومضمون وهلف الف وارجعلك الاقيكى وواحد هيشوفك بنت ليكى حقك وشخصيتك ومشاعر لازم تتراعى ويتحافظ عليها وتتصان.. صدقينى التفكير ف الموقف دا مالوش لازمة لان كدا خطوة لورا مش قدام..
تم النشر الثلاثاء، ١٨ فبراير ٢٠٢٥
ميرسي جدا لا حقيقي فادني جدا بجد بس اخر حاجه انت حضرتك متوقع ايه يحصل من ناحيته هو ك توقع بس
تم النشر الثلاثاء، ١٨ فبراير ٢٠٢٥
الشكر لله اتمنى يكون الكلام فادك وساعدك ولو حتى بجزء صغير ف الدوشة الى ف دماغك..
تم النشر الثلاثاء، ١٨ فبراير ٢٠٢٥
شكرا ليك جدا ولوقتك
تم النشر الثلاثاء، ١٨ فبراير ٢٠٢٥
الله يعينك ويقويكى.. هتعانى شوية بس هتعدى باذن الله..انتى تستحقى حد يدور عليكى زاى مابتدورى علية.. استعينى بالله اولا واخرا.. ولو احتجتى اى دعم فى اى وقت احنا هنا معاكى..
تم النشر الثلاثاء، ١٨ فبراير ٢٠٢٥
مش هرجع اوعدك ان مش هرجع حتى لو لفت الايام والدنيا جابته ليا مش هوافق وعد والله هي فعلا علاقه مرضيه مش علاقه عادي وعشان كدا كنت بقولك هو ضامني اوي بشكل بشع
تم النشر الثلاثاء، ١٨ فبراير ٢٠٢٥
انا عاوز انصحك كأنى بنصح اختى الصغيرة انا ليا اختى قدك ف العمر.. لازم تعرفى ان اللي بيحبك بجد مستحيل يوجعك.. الحب عمره ما كان ألم أو استغلال..فكري في نفسك وقيمتك، وانسحبي عشان تلاقي حب حقيقي يقدرك..ما تضحكيش على نفسك وتقبلي اللي بيكسرك حتى لو نفسك فية واتعودتى علية.. لو استمر الوضع هتلاقي نفسك أضعف يوم بعد يوم.. القوة الحقيقية إنك تختاري نفسك وترفضي انك تكونى اقل من قيمتك عندة او عند غيرة.. لازم تكونى عارفة ان شجاعتك في البعد هي اول خطوة في الشفاء.. القرار صعب، لكن كل خطوة بعيد عنه هي خطوة أقرب لنفسك وحريتك وسلامك النفسي..وماتسمحيش للخوف يسيطر عليكي.. احيانا بنخاف من الوحدة و من المجهول لكن الوحدة احسن ١٠٠ مرة من علاقة مليانة أذى وسلبيات بالشكل دا.. وقرارك دا اثبت انك قوية لان التفكير في ان لازم الانسحاب دليل على وعيك وقوتك وما تقنعيش نفسك بغير كدا.. انتى مش ضعيفة ابدا كل الحكاية محتاجة الى يشجعك ويدعمك.. لازم تفكرري فى مستقبلك بعيد عن الالم والوجع دا.. الشخص المؤذي بيسرق طاقتك وحلمك ومشاعرك لكن لما تتحرري هتشوفي الحياة بوضوح وتلاقي السعادة اللي مستنياكى والشخص الى يستحقك.. لازم تختاررى نفسك وراحتك.. وربنا يريح قلبك
تم النشر الثلاثاء، ١٨ فبراير ٢٠٢٥
الحمد لله انك مكملتيش ف علاقة بالشكل دا.. ربنا اراد انك تفوقى.. انتى حاليا ف اعراض الانسحاب.. متفكريش ازاى تضايقية او تنتقمى منة لان انتى كنتى ف وضع ميسمحش انك تعملى دا.. اقفلى صفحتة ماتفكريش فية بحلوه او مرة.. هو وصلك لشعور الاحتياج والهوس.. انا اسف ف التشبية هو بقى ادمان بالنسبالك فمتقدريش على بعدة.. والعلاقة بالشكل دا غلط العلاقة لازم يكون فيها اتزان زاى مابدى زاى ماباخد.. وانتى حد طيب ووفى بزيادة اوى هتلاقى صعوبة شوية ف الاول لكن بقناعاتك الشخصية والناس حوليكى هيساعدوكى تعدى المرحلة دى..
تم النشر الثلاثاء، ١٨ فبراير ٢٠٢٥
اتعودت اتعودت بجد مش انت قولت هو حفظتي؟ وانا حفظته بردو فاهمني
تم النشر الاثنين، ١٧ فبراير ٢٠٢٥
انتى عارفة كل دا وكنتى صابرة ع العلاقة دى ازاى ؟.. انا مش هلومك لان الحصل حصل على قد ما هقلك انك انتى صح واختيارك صح.. ولازم تعافرى وتخفى منة انتى جدعة..
تم النشر الاثنين، ١٧ فبراير ٢٠٢٥
مينفعش دا مينفعش اكمل معاه انا يوم ببقا فعلا عادي ومش فارقلي ويوم تاني بتعب جدا كان الموضوع امبارح اقولك ع حاجه حتى لو رجع انا خايفه من رجوعه متوقعه انه يرجع مش عشان بيحبني عشان كدا زي حب امتلاك حاجه اهم حاجه تبقا بتاعتك وموجوده لكن انت مش بتهتم بيها اصلا
تم النشر الاثنين، ١٧ فبراير ٢٠٢٥
عشان تبدأى تخفى منة هل انتى مقتنعة ١٠٠ ٪ انك ماينفعش تكملى مع الشخص دا حتى لو رجع واترجاكى ؟ ولازم تحددى انتى مش عاوزة تكملى لي عشان هو مش كويس ولا عشان اهلك ؟
تم النشر الاثنين، ١٧ فبراير ٢٠٢٥
بصى.. انتى الحل الصحيح دلوقتى.. انك تقنعى نفسك ان الحل الصح انك تقفلى صفحة الشخص دا.. طب ازاى ياعبدالرحمن وانا تعبانة وجوايا نار من ناحيتة.. هقلك النار دى بتاكل فيكى انتى وبتتعبك انتى انا مش هقلك حطى لوح تلج.. لكن انتى لازم تحكمى عقلك وتفكيرك هتتعبى شوية لكن دا الصح.. انتى ممكن تتقهرى لو فضلتى مستنية ومرجعش ولو رجع انتى مش هتعرفى تبعدى بسهولة.. الافضل ان الموضوع الى سببلك مشاكل مع اهلك ومع نفسك انة يخلص من جذورة.. مش هينفع نحابى ولا ندادى ف العلاقة دى وانها تخلص زاى محنا عاوزين دى علاقة توكسك.. شوفى انتر متعلقة ازاى وهو ولا ف بالة.. مش حرام عليكى مشاعرك ومجهودك وتعبك دا ؟ كل دا بيحرق من رصيد قلبك لبعد كدا... كل دا بيقلل من سعادتك وحبك لبعد كدا.. احنا قلوبنا دى بطارية دى مابتشحن غيرها لازم تتشحن انتى عمالة تصرفى من بطاريتك وخلاص عايشة ف وهم ف دماغك.. دماغك مسوحاكى ان الموضوع لسا موجود وانة هيرجع وانتى هتقوليلة كذا وتعاتبية بكذا وهو هيرد عليكى وانتى ف الاخر هتسبية وهو هيتوجع زاى ماوجعك! السناريو دا بلح حضرتك..
تم النشر الاثنين، ١٧ فبراير ٢٠٢٥
انا عايزه اخف منه عشان بجد دا كتير العلاقه ليها مده واحنا كدا مره نسيب بعض ومره نرجع مره هو يسيب ويرجع واهو دلوقتي انا بعدت والله اعلم ايه اللي جاي عايزه كل حاجه ترجع احسن حتى لو علاقتي معاه انا مش واحده مش كويسه وان المفروض بعد كل اللي حصل اشيله من حياتي بس عارفه العلاقه اللي هي تقريبا كدا يسيبوا بعض بس مع بعض او حتى من غير ما يقولوا ويرجعوا وكل مره بنسيب بعض بنقول ل بعض كلام يوجع عارف نوع العلاقات دي
تم النشر الاثنين، ١٧ فبراير ٢٠٢٥
حلو جدا.. احنا مش عاوزين ضغط ولا حاجة.. احنا بنفكر بصوت عالى لحل.. انتى دلوقتى بتفكرى كتيييير.. انتى مش عارفة انتى عاوزة اي ؟
تم النشر الاثنين، ١٧ فبراير ٢٠٢٥
لا انا كويسه وهاديه مش منفعله انا بعد كل اللي حصلي بقيت هاديه ومش بتعصب انا بس يمكن لو اضغطت بدخل في بانك مش اكتر أو اعيط جامد
تم النشر الاثنين، ١٧ فبراير ٢٠٢٥
طيب انتى ممكن تحاولى تهدى ؟ التفكير وانتى منفعلة ومتضايقة كدا مش هيوصلك لحاجة غير انك تتعبى وتأكلى ف نفسك ومحدش هيحس بيكى.. ممكن لو واحدة صاحبتك بتثقى فيها وبتستريحي ليها دلوقتى تتكلمى معاها ؟
تم النشر الاثنين، ١٧ فبراير ٢٠٢٥
معرفش بس في الحالتين هبقا موجوعه وزعلانه
تم النشر الاثنين، ١٧ فبراير ٢٠٢٥
طيب خلينا نفترض الافتراضين.. انة رجع واتكلمتى معاة هيحصل اى بعد كدا ؟ والافتراض التانى انة مرجعش.. هتعملى اى ؟
تم النشر الاثنين، ١٧ فبراير ٢٠٢٥
بالظبط وعشان كدا انا عايزاه يرجع كلهم بيقولولي مش هيرجع متستنيش رجوعه دا اصلا عرف مليون واحده غيرك يرجعلك انتي ليه وكتير
تم النشر الاثنين، ١٧ فبراير ٢٠٢٥
بالظبط كلهم بيلوموني وبيخوفوني انا بقيت من كتر المشاعر دي انا بقيت ماشيه مش قادره افسر انا حاسه ب ايه بس حاسه ان فيه وجع انا بحمد ربنا انا كنت فين وبقيت فين في علاقتي مع اهلي ولما فتحت سيره ان اشيله من البلوك صحبتي قالتلي كلام كتير صعب وأوله ان انتي عايزه ترجعي لفتره صعبه تاني مع اهلك
تم النشر الاثنين، ١٧ فبراير ٢٠٢٥
انتى متضايقة لان صعبت عليكى نفسك حسيتى انك اديتى ومالقتيش وانك هنتى علية ومسألش نفسك تسألية سؤال واحد.. لية ؟ عاوزة تعاتبية وتحسسية انة سابك وباعك وبعد عنك وانتى الى كنتى شارياة ووقعتى فى مشاكل بسببة..
تم النشر الاثنين، ١٧ فبراير ٢٠٢٥
صراحتك دى اول طريق ال move on.. جدعة انك صريحة مع نفسك وقلتى الى جواكى انا عمال استفز فيكى عشان تصارحى نفسك حقيقى.. دلوقتى انتى عارفة انتى شعورك اية وعاوزة يتعامل ازاى.. بس انتى محدش جنبك فاهمك ومستوعب الى جواكى.. انتى عمالة تفكرى فى دايرة مغلقة مع نفسك ولا اهلك ولا صحباتك حد قادر ينفعك للاسف بالكلام كلة بيتهمك ويلومك محدش بيستوعبك
تم النشر الاثنين، ١٧ فبراير ٢٠٢٥
بتحركني مشاعر كتيره والأكبر هو الخوف انا مش خايفه ان اشيل بلوك أو أنه يبعتلي انا بردو حفظته وعرفت أساليبه خايفه من تحصل مشاكل أو أي حاجه بس انا فعلا الحوار مضايقني وواخده وعد أن هشيله من البلوك
تم النشر الاثنين، ١٧ فبراير ٢٠٢٥
انا فعلا تعبانه انا خايفه من اهلي انا عايزه اشيله من البلوك بس مش هاخد اي خطوه تاني ناحيته ومن ناحيه تانيه انا فعلا كل صحابي شايفين ان انا مش عندي حتى كرامه وان انتي ازاي محرمتيش محدش فاهمني بجد انا بقيت بفكر لوحدي ودماغي شغاله لوحدها دا غير ان انا فعلا الحمد لله قربت ل ربنا وبصراحه انا عايزاه يرجع عشان علي الاقل اقول كل حاجه بتحرق فيا واخلص وانا متوقعه الاتنين ممكن يرجع وممكن لا وكدا كدا انا الحاجه المضمونه كل اللي بيتقال انتي لسه بتسالي انسيه بطل تتكلمي طيب ما انا فعلا مشوشه واوي اوي بجد واللي شوشني اكتر انه مسالش عليا بس مسجلني
تم النشر الاثنين، ١٧ فبراير ٢٠٢٥
انا متأكد ان الموضوع بالنسبالك عاملك صداع ومحدش هيقدر الى انتى فية ولا يحس غيرك.. انتى بدل المشكلة واقعة فى اتنين من ناحية اهلك ومن ناحيك الشخص الى كنتى بتحبية.. ومهما حد كلمك بيتكلم وهو مستريح برا المشكلة بيتكلم بالشوكة والسكينة زاى مابيتقال.. عشان كدا انا دايما هقلك انتى ادرى واحدة واحسن واحدة تعملى الى انتى تقررية احنا بنديكى افكار مش اكتر.. بس نصيحة انتى موضوعك دا باذن الله هيتحل وعلاقتك باهلك هترجع احسن من الاول والشخص دا ربنا هيعوضك بالاحسن منة زوج صالح وحبيب وقريب وعوض وسند.. كل دا هيتحل لما يكون هدفك انك ترضى ربنا وتقربى منة وتعملى الطاعات.. احنا داخلين على شهر كريم الدعاء وقت الفطار مجاب.. اعملى لنفسك جدول وروتين لاستغلال الشهر دا ابعدى عن الفون قربى من ربنا ودا كفيل ينور قلبك وعقلك وحياتك كلها.. اصلحى مابينك وبين الله لاصلاح حياتك..
تم النشر الاثنين، ١٧ فبراير ٢٠٢٥
متتأسفيش ع حاجة المهم توصلى لحاجة وتكونى مرتاحة ليها... اها استنى شوية.. والفترة دى امسحى قزاز عربيتك عشان تعرفى تمشى ع الطريق 👌🏻
تم النشر الاثنين، ١٧ فبراير ٢٠٢٥
انا اسفه ان طولت علي حضرتك.. انت شايف ان بلاش افك البلوك دلوقتي استنا شويه ؟ وان احاول الفتره دي اقرر انا عايزه ايه
تم النشر الاثنين، ١٧ فبراير ٢٠٢٥
اهلك ليهم عليكى حق بس نفسك عليها حق واتنين.. كونى رحيمة بنفسك وماتجلديش ذاتك واتعلمى لبكرا..
تم النشر الاثنين، ١٧ فبراير ٢٠٢٥
ايوا بالضبط.. خدى وقتك ترتاحى من دوشة الموضوع ومتفكريش كتير
تم النشر الاثنين، ١٧ فبراير ٢٠٢٥
انا عارفه الصح والصح ان اللي باعني يبقا بتباع وانا قولت ان مش هكلمه ولا هرجعله دا انسان حتى مفكرش يسال عليا والمفروض ان دا متوقع ان حتى لما ارجع كويسه مش هكلمه بس هو اناني ف انانيه جايبه دماغه ان هرجعله حتى لو مسالش انا عايزه اشيله عشان انا اصلا نفسيا بتعب لما بشوف البلوك مش بتاعتي الحركه دي انا فعلا لازم استنا وقت عشان اهلي واحساسي ان لو شيلته ممكن يبعت حتى وانا مش مسجله رقمه صح؟ ف دا مخوفني من اهلي ورد فعلهم
تم النشر الاثنين، ١٧ فبراير ٢٠٢٥
تم النشر الاثنين، ١٧ فبراير ٢٠٢٥
عايزه اشيله عشان انا مخنوقه ان يتمسح رقمه من عندي خالص الطف من البلوك البلوك زيه زي الحب اهتمام بردو.. ويمكن عشان انسا بردو.. انا الحقيقه قلت لصحابي صحابي عنفوني جدا وكاني هرجعله وهكلمه وان انا قله عقل اللي هعمله بس انا من الاول مش نيتي بلوك مش حركتي ولا طريقتي + يمكن اه ويمكن بحبه مش عارفه حقيقي مش عارفه
تم النشر الاثنين، ١٧ فبراير ٢٠٢٥
اقلك انا ليه ؟ انتى مش هاين عليكى نفسك.. مش هاين عليكى الموضوع يخلص بالطريقة دى وانتى زعلانة وخسرانة.. انتى عاوزاة يخلص بس مش بالطريقة دى
تم النشر الاثنين، ١٧ فبراير ٢٠٢٥
حقيقى هو مشكلتك مش ف اهلك.. اهلك هينسو كل دا لما انتى تنسي كمان..ساعتها الموضوع مش هيكون ليه مناسبة يتفتح فيها خلاص ولو هما دلوقتى شادين شوية عليكى فمن خوفهم وزعلهم عليكى.. انتى بكرا هيكون ليكى حياتك ودنيتك ودا هيبقى شئ من الماضى.. المشكلة معاكى انتى.. انتى عين فالجنة وعين ف النار زاى مابيقولو..عاوزة تشيلى البلوك لي ماتسبيه ؟
تم النشر الاثنين، ١٧ فبراير ٢٠٢٥
لعرض الإجابة في فدني اضغط هنا