مساء الخير
انا مشكلتي ان كنت مرتبطه بواحد فتره كبيره مش قليله للأسف حصل تجاوزات في شات وكدا وبس ومدركه تماما ان دا غلط انا كبيره كفايه بس كنت بحبه وانا تبت لربنا بجد ومش محتاجه ان حد يعنفني الموضوع دا لان انا شخصيتي اصلا بتاذي نفسها وبعنفني كدا كدا في كل ثانيه المهم في يوم اهلي اكتشفوا دا وشافو الشات طبعا انا اضربت وسمعت كلام صعب ومن ضمنهم ان ازاي انتي واحده كبيره ومركز وتعملي كدا
اتقالي كتير المهم فوني اتسحب مني شهر بسبب شغلي وحاجات كتير طبعا بقيت باخده اوقات معينه ومش عليه باسورد دخلت في الشهر التاني بقيت باخد الفون اغلب اليوم بس بليل وقت النوم يتاخد مني انا بقيت حاسه ان نفسيا من الضغط بسبب كتير ومن ضمنه القصه تعبت دا غير ان فكرت كتير ان انتحر لان مفيش حاجه بتتحل لدرجه ان بدعي بقيت بحس ان مفيش حاجه بتتغير كل اللي حواليا بيقولوا فتره وتعدي
بس انا فعلا تعبانه بسبب كتير وهما بيضغطوا عليا حتى فوني بيتسحب مني انا عايزه اعرف هي حياتي كدا خلاص اخدت لون اسود ومش هيلون تاني وانسا كل حاجه حلوه ولا اعمل ايه انا فعلا بقيت حاسه ان مش بحس بمشاعر سعاده كل حاجه عندي واحد واخده لون واحد وهو حزن عايزه اطمن ان كل حاجه يمكن في يوم هتتحل ولا مستحيل وفوق دا كله هو باعني وعايش حياته انا اللي بحاسب على كل حاجه مع ان و الله نيتي كانت كويسه عمري ما كنت وحشه انا غلطت بس ان اشيل كل دا لوحدي كتير اوي اوي والله
السلام عليكم ورحمه الله وبركاته. طيب احنا مش هنقول لك ثاني زي ما انت. يعني وضحتي كده مش هنقعد نركز لك على انه ازاي ده كان غلط بس خليني اقول لك على حاجه بقى انت اتكلمتي فيها في التعليقات كثير وجوه السؤال انه انت ليه شايله الغلط لوحدك دي شايله غلط لوحدك عشان خاطر الشخص ده اصلا مش موجود الشخص ده يعني ه تخلي الموبايل مش متاح معانا بنفس القدر كان ممكن قدره الموبايل اصلا يضيع يتسرق يبوظ يقع كان ممكن حاجات كتير جدا وكان يبقى مش متاح ان احنا نجيب موبايل غيره دلوقتي فبكون هنبقى بنفس الوضع لكن انه انا اخلي حياتي كلها مختصره انه انا طالما الموبايل مش باخذه الساعات بتاعه الليل او مش بقعد عليه اوقات طويله يبقى انا كده حياتي متكتفه دي مشكله كبيره واول ما تلاقي حياتك بتكثفه بحاجه واحده بس حاجه معينه سواء الموبايل او غيره اعرفي ان انت كده في مشكله كبيره جدا في روتين حياتك. رجع ثاني روتين حياتك ابدئي حطي لنفسك حاجات ثانيه في اليوم تتعمل ما تبقاش كلها مرتبطه بالموبايل كل حاجه كلها يعني مرتبطه بالكتب ممكن حاجه لو في عند عندكم جهاز كمبيوتر او لاب توب ممكن انا استخدمهم علشان اقعد اتفرج على حاجه او استخدمهم علشان ادخل على اي حاجه تفيدني شويه هتبقى برضه بتاخذ مني وقت وبحس ان انا بسلي وقتي ولكن مش لازم تبقى بالموبايل لان هو الموبايل هو خطر اكبر واهلك ما بيحاولوش يعملوا حاجه. انهم يمنعوا عنك الخطر اللي انت ما عرفتيش انك توقفي نفسك عنه.و كان بياخد حاجه لطيفه برضو يمشي فهو الشخص مش موجود معاكي فيشيل معاكي هو ملهوش اي صفه فكره ان هو كان مرتبط يشيل معاكي الغلط ولكن اهلك هيروحوا يقولوا له انت ازاي انت تعمل كده انهم يتكلموا مع البنت اللي عندهم. كل اللي انت حاسه بيه ده اولا انت مش مقدره حجم الغلطه ايوه انت بتلومي نفسك على غلطه بس بتلومي نفسك على الغلطه عشان خاطر انت زعلتي من التوابع بتاعتها. من اللي حصل من من اهلك او من اللي انت بقيتي مضطره انك تتقبلي عشان خاطر هم عرفوا الغلطه دي مش دي الحاجه الوحيده في حاجه كمان هو انك. حط حياتك كلها في الموبايل انه انا حياتي سيئه جدا عشان خاطر انا مش قادره اتعامل براحتي في الموبايل بالذات يعني دونا عن اي حاجه ثانيه في الحياه في حين ان احنا ممكن نبص على بقيه حياتنا ونلاقي ان في حاجات تانيه كتير كويسه يعني مثلا اهلك ما عجبوكيش بانه ما يحرمك من الاكل او انهم يحرموك من اكلات معينه ويقولوا لك لا خلاص بقى انت ما تستاهليش ان انت تاكلي الاكل اللي بتحبيه ده مثال يعني احنا لما بنبقى مضايقين النظره بتاعتنا ده اللي بيحصل هيبقى سهل جدا ان احنا نحس بالحزن وفعلا مش هنشوف حاجه غير ان الدنيا سوده ليه لان احنا بصينا على حاجه واحده نصيحه اخيره متوجهيش كل غضبك وكل زعلك في الخط والضرب في نفسك او في التخبيط في الحاجات اللي حواليكي او في انك تبقي بتعملي للاسف اذيه لجسمك زي ما انت قلت كده في التعليقات ارجوكي انت مش محتاجه تعملي ده ولما هتبصي على الحياه بشكل اوسع تعرفي ان ما فيش اي حاجه مستاهله الطريقه اللي انت بتستخدميها عشان تفرغي بها غضبك بالشكل ده خالص. بس في اول ما الحاجه الواحده دي تبوظ ما تبقاش ما تبقاش بالشكل اللي احنا عايزينه ده اللي يحصل على طول فاحنا محتاجين نبص بنظره اوسع حياتنا فيها قد ايه حاجات كويسه جيت فيها لسه حاجات كويسه وكثير. موبايل بس هو اللي فيه ازمه كان ممكن يحصل اي ظروف ثانيه؟
تم النشر الثلاثاء، ١٨ فبراير ٢٠٢٥
السلام عليكم.. انتى فى حالة نفسية صعبة بسبب الى حصل وشعورك بالذنب والتعب النفسي وشايفة ان الدنيا اسودت وحياتك وقفت ، دا الطبيعى لينا كلنا بعد اى موقف كبير وخصوصا لو اتشال غطاء الستر واصبح الموضوع بين الاهل كمان.. دا وقت ولازم نعدى به.. بس عشان نطلع من دا لازم نشوف الجانب الكويس فى الموضوع.. أول خطوة إنك تحمدي ربنا إنك وصلتي لمرحلة الندم والتوبة.. ربنا دايما فاتح بابه للتوبة، واللي بيقبل على الله بتوبة صادقة ربنا بيغفر له حتى لو كانت جبال من الذنوب.. قال الله تعالى "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعًا" فالحمد لله الذى لا يُحمد على مكروه سواه.. ربنا اراد انك تندمى وتاخدى درس وباذن الله تكون توبة نصوحة ويمكن الى انتى لسا فيه هو تكفير عن سيئات وضغط عليكى انك تقربى من ربنا اكتر.. لازم كمان تغيري البيئة السلبية الى انتى فيها.. حاولي تخرجي من الجو اللي إنتي فيه.. امسحي أي حاجة بتذكرك بالعلاقة دي، سواء صور شات أو أي وسيلة ممكن ترجعك لنفس الدوامة.. كل ما تبعدي عن مصدر الذنب كل ما هتلاقي راحتك النفسية..و اهتمي كمان بنفسك انتى غلطتى اها واعترفتى بذنبك وتبتى بس مش هنموت نفسنا.. حاولي تنظمي وقتك واعملي أنشطة بتحبيها.. اسمعي قرآن أو دروس دينية هادية بتقوي القلب وايمانك.. وماتنسيش سلاحك الجبار..لو بتحسي بأي ضعف أو ضيق ارفعي إيدك لربنا وادعيه بصدق قولي:"اللهم اجعل لي فرجا ومخرجا من كل ضيق، اللهم اجبر كسر قلبي وارزقني الطمأنينة" ربنا عاوز يسمع صوتنا واحنا مكسورين وبنلجأ له عشان يجبرنا.. عارف انك مليانة باليأس بس لازم تكونى عارفة ان التخلص من مشاعر اليأس دا بداية العلاج.. الحياة مش بتقف على شخص أو موقف.. جربي كل يوم إنك تكتبي حاجة حلوة حصلتلك أو حاجة حلوة بتحبيها ومع الوقت هتلاقي نفسك بتشوفي الدنيا بشكل أحلى كتير.. اعملى خير اطعمى مساكين ساعدى محتاج تصدقى بالغيب فصدقة الغيب تطفئ غضب الرب.. احنا بشر ومش عيب نطلب مساعدة غيرنا.. مش غلط إنك تطلبي مساعدة من حد قريب منك من اهلك او صحباتك أو حتى استشارة شخص متخصص لو حسيتي إن الضغط كبير جدا ومش قادرة تتعاملى معاه الدعم النفسي مهم جدا عشان الافكار الى بتجيلك دى.. الاهم انك تستعيني بالله وتواظبى على الذكر حافظي على أذكار الصباح والمساء والصلاة على وقتها.. الحاجات دي بتدي راحة نفسية كبيرة جدا.. وافتكرى ان ما ابتلاكى الا ليختبرك ويشوف صبرك... إنتي قوية بربنا.. مفيش حاجة مستحيلة على اللي بيستعين بالله.. كل لحظة بتفكري فيها بإيجابية بتقربي من الشفاء النفسي والراحة.. احنا بنمر بمواقف كتير صعبة فى قصة حياتنا عشان نكون اقوى.. ومتهتميش بنظرة الناس ولا رئيهم فيكى اهتمى بنظرة ربنا ليكى وبس وساعتها الناس هتشوفك بالنظرة الى تسعدك وتريحك حقيقى.. ربنا يطمن قلبك ويريح بالك..
تم النشر الجمعة، ١٤ فبراير ٢٠٢٥
تقبلي الوضع وكويس انك عارفه إنك غلطانه واعتبريه عقاب لنفسك وانتي شخصيا تقولي لنفسك مش مهم انا غلط فاستاهل كده من اهلي وريحيهم ومع الوقت الموضوع هيروح لحاله وكل حاجه هتتحل هما بس خايفين عليكي واتفاهمي معاهم برضو واسال الله لكي التوفيق في حياتك .
تم النشر الجمعة، ١٤ فبراير ٢٠٢٥
مساء الخير، عزيزتي. أفهم تمامًا ما تمرين به، وأشعر بمعاناتك في ظل هذه الضغوطات النفسية القاسية. فالحياة قد تضعنا أحيانًا في مواقف صعبة تشعرنا بالعزلة واليأس. بادئ ذي بدء، من المهم أن تعي أن ما تمرين به هو جزء من التجارب الإنسانية، وأن الضغط الذي تشعرين به ليست دليلاً على ضعفك، بل على إنسانيتك. أنت في مرحلة صعبة، وهذه مرحلة ستمر، رغم طولها وصعوبتها. عندما تفكرين في الانتحار، فإن هذا تعبير عن الألم الشديد الذي تشعرين به، ولا بد أن تستشعري أنه بدلاً من البحث عن انتهاء الألم بطريقة نهائية، يمكنك البحث عن طرق للتعامل معه واستعادته بصورة إيجابية. يُنصح بالتحدث مع مختص نفسي، فالمعالجين وذوي الخبرة يمكنهم مساعدتك في فهم مشاعرك والتغلب على الآثار السلبية. جدي الدعم من الأصدقاء المقربين والعائلة الذين يهتمون بك ويقدرون مشاعرك. ربما في بداية الأمر سيكون من الصعب أن يشعرو بك، لكن مع الحديث معهم وتوضيح مشاعرك، قد يتمكنون من تقديم الدعم الذي تحتاجينه. حاولي أيضًا الاهتمام بنفسك بشكل أفضل. تأكدي من تناول طعام صحي، واشغلي نفسك بممارسة أنشطة ترفيهية، حتى ولو كانت بسيطة. قد تكون الكتابة أو الرسم أو أي نشاط يعبّر عن مشاعرك، وسائل فاعلة للتخفيف من الألم. تذكري دائمًا أن الأوقات الصعبة لا تدوم، والأشياء ستتغير مع مرور الوقت. عليك بالصبر والإيمان بأن الغد قد يحمل لك الأمل والسعادة مرة أخرى. فلا تحجبي نفسك عن استكشاف الحياة ومواجهة تحدياتها بشجاعة. أنا هنا لدعمك، وإذا كنت بحاجة للمزيد من الحديث أو المساعدة، فلا تترددي في طرح أي سؤال.
تم النشر الجمعة، ١٤ فبراير ٢٠٢٥
انا فعلا عمري ما عملت في حياتي الحاجات دي واتنازلت عشان قال بحبه حسبي الله ونعم الوكيل فيه الله يذله ويكسره والله لا يوفقه في الأيام المفترجه دي
تم النشر الأحد، ١٦ فبراير ٢٠٢٥
لا ابداا..مدام عرفتي الغلط واعترفتي بيه وحصل عقاب كمان ده يعلمك في المستقبل وواضح انك انسانه كويسه في الاساس وكان التعامل ده عن عدم خبره المهم استمرى بحياتك عادى وابدئي حياه جديد وحتقابلي شخص يحبك لذانك مش لاغراض تانيه ..وربنا يوفقك
تم النشر الأحد، ١٦ فبراير ٢٠٢٥
لعرض السؤال في فدني اضغط هنا