عايز اعرف ازاي اعيش طبيعي مش مجرد مريض نفسي خايف يواجه الدنيا والناس و حتى خايف يواجه نفسه اعيش من غير م كل م احس ب شعور لازم يخالطه شعور بالخوف
إنك تستوعب إنه مش المفروض نثق فالناس ولا المفروض نخونهم .. المفروض نتعامل معاهم بالحسني وندعي لنفسنا وليهم من شر الفتن.. وكمان عشان تتغلب علي خوفك أسال نفسك إيه أسوأ حاجه ممكن تحصل وابدا خد حذرك بس تعامل.. جرب تعمل مغامرات وتحديات هتزود ثقتك بنفسك جدا وتخليك جرئ.. الخوف شعور إيجابي وصحي بيخلينا نوعي وناخذ بالاسباب ولكن أي شعور مفرط غلط ف عليك بس تفهم مشاعرك صح وتروضها وآحده وآحده.. كمان لازم تقرب من ربنا أكتر وتتوكل عليه وتحسن الظن بيه وتثق إنه لا يأتي إلا بالخير،، وفعز الشده يأتي باللطف والرحمه..
تم النشر الجمعة، ٣ مارس ٢٠٢٣
فى جملة بحبها اوى اللى خاف واللى مخافش هيموتوا ..بس اللى خاف عاش طول حياته ميت يعنى مات مرتين ...اللى ماخافش عاش ومات مره واحده . الخوف بيحرمك من الحياه الحقيقية ...الخوف بيقول انك مش عايش. الشخص اللى خاف يعصى ربنا وخاف من دخول النار وقعد فى كهف يصلى ويتعبد بس ...ربنا هيقوله بردوا مش هتدخل الجنة عشان شرط دخولها رحمتى مش انك استخبيت وعملت الصح بس. دايما حط نفسك قدام السؤال ده ....هيحصل ايه يعنى؟ هنزعل ..طب ما بعدها هنفرح هنتوجع ...طب ما بعدها هنخف هنتخانق ..وهنتصالح هنجوع وهنشبع كل الاحاسيس ليها دورة حياة كده وبتتبدل مع بعضها انت بتتأثر بكلام اى حد وبتاخد الكلام وتقعد تردده جواك ...واثق فيهم اكتر من نفسك ...مع انك اكتر حد شايف نفسك. عاوز تعيش طبيعى ...اتفضل انزل واجه وعيش فى الدنيا ...لما تيجى الموجة خد حذرك ووطى لو هى قوية ...ولو ملحقتش وخبطتك ..عادى اتعلم وقوم استمتع بباقى الرحلة واعتبر نفسك بتلعب فى البحر ....والموج ده حاجة عاديه. التجارب هتعلمك وهتقويك وهتخليك كل مره متخافش لانك بقيت فاهم نفسك هتتصرف ازاى وهترد على الحاجة اللى جايالك ازاى...الخوف هيخليك لا تملك اى حيل دفاعيه ولا هيكون عندك اى تحصينات نفسيه ولا شخصية تجاه اى شىء فى الحياة
تم النشر السبت، ٤ مارس ٢٠٢٣
طيب وضحلي مشكلتك ايه اكتر وتجربتك مع المرض النفسي ايه وهل في حد من الي حوليك بيوصموك بوصمه المرض النفسي؟ وليه حاسس بالشعور ده والخوف عايزه اعرف اكتر عشان اعرف اساعدك
تم النشر السبت، ٤ مارس ٢٠٢٣
الخوف فكره وتوقعات يا من تجربه سابقه يا افتراضات فلماا فكره تجيلك اكتبها وواجهها وبس تطمن بدعائك ومناجاتك لربنا يحميك ويبصرك ويدلك ويراضيك.. تثقق إنه لو العالم كله ضدك ربنا حافظك وسترك..
تم النشر الجمعة، ٣ مارس ٢٠٢٣
لعرض السؤال في فدني اضغط هنا