نفسيتي مأثرة على مذاكرتي بسبب التراكمات اللي عليا كتير التفكير مش سايبني ونفسيتي تعبانة جدا شعور بالخنقة اني مش قادرة اعمل حاجة لتراكمات دي
الحل انك تقولي بسم الله ف اي حاجه بتعمليها فترا لحد ما تحسي نفسك ارتاحتي
تم النشر الأربعاء، ١ مارس ٢٠٢٣
بصي التسويف ده من ارخم الحاجات ال بتحتاج عزيمه و تنظيم عشان تتغلبي عليه.. لإنه للأسف بيدخلك فدوامه أكبر من مجرد حاجه متاجله لا كمان فعلا دماغك تفضل تفكر وتحسي إنك بذلتي مجهود وإنتي فعليا معملتيش أي حاجة غير بتفكري فالوراكي.. بس ع الرغم من رخامته دي أول خطوه هي أهم خطوه.. واول ما إحساس الانجاز والحمد لله أخيرا خلصت من جزء من الورايا بيرجع ليكي الحمااس تاني عشان تحسي من تآني بنشوه الانجاز طيب أول خطوه هي افرغ وارتب الكركبه ال فدماغي دي وزعلانه من نفسي فإيه وايه معطلني أصلا وعاوزه أحقق اية وهدفي من مذاكره أصلا إيه وبعدين أكلم نفسي كلام تشجيعي كتير وارسم وأتخيل حلمي كل شوية بعدين أشوف هل في كسل أو نوم زياده بسبب غدا غلط أو نقص فيتامينات أرتب يومي وموادي و طاقتي أبدا بالصعب وافصل منه باسهل حاجه يعني اليوم مهمة أو ماده صعبه و مادتين سهلين وابدا بالصعبه واتبع معاها أسلوب حل إمتحانات كتير الراحه تبقي فعلا واخده حقها كل ساعة ونص ربع ساعة و المكافأة لنفسك لازم جدا متستنيش حد يسقفلك سقفي لنفسك لأن بتنجحيي لنفسك مش لحد والاهم الصلاه وتدعي كتير ببركه الوقت وتيسير الفهم هتشحنك ومفيش أي طاقه من غير عون الله لينا..
تم النشر الثلاثاء، ٢٨ فبراير ٢٠٢٣
ايه اللي مأثر على نفسيتك طيب في الاول ونبدأ مع بعض نحله؟ ولكن مبدئيا الواحد هيجي عليه فترات مش قادر يعمل فيها اي حاجة؟ ممكن بسبب موده مش حلو! ممكن بسبب مشاكل في البيت! ممكن بسبب مشاكل تخصه! ولكن حاولي بقدر الامكان انك تتعلمي تفصلي ما بين مشاكلك وما بين التزاماتك الخصية والفروض اللي عليكي. وده لو عملتيه هيكون ممتاز جدا. ابدأي فرغي كل يوم مشاعرك في مذكراتك. حاولي تلعبي رياضة او تجري كل يوم ساعة. اعملي تمارين تنفس. حافظي على صلاتك. كافئ نفسك على كل حاجة كويسة انجزتيها في يومك. الحركة بركة .. حركي نفسك .. طول ما انتي قاعدة مش هتعملي حاجة وهتفضلي مضايقة وزعلانة .. حركي نفسك وهتلاقي الامور بتمشي.
تم النشر الثلاثاء، ٢٨ فبراير ٢٠٢٣
حاولي تفرغي مشاعرك دي عن طريق الكتابه او انك تتكلمي مع حد مقرب ليكي واثقه فيه .. وانك تحاولي تعملي رياضه تفرغي بيها عن مشاعرك وتراكماتك دي وحاولي تشوفي حلمك ايه ونفسك توصلي لأيه وخليه قدامك ع طول عشان كل متحسي بخنقه تفتكري حلمك وهدفك ف تفرغي مشاعرك بكتابه وترجعي تذاكري تاني وربنا يوفقك يارب
تم النشر الثلاثاء، ٢٨ فبراير ٢٠٢٣
عدى الوقت اللى بيعدى وقولى الاوا انا بختار انى استغل الوضع واختارى انك متخسريش الوقت ده حتى لو ذاكرتى كلمة واح.ه بس ميبقاش راح لاى سبب. شيلى كل الكتب من قدامك وخلى بس المادة الى هتذاكريها.
تم النشر الثلاثاء، ٢٨ فبراير ٢٠٢٣
لعرض السؤال في فدني اضغط هنا