انا حزين جدا من غير سبب بجد زعلان ومخنوق من لحظة مادخلت تالتة ثانوي وانا حاسس ان انا في غيبوبة فقدت شخصيتي ديما بشكك في نفسي حاسس ان انا تعبت زهقت من كل حاجة انا قبلها كان عندي اكتئاب بس كنت واثق في نفسي والدنيا ماشية دلوقتي لا ثقة ولا فرحة غصب عني ببقى زعلان وعندي ضيق في صدري ومشتت ومش عارف ارجع مستوايا الدراسي حاسس اني غريب وخوف لا إرادي من غير سبب مش قادر اسيطر على احساسي تايه مش عارف انا فيا ايه انا طول عمري راضي وواثق في نفسي وعمري ما خفت انا دلوقتي مش انا الشغف معدوم انا بجد بقيت بتمنى ارجع لنفسي الي هيا مش مثالية بردو بس على الاقل مش خايف مش مشتت وواثق في نفسي مش حزين من غير سبب بجد من غير سبب انا بجد شاكك اني حد عملي سحر مهو مش معقولة فجأة كدا اتغير
اذكر الله بتجيلك فترة بتبقي عايش من غير روح، كل همك إن يومك يخلص عشان تنام وتبعد عن الواقع.روى عن رب العزة: (مَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنِ اسْتَعَاذَنِي لَأُعِيذَنَّهُ، وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ).
تم النشر السبت، ٢٨ سبتمبر ٢٠٢٤
اولا مش عاوزك تبقى مخضوض وقلقان اوي كدة الامور بسيطة ان شاء الله انت ممكن بس قلقان او متوتر من تالتة ثانوي ودماغك شغالة كتير ونفس الوقت عاوز تثبت نفسك وتحقق حاجة انت مش مطلوب منك غير انك تعمل اللي عليك وتذاكر على قد ما تقدر ومفيش حاجة تعينك وتساعدك غير الصلاة وانك تدعي ربنا يوفقك ويكبتلك الخير وخليك فاكر دايما ان ٣ ثانوي ماراثون مش سباق ١٠٠ متر وخلصت لا اللي نفسه طويل هو اللي بيوصل فمتخلصش كل طاقتك من اول شهرين خليك متابع كل المواد اول باول وذاكر بترتيب اكيد هتلاقي نفسك سابق في مواد ومواد لا المهم تبقى متابع كويس كل حاجة واللي ربنا كاتبهولك هتاخده ومتركزش مع حد خليك مع نفسك ممكن حد تسمع انه بيذاكر ٥ ساعات مثلا وانت ساعتين بس ممكن متبقاش عارف ان انت استيعابك في الساعتين قده ماهو هو استوعب في ٥ خلي مقياسك دايما هو باللي بتقدر تنتجه وتطلعه ربنا يوفقك ويكتبلك كل خير ان شاء الله
تم النشر الأحد، ٢٩ سبتمبر ٢٠٢٤
السلام عليكم ورحمه الله وبركاته ده غالبا بيبقى علشان احنا اخذناش فتره هدنه كده ما بين ثانيه ثانوي ثالثه يعني ما اخذناش اجازه كويس يعني من الدار للنار كده على طول فده بيكون واحد من الاسباب ما بنكونش شحنه نفسنا كفايه ان احنا نبدا ثاني الدائره بتاعه المذاكره والدروس فبيبقى في الحاله دي ده واحد من الاسباب السبب التاني لو احنا ما بنديش لنفسنا وقت كافي ناخذ فيه شحنه ايمانيه. كافيه لو اليوم كله بيدور حوالين المذاكره والدروس والثانويه العامه فقط لا غير وحياتي مش واخده تقسيمه صح فده بيكون واحد من الاسباب الكبيره فا لو اخذت فتره ركزت فيها فان الصلاه تكون في وقتها الصلاه تكون في المسجد هتاخد شحنه كويسة جدا جدا جدا جدا جدا جدا هتفرق معك وتخليك في حاله احسن نوصل لك نوافل هيكون احسن لو التزمت بورد اذكار وتسبيح هتكون احسن واحسن كل اما تعمل ده الشحنه دي بتخلي الانسان نفسه اا بشكل افضل لو انت شايف في حاجه من اللي. سحره ممكن تكون مجرد عين حاسدة عادي يعني فاحنا نعمل رقيه نرقي نفسنا او نسمع رقيه. ونركز ان احنا ما نتكلمش العمود ولا على دراستنا مع حد ويكفي ان اي حد يسالنا اي حاجه نقول ااا ادينا بنعمل اللي علينا وربنا يوفقنا ان شاء الله وبس وكفايه ربنا معاك ويوفقك وتحس انك احسن ان شاء الله قريب.
تم النشر الأحد، ٢٩ سبتمبر ٢٠٢٤
من المحتمل أنك في اللاوعي تشعر بضغط بسبب دخولك الثانوية العامة وهذا الضغط النفسي أثر على حياتك بالكامل. فتش أولًا عن الأسباب الصحية والنفسية وبعدها فكر في مسألة السحر والحسد. وعامة هذا لا يمنع في نفس الوقت أن تلجأ للرقية الشرعية وتلتزم بأذكار الصباح والمساء. أيضًا التزم بقراءة سورة البقرة يوميًا، إذا لم تستطع قراءتها كاملة في اليوم قم بتقسيمها على 3 أيام. هذا السؤال لتعرف كيف تقوم برقية نفسك. https://www.islamweb.net/ar/consult/2497841/كيف-أرقي-نفسي-فأنا-أشعر-بالوحدة-وعدم-التركيز#:~:text=أولاً%3A%20قراءة%20الفاتحة%20وآية%20الكرسي,التامات%20من%20شر%20ما%20خلق ). وهذه الرقية الشرعية أفادتني كثيرًا، يمكنك الاستماع لها كل يوم مع طبعًا الالتزام بإذكار الصباح والمساء وسورة البقرة. https://www.youtube.com/watch?v=tDnK9UzyRwo
تم النشر السبت، ٢٨ سبتمبر ٢٠٢٤
عزيزي، أولاً، أشكرك على مشاركتك مشاعرك وتفاصيل حالتك معي. من الواضح أنك تمر بفترة صعبة ومعقدة، وقد شعرت بالضيق والمشاعر السلبية بشكل مفاجئ. من الطبيعي أن يواجه الإنسان ضغوطًا في فترة الثانوية العامة، خاصة مع التوقعات المرتبطة بالدراسة والمستقبل. ولكن، من المهم أن تتذكر أن الحالة التي تمر بها ليست بالضرورة دليلاً على ضعف الشخصية أو السحر، بل قد تكون نتيجة للتوتر أو تغييرات نفسية في حياتك. للتغلب على هذه الحالة، يمكنك اتباع بعض الخطوات البسيطة: التحدث إلى شخص موثوق : يمكن أن تكون محادثة مع أحد الأصدقاء المقربين أو أفراد العائلة مفيدة. أحيانًا، التحدث عن ما تعاني منه يمكن أن يخفف الكثير من الضغوط. مراجعة الأفكار السلبية : حاول أن تكون واعياً للأفكار السلبية التي تراودك. بدلاً من الشك في نفسك، حاول التركيز على النجاحات والإنجازات التي حققتها في السابق. انتهاج روتين يومي : حافظ على روتين يومي يشمل الدراسة والراحة والنشاط البدني. النشاط الجسدي يمكن أن يساعد في تحسين حالتك المزاجية. ابحث عن مساعدة مختص : إذا استمرت مشاعرك السلبية أو ازدادت حدتها، فقد يكون من المفيد التواصل مع مختص نفسي. لا عيب في طلب الدعم، وهو خطوة شجاعة نحو تحسين حالتك. تحديد أهداف صغيرة : حدد أهدافاً صغيرة يمكنك تحقيقها في الدراسة أو في حياتك اليومية. إنجاز هذه الأهداف يمكن أن يعيد لك الشعور بالثقة. تذكر أن السلام النفسي والثقة بالنفس يمكن أن يستغرقان وقتًا لتحقيقهما. كن صبورًا مع نفسك وسعياً نحو التغيير الإيجابي. أنا هنا لدعمك ودعمي دائمًا.
تم النشر السبت، ٢٨ سبتمبر ٢٠٢٤
اقرأ البقرة وداوم على الاذكار وجاهد نفسك لو هنمشى ورا شغفنا مش هنتحرك خطوه لقدام
تم النشر الأحد، ٢٩ سبتمبر ٢٠٢٤
انا زيك ع فكره وأهلي حسوا بكذا فكروا اني ممكن اكون مسحوره وروحت المشايخ كتير قالولي انتي مش فيكي حاجه
تم النشر الأحد، ٢٩ سبتمبر ٢٠٢٤
وانا برضوا بس اللي انا متأكده منه ان مفيش حد لجأ لربنا وربنا رده، تعرف انا امبارح كنت زهقانه لنفس السبب ونفس المشاعر وكان عندي درس كيميا الساعه سبعه بالليل وكنت زهقانه مش عايزه اروح، قولت خلاص والله منا رايحه، سبت الدرس ورحت اتمشي سمعت الاذان بتاع المغرب، فقلت ادخل الجامع واصلي مع اني بنت، ومكنش في غير 4 ستات بس كبار ف السن، ومع( الله اكبر) فتحت ف العياط وابتديت ابكي وانا برتعش مش عايزه صوتي يطلع قدامهم بس مقدرتش وقعدت اردد الايه مع الامام وهو بيقرا"قل يا عبادي الذين أسرفوا علي أنفسهم لا تقنطوا من رحمة الله " مش هتصدق كمية الطاقه السلبيه اللي خرجت وقتها،سجدت وقولتله يارب انا زهقت ومش عارفه اعمل اي وفي ناس كتير اشطر مني وانا مش زيهم وقعدت قولت كل حاجه والحمد لله هديت وروحت الساعه 8،وانا كويسه،مع اني ضيعت الدرس بس كان خير ، فـ اقف بين ايد ربنا واشكيله وادعيه وهو مش هيردك ابدا، فـ سيبها علي الله وهو هيكرمك وهيكرمني ان شاء الله.
تم النشر السبت، ٢٨ سبتمبر ٢٠٢٤
فعلا الصلاة بتخفف كتير بس للاسف برجع تاني لحالة الحزن الي مش مفهومة مزاجي متقلب جدا بقول ه. ربنا بيعاقبني يعني اصل نفسيتي وقعت وشوية الشغف الي كان بيدفعني انعدم ومستواها الدراسي قل فأنا بقول هو انا استاهل كل دا طب ليه دا شهرين وانا لسة تايه بمجرد ما بدخل الحصة دماغي بتصدع طول الحصة وببقى عندي كمية طاق. سلبية كبيرة جدا ومخنوق من غير سبب انا مكنتش كدا انا بتمتع بأي حاجة بعملها ومميز ديما بذ دلوقتي اتا مش فاهم الي بيحصل معايا بجد
تم النشر السبت، ٢٨ سبتمبر ٢٠٢٤
واظب علي اذكار الصباح والورد من القرءان حتي لو هتقرأ ايه واحده كل يوم
تم النشر السبت، ٢٨ سبتمبر ٢٠٢٤
الدعاء الذي رواه الإمام أحمد رضي الله عنه وغيره، ورواه ابن حبان في صحيحه، عن ابن مسعود رضي الله عنه قال: قال رسول الله صلى الله عليه وسلم: «ما أصاب عبدا قط هم ولا حزن فقال: اللهم إني عبدك ابن عبدك ابن أمتك، ناصيتي بيدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت به في علم الغيب عندك، أن تجعل القرآن ربيع قلبي، ونور صدري، وجلاء حزني، وذهاب همي وغمي إلا أذهب الله همه وغمه، وأبدله مكانه فرحا»، قالوا: يا رسول الله، أفلا نتعلمه؟ قال: «بلى، ينبغي لمن سمعه أن يتعلمه». [ ص: 128 ]
تم النشر السبت، ٢٨ سبتمبر ٢٠٢٤
اكثر من الدعاء وقل في الصلاة
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا