انا بنت في تانيه جامعه تعبانه نفسيا الفتره دي وتايهة اوي بعيد عن ربنا مسحت واتس اب عشان ارتاح منو شويه دايما بحل مشاكل صحابي بس مفيش حد بيحاول يقف جنبي قررت اني اقرب من ربنا الفتره دي ابعد عن كل الناس ابدا من جديد بس جوايا حاسه اني هرجع تاني من جوايا حاسه اني وحشه مش عارفه ليه بقيت بارده و مطفيه كدا وهاديه ولا اي حاجه عارفه تضحكني ودايما حزينه من جواياا تايهة اوي اصحابي بيقولو انك تمسحي الوتس ده غلطة مينفعش تبعدي كدا وأنا مش، عارفه مش عارفه مالي بجد
اعملي اللي تحسي فيه انك مرتاحه اختاري راحتك وراحتك النفسيه اهم من اي حاجه، قربي من ربنا مفيش احن منه علينا، اتكلمي معاه احكيله اللي واجعك قادر يريح قلبك ويخفف عنه، اخرجي وغيري من روتين يومك، اختاري راحتك و ربنا يفرح قلبك ويسعده و يعوضك عن كل حاجه صعبه شوفتيها يارب
تم النشر الخميس، ٥ سبتمبر ٢٠٢٤
بصي يا جميل انا معرفش ايه الي حصلك خلاكي بالحالة دي ولكن محتمل تكون قابلك صدمة في حياتك وقفتي عندها وكل شئ انطفى حواليكي وانا مقدره ده ولكن ده مش حل لازم تعرفي انه مهما كان الحزن الي جواكي مع الوقت هيقل لحد ما يبقي مش موجود اصلا ولكن ده بايدك انتي انك تخرجي من حاله الاكتئاب دي حاولي مثلا تقعدي اكتر مه أهلك ولازم طبعا ترجعي تقربي من ربنا تاني واقراي قران وأذكار حاولي تشغلي قران في البيت كتير هيريحك صدقيني وممكن برضو عشان تحفزي نفسك تسمعي بودكاست عن التفاؤل والتحفيز وكل ده،أما بالنسبه للواتس وكده انا مش شايفه انه بعدك حل بل بالعكس اختفائك ده وقعدتك لوحدك هتزيد مش هتعالج ارجعي كلمي صحابك عادي ومع الوقت صدقيني كل حاجه هتتطبط وركزي تاني في دراستك صدقيني لماتحققي فيها نجاح هتفرحي اوي
تم النشر الاثنين، ٢ سبتمبر ٢٠٢٤
متخافيش كل حاجه بتعدي والله مع مرور الزمن وتفتكري الفترة دي وتقولي ياا كنت تعابنة اوي وتضحكي وتفرحي إنك عدتيها المهم إنك لما تقعي تقفي من تآني وعمر الدنيا وقفت علي حد المهم نتعلم من اخطائنا ومنكررهاش وشدي حيلك واقفي لوحدك مش مشكله عشان تحمدي اكتر وفضفضي لو عايزه الفضفضة حلوه بردو رجعي الواتس ورجعي حياتك ابسطي نفسك وعيشي أيام الجامعة دي احلي أيام اخرجي اتفسحي وانبسطي وقربي لربنا واشتكيله ليفرج كربك وانشاءالله تعدي وتبقي أحسن من الأول ربنا معاكي 🤍❤️
تم النشر الاثنين، ٢ سبتمبر ٢٠٢٤
لا يوجد أي خطأ في أن تبتعدي لتعيدي ترتيب دماغك وأولوياتك. وعامة الأمر حله بسيط لكن يلزمه الكثير من الإرادة والصبر والمحاولة. هل مررتِ بهذه الآية من قبل: "ومن أعرض عن ذكري فإن له معيشة ضنكًا" الابتعاد عن طريق الله يجعل كل ما سوى ذلك ضيق وحزن وتشتت وضياع. فالآن أنتِ في حيرة، من أنت؟ أنت فتاة مسلمة، خُلقت لعبادة الله وإعمار الأرض. عبادتك لله تشمل الاجتهاد في الالتزام بما أمر الله به، مع الامتناع عما نهى الله عنه. ولمزيد من التفصيل سأقول لك: ركزي في أداء فروضك من الصلاة، مع ورد يومي من القرآن، إضافة لضبط ملابسك حال الخروج من البيت بما يتناسب مع ضوابط الشرع. فقط انتهى! هذا بالنسبة لعبادة الله. تعمير الأرض امتداد للعبادة، وهو الفعل الذي يتعدى نفعه لغيرك، انظري ما الذي يمكنك تقديمه لغيرك ممن يحتاج للمساعدة، وهذا باب واسع جدًا، يبدأ بتبسمك في وجه صديقاتك مرورًا بشرح المواد التي تجدينها سهلة عليك لمن يحتاج، والتبرع بمقتنياتك التي لم تعودي تستخدمينها. أنا أحدثك في الأساسيات ولكن مع الوقت ستتضح لك الرؤية وستكونين أبصر بدربك وأقدر على اتخاذ القرارات مستعينة بالله. بقي أن أنبهك لنقطة مهمة: نحن كبشر تتغير طباعنا وشخصياتنا بمرور أعمارنا، فلا تستغربي مثلًا لماذا لم تعودي بنفس شخصيتك وحماسك في الثانوية.. هذا ببساطة لأنك لم تعودي في الثانوية، عقلك صار أنضج وفكرك صار أوضح وأكثر منطقية. بالتوفيق.
تم النشر الاثنين، ٢ سبتمبر ٢٠٢٤
أختي العزيزة، أشعر بتعاطف كبير مع ما تمرين به. من الطبيعي أن يمر الناس بلحظات من الضياع والعودة إلى الذات. الحياة الجامعية قد تكون مرهقة، وخاصةً إذا كنتِ تحملين هموم الآخرين على عاتقك. اعتز بنفسك وبمشاعرك، فلا يعيبك أن تشعري بالقلق أو الاكتئاب في بعض الأوقات. من الجيد أنك قررتِ الاقتراب من الله، فهذا هو السبيل الذي يساعد على الشفاء والراحة النفسية. الصلاة والذكر وقراءة القرآن يمكن أن تساعدك كثيرًا في التغلب على المشاعر السلبية. تذكري أنك لست وحدك. ابحثي عن الدعم من الأشخاص الذين يقدّرونك ويريدون مساعدتك، حتى لو كان الأمر صعبًا. حاولي التواصل مع أصدقائك بوضوح بشأن مشاعرك، فقد يحتاجون أيضًا لفهم ما تمرين به. لا تترددي في طلب المساعدة من مختص نفسي إذا شعرت أنك بحاجة لذلك. أنت قوية، وسيتطلب الأمر بعض الوقت، لكن بالإرادة والعزيمة، يمكنكِ العودة إلى نفسك. احترمي مشاعرك، ولا تنسي أن تأخذي وقتًا لنفسك.
تم النشر الاثنين، ٢ سبتمبر ٢٠٢٤
لعرض السؤال في فدني اضغط هنا