انا عندى مشكلة مش لاقي لها حل انا مبقاش عندى اى ثقة فى البنات الموجودة دلوقتى بطرق اللبس والأسلوب اللى بشوفه طول الوقت مبقاش عندى اى ثقة ولا بقيت عارف اتعرف على واحدة اقدر اتجوزها حتى من قرايبي ومعارفى بدور على واحدة تكون فعلا تنفع أم وزوجة اقدر اديها الثقة بس كل اللى بعرفهم مبيكونش فى حد مناسب بالنسبالى حتى لما عرفت كذا حد لما بقرب منها يلاقيها متصنعة للأخلاق فى البداية انا وصل بيا الحال انى قريت فاتحة لمدة 5 ايام واللى حصل منها خلانى أنهى الموضوع فورا واحنا تعارف صالونات اصلا مكنتش اعرفها انا مش عارف الاقى شخص مناسب زى اللى اتربيت عليه ولا فى الشغل ولا قرايبي ومش عاوز اكون لوحدى انا كنت خاطب سنتين وكنا قربنا على الجوازبس بسبب خلافات مع والدها نهيت الموضوع ومن ساعتها مش لاقى شخص مناسب
ازاى تلاقي مواصفات البنت اللى تريحك و تعطيك الثقة. اولا تبص على درجه التدين بتاعتها هل متعلمه علم شرعي ولالا ، اخلاقها وعائلتها وكدة لو دول تمام استخير وربنا هيكرمك ، دة لازم يكون شئ متبادل فى المواصفات ، ومواصفات البنت دة لو مش لاقيها فى العائله أو دائرة اللى حوليك وسعها ، زى المساجد اكيد اب من اللى ليصلوا عندوا بنت على خلق ودين وكل حاجه حلو ، بس لما توصل لدرجه انك لقتها لازم تتقوا ربنا فى التعامل مع بعض وبالضوابط الشرعية ليه دة عشان ذنوب =ابتلاء =عدم راحه =تغير أحوال الناس والشخصية = وجميع انواع الابتلاء ولو حصل ذنب عادى نقوم ونتوب تانى وربنا بيحب التوابين ، ربنا بيكرم وبيرزق كله ده بس محتاج صبر
تم النشر الاثنين، ١٢ ديسمبر ٢٠٢٢
مفيش مشكلة فى المواصفات والبنات الكويسين كتير والحمدلله المشكلة فى انك شكاك بزيادة وتقريبا بتبقي داخل التعارف وانت بتدور على الغلطة فين عشان تأكد لنفسك الفكرة بان مفيش بنات كويسة. استعن بالله وتوكل عليه واستخير فى الاختيار واستمر فى الدعاء ده ( اللهم اختر لى ولا تخيرنى)
تم النشر الأربعاء، ١٤ ديسمبر ٢٠٢٢
إدعي ربنا و إن شاءالله هتلاقي بس اهم حاجة تدور على المتدينة ثم المتعلمة
تم النشر الثلاثاء، ١٣ ديسمبر ٢٠٢٢
أحيانا لازم نراجع نفسنا في حاجات كتير في حياتنا اتعودنا وتربينا عليها لأن الحاجات اللي بتأثر علينا نفسنا والبيئه فلازم نعمل تكيف مع البيئه ومع نفسنا، في الحاله دي انصحك/ انك لازم تعرف أن مش كل حاجه ثابته كل الصفات متفاوتة في البشر والتصنيع مش عيب ولا حرام مادام تصنع كويس، ودا برضو مش ذنبك انك متربي علي قيم ثابته جواك وبرضو مش ذنبها أنها بنحاول تتكيف مع طباعك علشان تلاقي فيك زوج.
تم النشر الثلاثاء، ١٣ ديسمبر ٢٠٢٢
أولا لازم يكون عندك ثقة أن المواصفات اللي بتدور عليها موجودة وهي بالفعل موجودة لأن الخير مازال موجود في الأمة لن ينقطع ثانيا ازاي تلاقي المواصفات دي؟ عن طريق المحاولة والخطأ زي ما أنت ماشي!! يعني لما يغلب على ظنك أن فيه واحدة فيها المواصفات دي .. جرب تواصل مع اهلها وادخل البيت من بابه وعرفهم كل شروطك وأخلاقك واختبرها لحد ما تطمئن تماما أنها الإنسانة اللي بتدور عليها وأن أخلاقها أصلية مش تصنع ,, ولو عايز توسع قاعدة البحث ممكن تجرب تطبيقات الزواج
تم النشر الاثنين، ١٢ ديسمبر ٢٠٢٢
الرجال قوامون على النساء كل اللي انت تدور عليه في البنت وانها تكون زوجه اذا كانت هي تقبل وتسمع الكلام منك وتقتنع بالحدود يعني انت اللي في يدك العصمة والتأديب للزوجه تُكمل ما بدأه الأب في تربيتها وشكرا
تم النشر السبت، ١٧ ديسمبر ٢٠٢٢
اهلا ومرحبا بك. هو الواحد بيدي الثقة ازاي؟ أو بيطمأن منين؟ أكيد بعد شوية وقت .. وكبير ومواقف، ومعرفة كبيرة للشخص لا بأس بها. انت اكيد مش هتضع ثقة في حد لمجرد انك رايح تقابله صالونات أو حتى عرفتها لمدة اسبوع، انت اصلا متعرفهاش! طالما انت عندك مواصفات معينة لا بأس أنك تفضل تبحث عنها في شريكة حياتك وده من حقك. انت هتعرف منين الشخص الصح والشخص الغلط؟ مش لما تقرب منه وتعرفه شوية، وتكتشف مثلا أنه فيه حاجات لإما تناسبك ف تقرر تكمل، أو ممكن تلاقي حاجات لا تناسبك ف برده ساعتها تقرر متكملش. انت في الحالتين لازم تجرب، علشان تعرف المناسب معاك، مش كده؟ كلنا لازم نجرب علشان نعرف، لان اكيد الموضوع محتاج منك مجهود برده، علشان تلاقي حد مناسب ليك، الموضوع مش هيكون من أول مرة، لازم تمر بتجارب علشان تعرف نفسك وشريكك اكتر.
تم النشر الأربعاء، ١٤ ديسمبر ٢٠٢٢
التعميم صعب طبعا لكن انت لازم تستمر في السعي والدعاء لان اصلا كونك بتبحث عن زوجة صالحة بالمواصفات دي شئ اكيد هتؤجر عليه لان سهل تختار اي واحدة وخلاص ومش مهم اخلاقها او هتربي اولادك ازاي اهم حاجة بلاش قلة الثقة تفقدك حد كويس
تم النشر الثلاثاء، ١٣ ديسمبر ٢٠٢٢
أنا كنت زيك كدة بدور على واحدة لبسها محترم وفعلا لقيتها بس أخلاقها كانت زبالة نصيحتى ليك دور على اللى أخلاقها كويسة وأنت هتلاقى معاها كل حاجة نفسك فيها
تم النشر الخميس، ٢٢ ديسمبر ٢٠٢٢
كمل قلة ثقه ياعم دى مش مشكله
تم النشر الثلاثاء، ١٣ ديسمبر ٢٠٢٢
لعرض السؤال في فدني اضغط هنا