مبقاش عندى ثقه فحد او دايما ببقا خايفة من الى قدامى هو بيحبلى الخير ولا الشر أتعرض لدمار نفسى من عيلة بابا وبردو لازم اتعامل معاهم حد اذيك وتيجى قدامو لازم تكلمو كانى معملش حاجة تعبت ومش عايزة اكلم معاهم بس كل ده علشان خاطر بابا بيجيلى خانقة وقعد اعيط عياط هستيرى اتصرف ازاى
حطي حدود في التعامل معاهم وحاولي متبقيش معاهم وقت كتير
تم النشر الخميس، ٢٧ يونيو ٢٠٢٤
لا تجعلي أحد يجبرك على ما لا تريدينه، يمكنك أن تضعي الحدود، حتى ذلك مقبول دينياً، لا تختلطي بهم ولو اضطررت للتواجد معهم انشغلي بفعل أي شيء آخر كالنظر في الهاتف وما إلى ذلك، تحججي بالانشغال بالدراسة، بحفظ القرآن، بمواعيد الصلاة وما إلى ذلك.
تم النشر الجمعة، ٢٨ يونيو ٢٠٢٤
السلام عليكم ورحمه الله 🔹دي مشكله بتواجهه معظم البيوت، و هنا لازم نقف و نسأل نفسنا هي اخرتها ايه؟؟ اخره تعبك النفسي و الضغوط اللي بتمري بيها بسببهم. ف هنا لازم نفهم جزء مهم و هو لا ضرر ولا ضرار. 🔹و تحافظي علي صحتك النفسيه من غير ما تخسريهم او تخسري نفسك و دي المعادله اللي هتريحك. ✴️ازاي تعملي دا ؟ 1️⃣ تعرفي حقوقك و واجباتك اتجاهم، و تتكلمي بيها بكل احترام علشان ميكونش فيه غلط عليكي. 2️⃣ يكون فيه حدود بينكم. 3️⃣ حاولي التواصل يكون كل فتره مش بعيده ولا قريبه علي حسب درجه القرابه ما بينكم. 4️⃣ حطي صحتك النفسيه دائما أمام نصب عينك و شوفي ايه اللي هيريحك و يكون لا يتعارض مع الشرع و العادات و التقاليد و اعمليه. تحياتي 💐
تم النشر الجمعة، ٢٨ يونيو ٢٠٢٤
أفهم شعورك كويس، والتحمل ده صعب جدا خصوصًا لو جاي من ناس المفروض يكونوا جزء من الدعم بدل ما يكونوا جزء من المشكلة. خليني أديكي شوية نصائح ممكن تساعدك في التعامل مع الوضع ده: اهتمي بصحتك النفسية : اللي انتي بتمري بيه مش سهل، فلازم تعطي نفسك فرصة تستريحي وتعيدي شحن طاقتك. حاولي تعملي حاجات بتحبيها زي الرياضة، القراءة، أو حتى قضاء وقت مع ناس بتديكي طاقة إيجابية. تحطي حدود : مهم يكون عندك حدود واضحة مع الناس اللي بتأذيكي. ممكن ما يكونش سهل إنك تقطعي علاقتك تمامًا بيهم بس ممكن تحاولي تقلصي الوقت اللي بتقضيه معاهم وتبقي واضحة في اللي تقبليه واللي ما تقبليهش. دعم نفسي : فكري بجدية في طلب مساعدة من معالج نفسي أو مدرب حياتي. هما ممكن يساعدوكي بفنيات وأدوات تديري بيها التوتر والقلق بشكل أفضل. التواصل المفتوح مع والدك : حاولي تتكلمي مع والدك بصراحة بخصوص اللي بتحسيه. مش لازم تدخلي في التفاصيل اللي هتزود التوتر لكن بس تفهميه إنك بتعاني ومحتاجه دعمه وتفهمه. استراتيجيات تهدئة النفس : لما تحسي بالخنقة أو التوتر، حاولي تستعملي تقنيات زي التنفس العميق أو التأمل أو حتى كتابات تعبر فيها عن مشاعرك. فاكرة إنك مش لوحدك في اللي بتمري بيه، والاعتراف بالمشاعر دي والخطوات دي هو بداية الطريق للتعافي.خذي الأمور خطوة بخطوة وانتي قادرة تعدي الأزمات دي.
تم النشر الخميس، ٢٧ يونيو ٢٠٢٤
لعرض السؤال في فدني اضغط هنا