منصبي في الشغل ضعيف، كل اللي حواليا اعلي مني وظيفيا.
شخصيتي ضعيفه جدا وبتلعثم واخاف، ومش بعرف ارد، رغم ان سني ٣٧ سنه.
ملحوظه انا متربي علي كثرة النقد، وده اكتر حاجه بتخوفني، ان حد ينقدني
مجرّد سؤالك هنا فهذا يعني أنّك شخص تهتمّ لأمرِ نفسك، وتريد مساعدة نفسك للتخلّص من خوفك او ما يعيقك في حياتك وهو الشئ الذي يستغلّه الآخرون والذي يحرمك أن تُعبِّر عمّا تُريد حقًّا، لا شك أن التربية علي كثرة النقد تسبب نوعاً من الإعاقة الاجتماعية، والإعاقة الاجتماعية تعالج دائماً بتطوير المهارات الاجتماعية: وأول مهارة اجتماعية هي أن أثق بنفسي، وأن أحدث نفسي أني لا ينقصني شيء عن الآخرين. ثانياً: اتخاذ المواقف الإيجابية، وأن تقتدي بالأشخاص المنفتحين والإيجابيين والذين يحسنون التواصل. ثالثاً: عليك أن تتعلم المهارات الاجتماعية البسيطة، مثل النظر إلى الناس في وجوههم حين مخاطبتهم، وتجنب استعمال اللغة الحركية مثل لغة اليدين حين التخاطب والاعتماد فقط على اللغة اللفظية، محاولة الاندماج الجماعي اللاإرادي مثل ممارسة كرة القدم، فالإنسان هنا لابد أن يختلط حتى لو لم يقصد ذلك، وكذلك حضور حلقات التلاوة فهي–إن شاء الله- تجعلك تختلط اجتماعياً وتطور من مهاراتك الاجتماعية بإذن الله. يمكنك أيضاً أن تستعين بأحد أفراد الأسرة وتخرج معه، وتطلب منه أنك تود القيام بزيارات لبعض الأصدقاء والأهل، ويكون ذلك بالتدرج، أن تبدأ بمن تعرف أكثر، ثم تنتقل للآخرين ثم بعد ذلك يمكنك أن تقوم بمثل هذه الزيارات بمفردك. أنصحك أيضاً أن تكون دائماً في صلاة الجماعة في الصف الأول وخلف الإمام؛ لأن ذلك يعطيك القدرة على المواجهة والإقدام. أرجو أن تأخذ هذه البرامج أو هذه الإرشادات البسيطة بجدية، وسوف تجد إن شاء الله أنها قد أفادتك كثيراً وأصبحت أكثر تواصلا وثقة بنفسك. وبالله التوفيق.
تم النشر الأحد، ٢٩ يناير ٢٠٢٣
أنا كنت زي حرضتك كدة بخاف جدا اني اتكلم أو اعبر عن نفسي عشان محدش ينقدني أو ياخد نظرة غلط عني أو إني أغلط من الأساس و الناس تفضل فاكرة ده... كل ده أتغير لما وعيت ان فعليا محدش مركز معايا و مع غلطاتي زي م انا مركزة فيهم.. تقدر تقيس ده علي نفسك هل انت بتركز في غلطات و تصرفات غيرك بنفس الصورة إللي متخيل إنهم مركزين بيها في تصرفاتك في الاكيد هتلاقي لأ محدش مركز في تصرفات حد بالطريقة دي الخلاصة ابتدي واحدة واحدة تتكلم و تعبر عن نفسك و هكذا و حتي لو غلطت و حتي لو حد علق متديلوش اهتمام إطلاقا عادي يعني مش نهاية الدنيا و الطرف الثاني مش هيفضل فاكرلك الغلطة دي طول العمر يعني 🤷♀️ أكيد عنده حاجات أهم يفكر فيها و يفتكرها
تم النشر السبت، ٤ فبراير ٢٠٢٣
اول حاجه خليك متأكد طالما بتسعى انك تبقى ناجح وشاطر ف شغلك هتلاقي نتيجه ف طور نفسك شوف زمايلك بتتعامل ازاي وبتطور نفسها ازاي وشوف تعمل زيهم واشتغل شغلك وراجعه كويس عشان تتأكد ان مفيهوش اخطأ وقدمه وقتها متخافش من النقد لأنك معندكش اخطأ ولو في ناس بتشتغل انت مديرهم خليك مدير ودود وافهم مشاكلهم وعلمهم الشغل متصعبهاش عليهم ممكن يقربوا منك ويهابوك مش خوف منك لا خوف ع زعلك لانهم بيحبوك
تم النشر الأحد، ٢٩ يناير ٢٠٢٣
اهتم بقرائه القران وراح تلاحظ الفرق
تم النشر الأحد، ٢٩ يناير ٢٠٢٣
ربنا خلقك زيك زيهم و افتكر ان كلنا هنتدفن تحت تراب واحد كلنا هندخل قبر وكدا انت ك شخص اللى اثر عليك النقض اللى شوفته وانت صغير معرفتش تتخطاه متديش لحد الفرصه يقل منك تانى ولاتديه الفرصه انه يبين أنه احسن منك
تم النشر الاثنين، ٣٠ يناير ٢٠٢٣
لعرض السؤال في فدني اضغط هنا