علاقتى مع والدتى مرت بمراحل كتير للاسف اكترها كانت خناقات بسبب اختلاف الأفكار دايما بحس بالذنب بعد الخناقات وبلوم نفسي لكن فعلا بفكر أن انا حد مظلوم والحقيقه انى بفهم كل تصرفاتهم غلط للاسف قولت لماما كلام جارح كتير كلام بشع كلام محدش يستحملو قولتلها انى بكرها ومش بحبها وأننا لما نكبر اخواتى هيرموها ف دار المسنين عشان كنت مدايقه أنها بتعاملهم احسن مع أن الحقيقه انى حد انى جدا ومؤذى ف كل كلامى رغم انى جوايا حب ليها ميتوصفش بدخل البيت انادى عليها عشان أشوفها حتى لو مش عاوزه منها حاجه بقلق جدا لو اتأخرت مده بسيطه كل دى حجات بينى وبين نفسي هى متعرفهاش ماما فاكره انى مش بحبها رغم سنى الصغير ولكن كان كلامى مؤذى سمعت أن عقوق الوالدين من الكبائر حاولت وبحاول أهدى نفسي انا لما بتعصب بقول كلام مؤذى مش حقيقي من ورا قلبي انا بحبها ومش متخيله الحياه بدونها ابدا هى بتطمنى بس متعرفش مشاعرى ونفس الكلام ده بابا بس بابا مقولتلوش كلام مؤذى بس مفيش بينى وبينو تواصل ومع ذلك بحبو انا بكلمو وبشوفو بس بحكم شغلو مش بشوفو كل يوم بس بحبه ولعزه وبحترمه بس هو ميعرفش ده بردو لانى مش ببين ليهم بقالي فتره تعبانه نفسيا لأن حوار التخيلات رجعلي بتخيلهم ماتو أو بتخيل اعز ناس ليا حصل ليهم مشكله وبنهار حرفيا مش عوزاهم يموتوا مش متخيله اليوم ده بحبهم بزعلهم كتير بس لو لفيت الدنيا محدش هيستحملنى غيرهم نفسي اجمع قوتى واحاول اعترفلهم انى بحبهم وانى عاوزه احضنهم نفسي احضنهم بس بتكسف مش عاوزه اتخيل اى حاجه وهما بيكبروا ف السن بدايق مش متخيله اى حاجه بدونهم انا ندمانه لو قولت كلام دقائق امى متستاهلش ده ربنا يسامحنى بقا بس انا عاوزه اتعالج من فكرة التخيلات بالأذى والموت لانى بدخل ف حاله نفسيه صعبه وكمان الموت حقيقيه لا مفر منها ولكن حاجه مرعبه جدا هموت نفسي لو حصولهم حاجه
ماذا تنتظرين إذن؟ أن تتحول مخاوفك لا قدر الله إلى حقيقة وتفقدين الفرصة للاعتذار وإخبارهم بمشاعرك نحوهم؟ وقتها سيأكلك الندم حية وستتعذبين أكثر مما تعذبك خيالاتكِ الآن. أمد الله في عمرهم وأعانكِ على نفسك وساعدك في التقرب منهم. تخلي عن أي عناد أو مشاعر سلبية أو أيًا كان السبب الذي يمنعك من التقرب من والدتك وأهلك... أخبريهم بحبك لهم واعتذري لوالدتك عن أي إساءة وصارحيها بما يحدث معك ولا تضيعي الفرصة التي يمنحها الله لكِ كل يوم من حياتك وحياتهم.
تم النشر الأحد، ٤ أغسطس ٢٠٢٤
السلام عليكم ورحمه الله. هو الأبشع من انه يكون في خوف من الموت. ان الموت ده هيبقى مرتبط بزعلهم منك. الموت ده مش بس حيبقى معناه انك مش هتشوفيهم ثاني وانت بتحبيهم قوي بس الموت هيبقى معناه ما بقاش فيه فرصه تصالحيهم دي مشكله كبيره جدا جدا جدا ودي المفروض تكون اول دافع لك انك توقفي اللي بتعمليه. طب الاول قبل ما نتكلم في انت بتتكلمي كده ازاي وازاي توقفي ده تعالي نفكر كده مع بعض انت ليه بتعبري عن مشاعرك؟ انت خايفه من ايه ليه حاسه انك لما تقولي مشاعرك هتبقي باينه بشخصيه انت مش عايزه تباني عليها هو انت شايفه انه الحب والمشاعر والكلام الحلو بيبين حته ضعيفه فيكي هيخلي اللي قدامك يجي عليك او او يكون شايف انك ممكن كده تتكسري لو انت ده اللي جواكي فهذي البدايه وهذه البذره ده لازم تشتغلي عليه لاول ما بينك وما بين نفسك انك ما تخافيش من نفسك ما تخافيش من انك تطلعي مشاعرك الحقيقيه وتتكلمي بيها لان الخوف هو اللي بيخليكي تطلعي حاجه ثانيه اللي هو ايه اللي هو انك تطلعي كلام وحش وتضايقيهم لانك في الاساس خايفه من نفسك خوفك من نفسك حولك لخوف منهم هم كمان. ضروري تخلي بالك من محاولتك انت هي اللي بتطلع فوق الكلام الجارح اللي انت بتقوليه مخوفك بتطلع لك افعال تخوفك زياده من حاجات ثانيه فدائره الخوف دي محتاجه تتكسر تتكسر ازاي بانك تطمني نفسك؟ حدود لنفسك وانت بتتعاملي وابدئي اعملي لنفسك عواقي يعني؟ ما بينك وبين نفسك التزام انه انا لو الصوت عالي وانا بتكلم مع امي انا هحرم نفسي من اني اخرج الخروجه اللي مع اصحابي انا اللي هحرم نفسي انا مش هستنى حد ان هو يعمل معي كده انا لو طلع مني لفظ مش كويس لامي انا هعتذر لها 10 مرات في اليوم 50 مره في اليوم طبعا انت الاعتذار بالنسبه لك حاجه مش عاديه لكن هتلزمي نفسك بضحك وهتعملي ده كل ما حطيتي لنفسك عواقب كل ما هيبدا مخك ونفسك تتبرمج على ان هي مش عايزه تتعامل مع العواقب الصعبه دي فهتساعدك ان هي توقف الفعل الغلط. ارجوكي اييي؟ افتكري دائما انه في وقت هيبقى جيم اوفر مش هيبقى في وقت نصالحهم فيه فاذا كان في خوف حقيقي خافيه من الوقت ده وهيبقى هو ده الدافع بتاعك انك تلحقي الفرصه النهارده قبل بكره.
تم النشر الأحد، ٤ أغسطس ٢٠٢٤
أولاً، أحب أقول لك إن مشاعرك طبيعية وكثير من الناس بيمروا بمراحل مشابهة. خوفك من فقدان عائلتك دليل على حبك الكبير لهم ورغبتك في الحفاظ عليهم. بخصوص علاقتك مع والدتك، يبدو أنك تعاني من صراع داخلي كبير. فكرة إنك تزعلي والديك أو تقولي لهم كلام جارح رغم حبك لهم، ده شيء شائع. المهم هو إنك تحاولي تعتذري منهم، حتى لو بكلمات بسيطة تعبر عن مشاعرك الحقيقية. ممكن تقولي لها إنك بتحبيها وإنك نادمة على اللي حصل. أما بالنسبة لموضوع التخيلات اللي بتجبيها، لازم تحاولي تتخلصي منها. حاولي تمارسي تمارين الاسترخاء مثل التنفس العميق أو اليوغا، وده ممكن يساعدك في التخلص من القلق. كمان ممكن تدوّني مشاعرك في مذكره، أو تتحدثي مع شخص تثقي فيه عن مشاعرك. بالإضافة لذلك، التفكير في الموت هو أمر صعب، لكن الحياة مليئة بالتغيرات والأشياء الحلوة برضه. حاولي تشوفي الجوانب الإيجابية في الحياة وركز على اللحظات السعيدة مع عائلتك. لو حسيت بمشاعر قوية لدرجة إنك مش قادرة تتحمليها، ممكن تفكري في زيارة مختص نفسي يساعدك في معالجة هذه المشاعر، ويعطيك أدوات للتعامل مع القلق. خلي بالك، إن الهدف هو إنك تحافظي على العلاقات اللي بتحبيها وتطويها بشكل صحي. ودايمًا تذكري إنك مش لوحدك، وفي ناس كثير بيمروا بنفس التجارب.
تم النشر السبت، ٣ أغسطس ٢٠٢٤
اسمعي اول شي اعمليه اتركي الكبرياء الزائف واعترفي بخطأئك وروحي احضنيها وعبري عن مشاعرك ده اول خطوة
تم النشر الأحد، ٤ أغسطس ٢٠٢٤
لعرض السؤال في فدني اضغط هنا