نا مبعرفش اتمالك ع اعصابي ونا قاعد ف وسط ناس معرفهاش بلاقي جسمي بيرتعش ومش عارف اسيطر ع نفسي وبتهته ف الكلام من صغري عايز اعرف هوه دا ليه علاج ولا انا هفضل كده علطول
١- التنفس وده انت بتحاول تاخد النفس بعمق وبهدوء من الانف وتحبسه لثواني بعدين تطلع النفس من فمك وانت ف وضع مسترخي بعيد عن ضوضاء وف جلسه مريحه تكرره ١٠ مرات ف البدايه بعدين تزود ١٥ وهكذا ٢- كرمش ملامح وشك بحيث تحس بشد فيها وعد ل ٢٠ وبعدين ارخي وشك وافتح فكك بحيث تحس بشد فيه كمان لحد متعد ل ٢٠ وطبعا تزود بعدها ل ٢٥ او ٣٠ وهكذا ٣-تشد رقبتك بانها تكون مائله على الجنب الايمن لكتفك وتعد ل ٢٠ ومره تاني على الجنب الايسر كمان ٢٠ عده ٤ وانت قاعد على كرسي ايدك ارفعها جنبك وانت فاتح كف ايدك بحيث تحس بشد في عضلات ايدك والكف وعد ل ٢٠ والايد التانيه نفس النظام ٥- ارفع رجل رجل من غير مساعده ايدك او انك تسندها على حاجه بحيث تحس بشد في عضلات الرجل وعد ل ٢٠ بعدين نزلها واشتغل على رجلك التانيه بنفس النظام ٦- افرد رجليك الاتنين ع سطح مستوي وحاول تمسك اطراف اصابعك بايدك من غير متتني ركبتك وعد ل ٢٠ ٧- اخر حاجه بتقف مستند على حائط واقف على اطراف اصابعك وشد ايدك لفوق عشان تحس بشد عضلات جسمك كله ف نفس الوقت وعد ل ٢٠ وطبعا يفضل انك لو الاعراض متحسنتش معاك انك تستشير طبيب نفسي او اخصائي نفسي هيساعدك جدا ومتقلقش ان شاءالله
تم النشر السبت، ٧ يناير ٢٠٢٣
لو في اعراض تانيه معاك زي خفقان القلب البروده او الاحساس بالحراره فجأه والرعشه مع احمرار الوجه واضطراب ف المعده واحساس انك عايز تمشي من المكان ده بسرعه ...ف ممكن يكون معاك قلق وهو موجود عند كل الناس عشان تقدر تحس بالخطر وتتجنبه لكن لما بيزيد بنحتاج اننا نعمل شويه حجات تقلل منه زي ١-تمارين الاسترخاء العضلي والي مهمتها تدريب العضلات على الانقباض والانبساط عشان وقت القلق وقت ميحصل انقباص للعضلات تنبسط بشكل تلقائي وكمان بتساعد على الاسترخاء والهدوء ويليها شعور بالراحه وتقليل اعراض القلق الجسديه ٢-مواجه الافكار زي انك لو وسط ناس وحاسس انهم بيبصوا عليك والتركيز كامل معاك وانهم هيعلقوا عليك او هيتنمروا عليك مثلا بتبدأ تردد فكره ذهنيه مع نفسك انا كويس وف احسن صوره لبسي كويس ريحتي حلوه شكلي جميل نفيش اي حاجه فيا خطاء تخلي اي حد يتكلم فيها ولو فيا فعلا مشكله كلنا متفاوتين ف اشكلنا واحجامنا ومستواياتنا الماديه والثقافيه ولو نقصني شيئ في مجال معين ف انا عندي مهاره تانيه متفوق فيها ٣-تشتيت الفكره وهي انك اول متحس او تجيلك فكره انك محل تركيز الناس ابدأ دندن اغنيه بتحبها وبتريحك او استغفر او فكر ف حاجه انت بتحبها او مكان نفسك تروحه ٤-وخليك متأكد ان القلق عموما من اسهل المشاكل الي ممكن نمر بيها وبتتعالج محتاجه بس تعرف الطريق الي تمشي فيه لعلاجها وانطلق فيه
تم النشر السبت، ٧ يناير ٢٠٢٣
طبعا ليها حل بس محتاجة متابعة عشان تكتسب ثقه فى نفسك. وتتخلص من التوتر اللى بيحصلك ده قدام الناس. الافضل تتابع مع متخصص نفسي.
تم النشر الجمعة، ٦ يناير ٢٠٢٣
ليها حل اكيد ، و انا كنت في مكانك في يوم ، و اللي غيرني كان الثيرابي
تم النشر السبت، ٧ يناير ٢٠٢٣
روح لدكتور نفسي او مستشفى نفسي مجاني لأنه ممكن يكون رهاب اجتماعي.
تم النشر الجمعة، ٦ يناير ٢٠٢٣
بس انا مش معرف اهلي ان عندي المشكله دي
تم النشر الجمعة، ٦ يناير ٢٠٢٣
لعرض السؤال في فدني اضغط هنا