بسم الله ابدأ
انا بنت 2ث عام علمي عندي 17سنه انا الكبيره وعندي اخ اصغر مني ب 3سنين: لحد كدا زي الفل
نا بعمل تصرفات كتير غلط ونا معترفه ب شئ زي ده بس المشكله ان ماما دايما بتدور ورايا تيجي منغير م تقولي ادام اماكن دروسي عشان تشوفني حضرت ولا لاء مع ان كل مره بتيجي فيها ببقا موجوده
بس المشكله مش هنا المشكله ان انا اتحكم عليا من بابا اني البس خمار ماليزي ودا خارج إرادتي بقالي 3سنين لبساه وكل مره بلبسه بحس اني هعيط بس الحمد لله بسكت نفسي وحاولت اتكلم مع ماما كذا مره اني اقلعه لكن دايما في رفض او لما نموت ابقي اعملي اللي انتي عيزاه الغرض مش اللبس المنحرف إطلاقا الغرض الاريحيه في اللبس والمظهر العام فقط دايما بحس انهم ظالمني او جايين عليا وسعات اقول ممكن انا اللي ظلماهم وهما صح لكن بشوف انهم وصلوني لحجات محدش من الناس اللي بيتعاملوا معايا يتخيل ان حياتي ب المنظر دا من ونا صغيره بضرب بحجات غريبه ي ريته حزام او شبشب زي معظم البيوت المصريه الاصيله😂😂لكن انا كنت بضرب بكبل كهربا من اللي هو زي اللي بيبقا تحت الارض دا اهه والله بس ع خفيف شويه كان بيتكسر عليا المقشه بضرب ب المغرفه الحديد بتاعه الاكل بتكتف بيترمي عليا مايه متلجه ف عز السقعه مش بقول اني مظلومه واني ملاك لاء خالص انا كمان بغلط بس مش الغلطات اللي تحمل اي شهص علي إذائي ب المنظر دا انا بقيت عشلن ارتاح اضرب نفسي او اهد كميه دواء كبيره فوق ال10حبايات ودا مش دواء معين دا من اي حاجه تيجي ادامي باخدها قطره اقوم شرباهاا بنادول اخلص شريط دواء مهدء هوبا الشريط كله ماده الريزين لو تعرفوها وابلع ي معلم عشان بس اخس اني مرتاحه ازي معرفش والله انا مش عايزا غير اني احس ان محدش متحكم فيا بطبيق زي م امي بتعمل معايا تطبيق تتبع وتقفل الفون زي م تحب وتفتحه زي م تحب وكل دا بتحكم من تليفونها ب تليفوني مش قادره احدد نا مشكلتي ايه ولا علاجها اي ونفسي ف حد يحكم نا حالتي اي لان ماما رافضه من لنا كنت ف اولي اعدادي اني اتعرض ع اي دكتر نفسي او تعديل سلوك بس انا حاسه اني مأذيه نفسيا م اللي حصلي ونا طفله من ضرب وإهانه مع اني بلبس لبس من ونا صغيره محدش لبسه ولا ف صحابي ولا ف اهلي اهه ب المناسبه انا من اولي اعدادي معنديش صحاب لاني انفصلت عن صحابي ف اولي اعدادي لانهم شافوني كنت بدأت اشد خيلي ف المذاكره وابقا شاطره زيهم انا م عارفه اخد حقي من اهلي وفنفس الوقت م عايزا اهلك شبابي ونفسي ف قفص كأني حيوان وبيروده لان شخصيتي عنيده جدا جدا جدا شكرا لحسن استماعكم وارجو الرد لاني ف المشكله دي دلوقتي
بصي، اوقات ردود فعل الاهل بتبقى قاسية جدا، وده بيرجع لكذا سبب.. اولهم خوفهم من اللي بيحصل، خوفهم عليكي، مش منك .. بالعكس خوفهم عليكي من نفسك، ومن الناس اللي حواليكي. وانتي قولتي انك غلطتي، وانتي معترفه ب ده. ومقدرة برضه ان مش المفروض اللي عملوه معاكي اساسا. ولكن اعتبريه اسلوب في التربية هما مقتنعين بيه، وشايفنه صح، ركزي بقى على الجزء ده ... مقتنعين وشايفنه صح! وديه اخطر حاجه صراحةً وده بيرجع ل اسباب تانيه برضه، ممكن يكونوا اتربوا كده، نشأتهم كده، مش شايفين ايه الطريقة الصح اصلا. انا بس عايزة اعرفك انهم بيحبوكي، ولكن تربيتهم معاكي غلط. علشان تكسبيهم .. حاولي تقربي منهم، تخليهم يثقوا فيكي. تخليهم يتطمنوا ليكي.. وده ب افعالك .. مش بالكلام بس.
تم النشر الأحد، ١٧ ديسمبر ٢٠٢٣
انتى لخصتى الموضوع ...انتى شخصية عنيدة جدا جدا ....وكل اللى بيحصل معاكى هو العواقب للمساحة والثقة اللى اخدتيها وما احترمتيهاش انتى مش حيوان فى قفص ومفيش حاجة اسمها تحكم الاهل ,,,اسمها انتى مسئولة منهم وهما اللى قائمين على رعايتك وده معناه انهم يشوفوا ايه اللى يظبط الدنيا ويفرضوه امال ايه هيفرقهم عن اى حد حواليكى غير انهم ليهم القدرة انهم يقوموكى بايدهم وبقرارتهم لحد ما انتى عودك يشد وتكبرى بشكل كافى يخليكى تعرفى تقومى نفسك بنفسك . ركزى فى المساحة المتاحة معاكى وانجحى واكتسبى ثقتهم تانى بانك تكونى محترمه الحدود اللى حطوها ومتحاوليش تكسريها بشخصيتك العنيدة وخلاص
تم النشر الثلاثاء، ١٩ ديسمبر ٢٠٢٣
بس عايزاكي تفهمي الفجوة الي بينا و بينهم و عايزاكي تعرفي تخلقي معاهم حوار ناضج و نقاش هادي بعيد عن اي عند و توصليلهم الي انتي حاسه بي زي ان يا ماما انا عايزاكي تثقي فيا قوليلها انك حاسه انها مش واثقة فيكي بسبب ان هي بتراقب موبايلك شوفي هتقولك ايه افهمي وجهة نظرها
تم النشر الأحد، ١٧ ديسمبر ٢٠٢٣
ازيك عاملة ايه يارب تكوني بخير🤍 أولا قبل اي حاجه عايزاكي تعرفي معلومة ان كلنا و احنا بنات في سنك مرينا بال بتمري بي و نفس احساس تملك و تحكم من الاهل بس لما كبرنا فهمنا أن ده كان خوف منهم علينا من الي بيحصل حوالينا في دنيا و بقينا نشوف الدنيا من وجهة نظرهم و فهمنا ان طريقة تربيتهم لينا الي كانت ساعات كتير اوي بتدايقنا كانت دي محاولة منهم من انهم يحمونا من الدنيا، بس في نفس الوقت مقدرش اقول انها طريقة صح بس الي اقدر اقوله ان كل واحد بيربي أولاده علي قدر معرفته و جيله يعني انتي ان شاء الله لما تكبري و تتجوزي و تخلفي هتربي أولادك بطريقة مختلفة تماماً زي أمهات الجديدة دلوقتي كده بيقرأوا في التربية الحديثة و علم نفس و في توعية رهيبة دلوقتي بكل شئ لكن امهاتنا احنا الي هما من جيل مامت حضرتك مختلفين تماماً انتي لازم تبقي واعية بالنقطة دي علشان كده مامتك لما بتقوليلها دكتور نفساني هي في دماغها ان دكتور ده هيجننك لان ده للأسف المفهوم الغلط الي كان منتشر زمان. ف أول حاجه عايزها منك تفهمي ان في فجوة كبيرة بينك و بينها في الأجيال و مصطلحات و المفاهيم، طب الحل؟ ان اغير مفهاميها بعد السن الي هي وصلتله ده؟ أن اجي اقولها الصح و الغلط؟ لا خالص و اوعي تعملي كده اول حاجه هتيجي في بالها انك مش بتحترميها و بتعدلي عليها و كل كلام ده الي اكيد سمعتي مية مرة، الطريقة الوحيدة لحل موضوع انك تعرفي ازاي توصلي معاهم لوضع يرضيكي و يرضيهم و تتناقشي معاهم بطريقة الصحيحة الناضجه الي من غير عناد، و ده هينقلنا للنقطة العند انتي قولتي انك حد عنيد جدا جدا و ده يبرر طريقة تصرف الي بياخدوها معاكي الي هي بتأذيكي نفسياً و جسدياً كمان. بصي انا مش هقولك هما صح و استحمليهم لا اعرفي أن مش صح حد يمد ايده عليكي او يهينك و ده حقك من ناحيتهم، بس بردو استني حقهم الي عندك فين بقا؟ زي ما هما مش من حقهم يضربوكي و يعاقبوكي بالطريقة دي، انتي كمان مش من حقك تعندي و تتعبيهم معاكي مش من حقك تأذيهم فيكي. بصي هما دي طريقتهم في الحفاظ عليكي و علي مصلحتك يعني بابا عايزك تلبسي الحجاب ماليزي غصب عنك ليه؟ علشان شايف ان ده بيقربك من ربنا و بيحافظ عليكي و بيسترك بس هو مش عارف يوصلك كده فبيوصله بطريقة أمر انه بيأمرك بكده و خلاص مفيش نقاش طب هل هو كده غلطان؟ ايوة بس لو بصينا لسنه و لجيله و النقطة الي كلمتك بيها فوق هتلاقي نفسك فهمتي وجهة نظره و راعيته و عرفتي كمان تتعاملي معاه. بصي انا فاهمه كويس إحساسك بالتحكم ده و انك مش عايزه تحسي ان حد ميسيطر عليكي و ده احساس كلنا مرينا بي و احنا في سنك و الي هو سن المراهقة فده احساس طبيعي بس خلينا نبص كده لكل حاجه في الدنيا و هنغير اسم الشخص الي بيتحكم فينا ل ولي أمرنا اي حد بيتولد سواء ولد او بنت مش بيبقا لي ولي امر؟ طب لقدر الله بعد فترة ولي امر الي هو الأب توفي؟ الأم تروح تعمل وصية علي بنتها يعني هي المسئولة عنها قدام القانون لحد ما تم ٢١ سنة و تبقا وصية علي نفسها طب ده في قانون الدنيا طب عند ربنا بقا؟ ربنا هيحاسب ماما و بابا عليكي ربوكي تربية صالحة ترضي ربنا ولا لا، طب مامتك و باباكي دول مش كانوا زيك بردو و ليهم ام و أب و بيأمروهم و بينهوهم؟ لو بتكلمي عن الامر و نهي في ده شئ مفروغ منه علشان احنا كلنا مش بمزاجنا ان نسمع كلامهم ولا لا ربنا أمرنا بكده لو عايزين رضي ربنا يبقا نراضيهم و اكيد سمعتي كتير عن عقاب ربنا لعقوق الوالدين، ربنا أمرنا منقولهمش حتي أف بس كده طب تفتكري بقا انتي لما تصبري علي الحجاب الي باباكي أمرك بي علشان ترضي ربنا طبعا أول حاجه ثم ترضي باباكي كده انتي ملكيش اجر عند ربنا؟ طب تفتكري ان اصلا اي وجع او ألم انتي حاسه بي دلوقتي ربنا مش حاسس بيكي او مش بيديكي عليه اجر علشان انتي صابرة علشان ترضيهم؟ صدقيني ربنا رحيم اوي و حاسس بيكي و بكل معاناة الي في قلبك قربي من ربنا و صلي و احكيله كل الي مدايقك، و صلي قيام ليل ركعتين كده قبل الفجر واحكي لربنا علي كل الي مدايقك و نفسك فيه و مستحيل ربنا يردك صدقيني بيعمل معجزات والله و عن تجربه
تم النشر الأحد، ١٧ ديسمبر ٢٠٢٣
ربنا يهديهم بجد حاولي تتكلمي معاه قوليلهم انك انسانه قوليله انك بنتهم مش جايبينها من الشارع بصي احسن حاجه تحدي من المشاكل و قولي حاضر ونعم و اتجنبي اي مشاكل معاهم خالص ومتعمليش حاجه وحشه تدايقهم وريهم انك حلوه و انسانه كويسه و كمان اقولك علي سر هيغير حياتك و كل دا حقيقي قربي من ربنا و بري اهلك و اقرأي قران و شوفي فيديوز عن بر الوالدين و صلي قيام الليل و ادعي كتيييير اوي ان ربنا يحنن قلبهم عليكي و كمان اتعاملي معاهم باسلوب كويس و صدقيني حياتك هتتغير 180 درجه من كل النواحي والله وكمان ثقفي نفسك و اقرأي عن كيفية التعامل مع الحاجات ال زي دي
تم النشر السبت، ١٦ ديسمبر ٢٠٢٣
السلام عليكم ورحمة الله وبركاته. بالنسبه لـ موضوع مامتك ف انتي حاولي تتكلمي معاها و تقوليلها انك بتدايقي من تصرفها دا و انها مش واثقه من تربيتها ؟ و قوليها انك بتتوجعي لما هيا تراقبك و ان كل صحابك امهاتهم مش بتعمل كدا قوليلها أنا عارفه مبادئي و ماشيه عليها فبلاش تدوري ورايا لان دا ممكن يخليني اعمل حاجه وحشه يثبتلك اني وحشه زي ما انتي بدوري عشان تثبتي كدا! اما بالنسبة لـ الخمار يـ عيوني ف هوا اصلا فرض واجب عليكي من غير باباكي المفروض تلبسي ودا ميلغيش ان تصرف باباكي غلط و انو كان المفروض الاول يتناقش معاكي و يفهمك انو فرض و انك غاليه و جوهره و المفروض تحافظي علي نفسك .. اهلنا بيعاملونا بنفس الطريقة ال هما اتربوا بيها ميعرفوش ان الدنيا اتغيرت و حنا جالنا اكتئاب من كل حاجه حوالينا ف المفروض هما يهونو علينا مش يزيدو علينا .. الله المستعان بجد
تم النشر السبت، ١٦ ديسمبر ٢٠٢٣
صلي على سيدنا محمد كدة واحسن حاجة تعملها تخديهم علي قد عقلهم وتحاولي تخرجي نفسك من الي انتي في بالصلاة والصوم والذكر هتحسي بأمل ان ان شاء الله ربنا هيوعضك خير عن كل الي شوفتي والله ربنا كبير وحنين اووي بس خلي عندك يقين ب ده وفكك من اي حاجة بتضايقك وحاولي حبي شكلك بالخمار ده بيزيد جكال البنت وحاولي تستغلي في راحتك
تم النشر السبت، ١٦ ديسمبر ٢٠٢٣
اسم الفيديو أنا بكرة اهلي جداااا والتاني أسوأ اب وام في الدنيا الفيديو مش بيكمل ٥ دقايق
تم النشر السبت، ١٦ ديسمبر ٢٠٢٣
وبعدين دول أهلك يعني انتي مش حيوانه ولا حاجه 🙂😂 استحملي واعتبري دا ابتلاء وخلاص بصي ياسر ممدوح عمل فيديو علي الحوار دا ممكن تسمعين هحاول اشيرلك اللينك
تم النشر السبت، ١٦ ديسمبر ٢٠٢٣
اولا صلي علي النبي كدا .. انتي عايشه في بيت أهلك يعني تمشي علي قواعدهم طالما مش بتخالف دينك لحد ما تطلعي من البيت ده ودا طبعا هيكون صعب عليكي عشان هما بيفكروا بطريقه مختلفه عنك وكمان انت عنيده بتقولي بصي أنا ممكن اقولك علي حاجات بسيطه بخصوص الموضوع ده زي متخديش كل حاجه علي اعصابك ريحي دماغك خديهم علي قد عقلهم وركزي بس في صلاتك ودراستك
تم النشر السبت، ١٦ ديسمبر ٢٠٢٣
• كُوني على قدر من المسئولية والثقة ولن يفعلواْ معكِ ما لا تُريدينه ، أما عن مسألة الحجاب فهم حريصين على دخولك الجنة بإلتزامك وأن تكونِي بنت صالحة ، انتبهي لدراستك ولا تلتفتي لتصرفات أسرتك فهذا فقط خوف زائد عليكِ لأن الحياة أصبحت خطيرة وأنتِ في مرحلة المُراهقة.
تم النشر السبت، ٢٧ يناير ٢٠٢٤
لعرض السؤال في فدني اضغط هنا