أنا أواجه مشاكل كثيرة في حياتي أنا انطوائية وعندي ١٨سنه ومخطوبه بواجه صعبه فى الحوار فى الكلام لا احب ان اكون فى مكان مليء بالناس ولا التحدث مع أحد، ليس عندي مهاره الحوار والتحدث فى حياتى كلها ولا أحب اشارك تفصيل حياتى مع أحد حتى لما أواجه مشكله لا اتحدث مع أحد عن هذه المشكله وكمان معرفش أجد لها حل
عايزه اتعلم ازاى أكون اجتماعية واتحدث مع الناس من دون خجل ولا خوف عايزه اتعلم مهارات الحوار والتحدث واتعايش مع المجتمع
السلام عليكم ورحمه الله وبركاته. ااا لما حنتكلم عن الانطوائيه فهي واحده من الصفات اللي بتوصف الشخصيه ولكن ده ما بيكونش معناه ان الشخص ما عندهوش جزء اجتماعي جميل جدا ان انت ذكرتي في سؤالك انك عاوزه تتعلمي المهارات الاجتماعيه وهو ده اللي بيفرقنا ما بين الشخص الانطوائي والشخص الاجتماعي الشخص الاجتماعي هو شخص عنده المهارات الاجتماعيه بشكل طبيعي بشكل فطري وقدر ان هو يمارسها بسرعه وبسهوله الشخص الانطوائي بيكون عنده المهارات دي يعني مقدرش يتعلمها بشكل سريع وبيواجه فيها صعوبه شويه فلذلك بيلاقي الراحه اكثر في الانطوائيه لانه الاجتماعيات بتكون مزعجه بالنسبه له انها بتاخذ منه جهد كبير فخلينا هنا الاول نسال نفسنا ايه الحاجات اللي بتمثل لنا عبء واحنا بنتواصل. مع الاخرين هل مثلا ما بنلحقش ان احنا نرد عليهم هل بنلاقي اهتماماتهم مختلفه عن اهتماماتنا فده بيخلينا شايفين انه الاسهل ان احنا ما نتعاملش قولي لي ايه الحاجات اللي انت شايفه انها بتواجهك كعقبات وانت بتتعاملي مع الناس علشان نبدا منها نحل مشكله الانطوائيه ونبدا نشوف ايه اكثر حاجه في المهارات الاجتماعيه نتعلمها الاول. ما تحسيش ان الموضوع كبير.
تم النشر الخميس، ٦ فبراير ٢٠٢٥
ابتدي القراءة في البداية عشان المهارة دي لازمها انك تسمعي اكتر من انك تتكلمي على عكس فهم البعض ليها، اقرأي كتاب فن التعامل مع الناس لديل كارنيجي هيعجبك كتاب خفيف و مش طويل ،ولو مش بتحبي القراءة مع انها مهارة مفيدة جدآ عقليآ تقدري تشوفي ملخص الكتاب على طول بس هتحرمي نفسك من تجارب الكاتب و خبراته بالنسبة للمشاكل انا مقدرش افيدك فيها اوي لأني زيك صعب اني اثق في حد و احكيله اللي فقلبي كله ،بس بتعامل مع المشكلة دي بطرق تانية سواء من التمرين او الكتابة ، افتحي نوتة على تليفونك واكتبي كل اللي في بالك فيها و هتحسي انك فضفضتي بكل اللي في بالك لو ملقيتيش حل لمشكلتك بتفسك جربي تصيغي المشكلة على انها لصديقتك مش ليكي و انتي بتسأليلها مش اكتر و محدش هيحس
تم النشر الخميس، ٦ فبراير ٢٠٢٥
اهم شيء التطبيق عشان تحسي بالتغيير الفهم مع العمل معظم الناس فاهمه ايه الصح وايه الغلط بس نادرا لما بيعملوا الصح انتي ابدئي ولا لسه في عزلتك لو كل الامور اللي بتتكلمي فيها هتنحل لما تخرجي ووتعاملي مع الناس هتغلطي في الاول وبعدين هتكتسبي خبرات وبعد كده هيكون عندك مهاره في الحوار وفي حل المشاكل وهيبقي عندك أصحاب تقدري تحكي معاهم وهتقبلي كل حاجه الحلو والوحش التطوير بيمر بكل التفاصيل الانعزال بيلم كل الهموم
تم النشر الأربعاء، ١٢ فبراير ٢٠٢٥
عزيزتي، أولاً، أشعر بك وأتفهم مشاعرك. قد يكون عدم التوافق مع المجتمع والتفاعل الاجتماعي تحديًا كبيرًا، خاصةً في مرحلة الشباب. لكن، يمكنك التغلب على هذه العقبات وتعزيز مهاراتك في الحوار والتواصل مع الآخرين. إليك بعض الخطوات التي يمكنك اتباعها: التدريب على التحدث : يمكنك قراءة نصوص أو كتب بصوت مرتفع، أو حتى تسجيل صوتك ومراجعة كيفية حديثك. الهدف هنا هو تحسين النطق والطلاقة. تحديد موضوعات مريحة : اختر موضوعات تحبينها وتكونين على دراية بها، وهو ما يمكن أن يكون بداية جيدة للتحدث مع الآخرين. عندما تكونين مرتاحة في موضوع، يكون التحدث عنه أسهل. استمعي بإنصات : أن تكوني مستمعة جيدة هو جزء مهم من الحوار. عندما تستمعين جيدًا، ستتمكنين من الرد بشكل أكثر فعالية، مما يقلل من شعور الخجل. تدرجي في الانخراط : ابدئي بمواقف صغيرة، مثل التحدث إلى شخص واحد في مكان هادئ، ثم زيدي من نسبة المشاركة تدريجيًا. العمل على الثقة بالنفس : تذكري أن كل شخص لديه مخاوفه وعدم الارتياح. الاحتفاظ بنظرة إيجابية عن نفسك يمكن أن يساعد في تعزيز ثقتك. ممارسة العطاء : ساعدي الآخرين بقدر استطاعتك. يمكنك البدء بمساعدة شخص في حاجة إلى الدعم، مما سيفتح لك أبواب التواصل الجديد. البحث عن دعم : لا تترددي في التحدث مع الأشخاص الموثوق بهم حول مشاعرك. هذا قد يساعدك على الشعور بالراحة أكثر. إذا شعرت أن الأمر صعبٍ عليك، يمكنك التفكير في استشارة مختص نفسي، لأنه يمكن أن يقدم لك أدوات وتقنيات أكثر تخصصًا تساعدك في فهم مشاعرك وطرق التعامل معها. تذكري، أن رحلتك في تعلم مهارات الحوار والاجتماع مع الآخرين تأخذ وقتًا، فلا تستعجلي. وفقك الله في مسيرتك، وكوني دائمًا على يقين أنك قادرة على تحقيق التغيير الإيجابي في حياتك.
تم النشر الأربعاء، ٥ فبراير ٢٠٢٥
شكراً لمساعدتكم لي
تم النشر الثلاثاء، ١١ فبراير ٢٠٢٥
التغير هيحصل لو تبطل تقعد مع نفسك كمان وشوف الناس وحياتهم ماشية ازاي تصرفاتهم واتعلم من اهلك و صحابك واشتغل على نفسك
تم النشر الثلاثاء، ١١ فبراير ٢٠٢٥
عادي جدا والحل ذودي اجتماعياتك الخيريه بهدف تتعلمي امور الحياه
تم النشر السبت، ٨ فبراير ٢٠٢٥
عادي جدا مشكله بسيطه كلما بنواجها اهم حاجه تواجه وتحاول حتي لو هتغلط مع الوقت هتتعلم لكن اوعى تنعزل طالما بتحاول يبقا هتنجح انك تتغير اقعد في وسط الناس شوفهم بيتكلمو ازاي لكن هتعيش مع نفسك مش هتفهم حد ولا حد هيفهمك انا بقولك ده من واقع تجربتي ولما اتحسنت وبقيت بتكلم اتحسنت عشان خرجت لسه مش بعرف اتكلم باتزان بس بتعلم ويحاول انت كمان لازم تعمل كده تخرج كل يوم وتعيش حياتك بكل تفاصيلها الكلام مش هيفيدك ممكن تكون فاهم ومش عارف تنفذ
تم النشر السبت، ٨ فبراير ٢٠٢٥
انا بردو عندي نفس المشكله بس بحاول اتغير وبقيت اتعامل مع الاول بس لسه بردو في أثر التغيير هيحصل لما تبطلي تقعدي لوحدك
تم النشر السبت، ٨ فبراير ٢٠٢٥
حاولي تعملي عكس اللي عايزاه يعني عاوزه عزله يبقا اخرجي واتفسحي
تم النشر الجمعة، ٧ فبراير ٢٠٢٥
التعامل مع الناس.. المواقف كتير والاماكن اكتر، التسوق اكتر عملية فيها تعامل مع البشر، الجمعيات الخيرية التطوعية، الشغل في احد المحلات اي نشاط مع الناس زيارات القرايب الاصدقاء لو فيه.. متيسرة باذن الله
تم النشر الجمعة، ٧ فبراير ٢٠٢٥
انا ماعتبرش دي مشكلة اصلا عندكم، ان دي صفة مميزة، الخجل والحياء .. لكن المحدود
تم النشر الجمعة، ٧ فبراير ٢٠٢٥
اشتغل يا صحبي اشتغل وحاول تسمع نصايح كتير
تم النشر الخميس، ٦ فبراير ٢٠٢٥
لعرض السؤال في فدني اضغط هنا