ازاي ماشربش فيب وابعد عنها خالص هيه بتضيع فلوسي كتير وغير كدة ادماني عليها بقي اوفرر؟
بص أنا في المرحلة دي مع أخويا دلوقتي لما ساب سجاير وراح للفيب بس مش مدمنها وبنحاول نسحبها منه.. بنشتغل بقي معاه إنه يلعب بوكسينج أو جيم فنفسه لما يتعبه يسيبها بنقعد نحببه فصحته وانها أمانه وبلاش منها و بتلجأ ليها متي عشان تبدل العاده دي بشئ تآني بنزن عليه ولما يقعد يومين ناسيها من غير شحن نكافئه باكله حلوه الموضوع محتاج دعم والدعم بيولد إراده فأنت خلي أهلك وصحابك يشجعوك ومارس رياضه وحاول متشحنهاش أو بفلوس الزيت تجيب حاجات تانيه ف ميبقاش معاك فلوس وإنت تركز بتشربها متي هل في أوقات معينه تفرغ زهق وطاقه وغضب يبقي تبدل ده بحركه وعاده تانيه
تم النشر الثلاثاء، ٢١ فبراير ٢٠٢٣
شوف اي اعتياد ع استخدام ماده او دواء او فيب او محتوى بينتج عن الانقطاع عنه ضيق وتوتر يعد سلوك ادماني ..... طيب هتعمل ايه ف السلوك الادماني ده حط لنفسك هدف انك تبطل استخدامها وحط قدامك الخساير الي بتحصلك نتيجه استجابتك للسلوك ده افضل شايف الخساير خساير صحيه خساير ماديه او نفسيه خليهم دايما قدامك وقرر انا مش هشرب قرارك ده معناه انك تبيع الفيب او ترميها والليكود بتاعها كمان ومتخليش ليها اي اثر ف البيت ولو صحابك مدخنين اطلب منهم انهم ميدخنوش قدامك الفتره دي او تجنب وجودك معاهم وابدأ عوض نفسك بحجات تانيه زي انك تشرب اعشاب مهدئه يانسون نعناع كركاديه او اي مشروبات عشبيه واعمل رياضه واشرب عصير فريش وكل اكل صحي لانك هتمشي ع نظام صحي متكامل وهتغير عاداتك الغير صحيه كلها بما فيها التدخين واحسب الايام الي مبطلها وكل يوم بيعدي بيكون حافز ليك ومتضعفش خليك قوي ومتخليش اي حد يحبطك ويخليك تتراجع عن هدفك
تم النشر الأربعاء، ٢٢ فبراير ٢٠٢٣
اولا شوف ايه اللى خلاك تجربها وتشربها من الاول خالص. ثانيا بيعها ثالثا قرر كل ما تفكر تصرف فلوس فى التدخين عموما ..تتبرع بيها لحد عنده حساسيه على صدرة وبيتمنى يتنفس طبيعى واحمد ربنا على نعمة الصحة واكبر شكر للنعمه هو الحفاظ عليها. فى اسئلة هنا بردوا فيها اجابات نصايح للتدخين انصحك تقرأها. https://fedni.net/q/54623074 https://fedni.net/q/44004910 https://fedni.net/q/56422482
تم النشر الأربعاء، ٢٢ فبراير ٢٠٢٣
خلي عندك ارادة لاحظ كمان ان الالتهاب اللي في حلقك ده مش برد لاء دا من الفيب لاحظ كمان ان ضيق التنفس ده مش سببه برد دا سببه الفيب و لاحظ كمان ان فيه منتجات كتير مغشوشة و انت عارف ده لو بتڤيب بقالك فترة و انت عارف ان في نسب نيكوتين مش مظبوطة و بتسبب ان الضغط بيعلا و اكيد جربت ، عايز تبطل خلي عند ارادة و بطل و قصة و خلصت لاحظ ان التدخين بيسحب منك مصاريف و بيعرفك بناس مالهاش لزمة في حياتك اصلا ، و بيدمر صحتك بالتصوير البطيء بس في اتجاه واحد مفيهوش رجوع . ارادة . و عزيمة و بس
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا