انا فاضية ومش لاقيه حاجة اعملها وكل تنكر الناس عليا زمان بفتكره وبيظهر ضيق عليا انا متقلبة المزاج وبتعصب بسرعة وعاطفية زيادة عن اللزوم واجتماعية جدا وبعرف اكون صداقات بس وقت الضيق مش بقول لحد ويبقي لوحدي برغم كمية الناس الي اعرفهما بس انا حاسة اني وحيدة جدا وكمان انا مش عارفة اي الي أنا عاوزاه وكمان انا لسة طالعة من ثانوية وخائفة من النتيجة اوي وخائفة من كل حاجة ومش حاسة بأمان وساعات بتمني الموت انا نفسي في حد يسمعني ويوجهني الصح ويدعمني وده كله يكون من غير اي مقابل انا محتاجة إعادة تأهيل أو دكتور نفسي مجانا محتاجة لحد معرفوش اقدر اقول في حاجة قدامه من غير خوف أو قلق أو اي حاجة انا حاسة اني مجنونة
حبيبتي انتي شخصيه حساسه جدا ودي اعرض طبيعه لان تجربه الثانويه العامه صعبه وانتظار النتيجه بيخلق افكار كثيره سيئه بداخلك لكن لا تقلقي اولاً محتاجه تدوري علي حاجه بتحبيها تشغلي نفسك فيها مثل الرسم او القراءه او الرياضه او تتعلمي شئ جديده ده هيشغل وقت فتره وهيحسسك انك بتعملي حاجه مفيده ثانيا مهم جدا انك تبطلي تكلمي نفسك كلام سلبي لان ده بيزود عندك حاله اليأس ويقلل عندك الشغف ثالثا تحدسي مع نفسك بإيجابيه فقط وخالي عندك ثقه في ان الله سوف يختار لكي الأفضل واهم شئ ان تتقربي من الله اكثر واقرائي ورد من القراءن يوميا حتي ولو صفحه وان شاءالله سوف تفرحي بنتيجتك وربنا هيجبر بخاطرك وايضاً اكثري من الاستغفار
تم النشر الاثنين، ٢٢ يوليو ٢٠٢٤
خبر سعيد، أنت في المكان الصحيح، مرحبًا بك على الأغلب كل الذي تشعرين به هو قلق من نتيجة الثانوية. لا داعي للقلق، وكوني واثقة أن الله سيختار لك الخير أيا كانت النتيجة. دعينا نحلل المشاكل الآن: العصبية: العصبية مشكلة يمكن السيطرة عليها وإدارتها، يأتي الأمر بتحديد ما يثير عصبيتك ثم التدريب على إبداء رد فعل هادئ، مع مراقبة التطورات وتقييم الوضع ستتحسن الأمور. أذكر أنني في مرحلة ما ولسبب ما كنت أعاني من عصبية مفرطة تجاه أطفالي، فكان من ضمن التدريب الذي وضعته لنفسي أنه مسموح لي بالصراخ مرتين في اليوم ^^ فطبعًا كلما أردت الصراخ أتذكر الشروط فأقرر ادخار الصراخ لمرة تكون أهم وأولى، وهكذا حتى تحسنت الأمور بفضل الله. العاطفة المفرطة: العاطفة شعور يكون مذموم إذا كان سببًا في إلغاء قدرة المرء على التفكير المنطقي العقلاني، فلنضرب مثالًا، إذا بكت أمامك طفلة صغيرة لأنها تريد اللعب بالسكين، لن تطاوعيها بسبب بكائها ولن تقودك العاطفة، لذلك تعلمي عن التفكير العقلاني وابحثي عن مصطلح المغالطات المنطقية، بالبحث والتعمق ستتغير طبيعتك التي تطغى عليها العاطفة لتصبح متزنة. وأكثر ما سوف يساعدك على التغيير هو ابمشاركة في مجتمعات مختلفة، بحيث تتعرضي لمشاكل ومواقف وثقافات مختلفة، ومجتمع فدني مناسب لك لتنطلقي. الاحساس بعدم الأمان: ما الذي تفكرين فيه ويخيفك؟ ما هي أكبر مخاوفك، لدي الكثير لأقوله لك هنا، لكن أفضل أن أنصحك بسورة البقرة، جربي وأخبريني كيف شعرتِ. تمني الموت: حفظك الله، حقك طبعًا أن تتمني الموت بسبب تشتتك وعدم قدرتك على التعامل مع كل هذه الدوشة في دماغك، لكن ها نحن ذا نحاول ترتيب الأمور، وأبشري بالخير. سأنتظر رأيك في كلامي.
تم النشر الأحد، ٢١ يوليو ٢٠٢٤
أولاً، أحب أقولك إنك مش مجنونة خالص، واللي بتمرّي فيه شيء طبيعي جدًا، وكل الناس بتحسّ بوحدة بين الحين والآخر. الأحاسيس دي بتكون جزء من الحياة والتحديات اللى كل الناس بتواجهها. ثانياً، خلّي بالك إن المرونة النفسية مش شيء بيحصل بين يوم وليلة، محتاجين نكون صبورين على نفسنا ونبدأ بخطوات ولو صغيرة. هديكي شوية نصايح ممكن يساعدوكي: خصّصي وقت لنفسك: حتى لو قليل، جرّبي تعملّي حاجات بتحبيها أو بتريحك، زي القراءة أو الرسم أو حتى المشي. تواصلي مع الناس القريبة منك: مش شرط يكون عندك أصدقاء كتير، لكن حتى لو صديق واحد بتثقي فيه وممكن تتكلمي معاه بجد، ده هيخفف عليكي كتير. تحديد أهداف صغيرة ومحققة: زي تعلم هواية جديدة أو اكتساب مهارة، ده هيخليكي تحسي بإنجاز ويبعدك عن الوحدة. الإسترخاء والتمارين التنفسية: جرّبي تمارين التنفس العميق أو اليوغا، بتساعد كتير في تهدئة الأعصاب وتقليل التوتر. اطلبي مساعدة: مفيش عيب في إنك تطلبي مساعدة من محترف نفسي. فيه جمعيات ومراكز بتقدّم الدعم النفسي مجانًا أو بتكلفة منخفضة. كتابة مشاعرك: جرّبي تكتبّي الأحاسيس اللي بتعيشيها في دفتر أو حتى في تليفونك. الكتابة ممكن تكون طريقة ممتازة لتفريغ الأحاسيس. اعتني بصحتك العامة: يعني نوم كفاية، أكل صحي، وشرب مية بانتظام. الدنيا مليانة تحديات، لكن دايمًا فيه أمل. لو لقيتي نفسك حاسة بضيق شديد أو أفكار سلبية كتيرة، متتردديش إنك تطلبي مساعدة. حياتك غالية والمستقبل قدامك مليان فرص وأمل. إحنا هنا عشان نسمعك وندعمك. ولو عندك أي استفسار أو محتاجة نصيحة في أي وقت، أنا هنا مستعدة أساعدك. ვ
تم النشر الأحد، ٢١ يوليو ٢٠٢٤
لعرض السؤال في فدني اضغط هنا