شخص كنت أكلمه على الانترنت ثم تغير معي بعد دخوله الجيش، ما السبب وماذا أفعل معه؟

Question

السلام عليكم ورحمه الله وبركاته في شهر ٩ اللي فات ده في حد دخل كلمني علي التلجرام انا كنت بنزل استوريهات وهو كان بيشوفها وكان بيعمل لايكات عليهم فأنا كنت عاوزه اعرف بس هو مين دخل وكلمني وانا قلت له انت مين فقالي رقمك متسجل عندي باسم والدي وهو فعلا الخط كان متسجل باسم والده بس انا لما جبت الخط ده مكنش مع حد وقتها قالي دي خوارزميات التلجلرام وقالي عارفه يعني ايه خوارزم ‏فقالي أنتي في ايه الاول علشان اعرف اشرح لك بطريقه مناسبه أو كويسه ‏فقلت له أنا كنت ف ايه ودلوقتي في إيه وعرف اسمي وكل حاجه ‏وقعدنا نتكلم كتير اوي بجد فأنا قلت له إن اللي احنا بنعمله ده غلط ومينفعش نتكلم كده قالي معاكي حق وممكن لما تحتاجي اي حاجه تكلميني فقلت له شكرا ‏وخلصت الموضوع في اليوم ده ‏جه هو بقي تاني يوم كلمني تاني هو كان بيسالني سؤال فرديت عليه عادي جدا ‏فنزلت استوريهات تاني وعلق عليها برضو وعمل لايكات ودخلي واتكلمنا كتييير وبقي كل يوم يكلمني ويتطمن عليا ‏وحكى لي كل حاجه حصلت في حياته وكان بيحكي لي اي حاجه مضايقاه ‏وكان كلامه كويس جداً معايا طول الفتره دي والمفروض أن هو دخل الجيش في شهر ١٠ اللي فات وهو كان متضايق جدا أنه داخل الجيش ‏فجه في ال٣ ايام اللي قبل الجيش دي مبقاش بيتكلم خالص ولا حتي بيقول صباح الخير زي عادته ومقاليش حتي أن هو مسافر فأنا معتبتهوش وقتها ولا قلت له أي حاجه عملت أن عادي مش فارقه معايا مع اني بجد كنت زعلانه جدا وعيطت وقتها ومش عارفه بجد هو ليه عمل كده ‏والمفروض أنه جه من الجيش الاسبوع اللي فات ده مكلمتنيش برضو ولا قال لي اي حاجه فكان منزل استوري فدخلت له قلت له حمد الله علي السلامه فقالي الله يسلمك وحشتيني وعامله ايه ‏وبرضو كلامه قليل اوي معايا ‏فعاتبته المره دي قولتله انت ليه بتعمل كده ‏ليه مبقتش بتتكلم خالص كده انا مش فاهمه بجد ‏قالي قبل الجيش كان فيه خطوبه اخويا وكانو اهلي معترضين ع الخطوبه فكان فيه شويه مشاكل ‏وكان لازم اعرف انا سلاح ايه فتوهت وقتها ومعرفتش ‏ودلوقتي انا جاي من الجيش تعبان جدا وعاوز ارتاح وانتي شايفه الاجازه اسبوع واحد بس ‏انا بقيت حاسس اني عامل زي العصفور اللي محبوس في قفص بيعمل اللي بينطلب منه وخلاص انا نفسي مش عارف انا ليه بعمل كده ‏وكلام كتير كده ‏انا عندي ١٨ سنه وبدرس حاليا وهو عنده حوالي ٢٣ أو ٢٤ ومخلص جامعه وشغال ‏هو قالي المره دي أن هو مسافر فلما سافر انا عملت له بلوك من كل حاجه عندي ‏انا بجد معرفش هو ليه بيعمل كده والله كان كلامه كويس جدا ف الاول وكان بيزعل لما كنت بتأخر عليه ف الرد وكان بيقولي انتي مطنشاني ليه ‏كان كل شويه بيدخل يتطمن عليا ويقولي بتعملي ايه وكان بيحكيلي يومه كان ماشي ازاي النهارده وانا بجد ارتاحت معاه ف الكلام وحسيت اني حبيته فقولتله انا حاسه ب كده ‏فسألته انت حاسس بحاجه فقالي وقتها اه ‏قالي انا برتاح جداً وانا بكلمك وببقي مبسوط اوي ‏برايكم ‏هو ممكن يكون بيعمل كده ليه ‏وهو فعلاً اللي بيدخل الجيش بيبقي مضغوط اوي كده ‏انا عملت بلوك مش عارفه انا كده صح ولا غلط ‏قولوا لي والنبي اعمل ايه لاني بجد تعبت وبقيت تايهه ومش فاهمه حاجه 😓😓 ‏

Accepted Answer

السلام عليكم، هو مبدئيًا، كويس إنك عملتِ بلوك وكملي على كده. انتِ لسه 18 سنة يعني هعتبر نفسي أختك الكبيرة وأنصحك... أنتِ لسه صغيرة. مش هقول لك العلاقات دي حرام لأن اعتقد دي المفروض حاجة معروفة، والمفروض كمان متكلميش شاب من ورا أهلك لأن دي تعتبر خيانة لثقتهم فيكِ... لما هم اشتروا لكِ الموبايل والنت كانوا واثقين فيكِ. فبلاش ترجعي تكلميه من وراهم. خلاص اللي حصل حصل، وأنتِ دلوقتي تعلقتِ به. العلاقات اللي على الانترنت في الغالب دي نهايتها... جربي تبحثي في الجروب كده وشوفي كمية الأسئلة اللي من بنات مروا بنفس تجربتك وقلوبهم انكسرت أو حصل معهم تجارب بشعة ربنا يحفظك ويحفظ الكل. *** الشخص ده احتمال لما لقاك قلتِ له غلط في الأول لقى الموضوع تحدي... واحتمال كان عنده فضول ناحيتك واكتشف في النهاية إنك بنت عادية أو مش اللي يهتم بها.. واحتمال يكون مل أو زهق... واحتمال اكتشف إن غلط يعلقك به وهو مش ناوي يخطبك مثلا. فيه احتمالات كتير، لكن الأكيد إنك كان المفروض تعززي نفسك ومتتعلقيش بأي حد وترمي مشاعرك كده. اعتبريها تجربة اتعلمتِ منها ووقفيها لحد هنا، ركزي في حياتك وانجحي عشان تعرفي تختاري صح في الوقت المناسب، واعرفي إن اللي بيحب واحدة بيخاف عليها حتى من نفسه ولو مش مستعد يتقدم لها عشان مش جاهز هيبعد عنها بدل ما يعلقها بأحبال دايبة.

Answer

انا شايف أن دا مجرد تعلق بيقوم فيه الطرف او الطرفين بإسقاط بعض المشاعر المكمونة والمنسوبة لحد تاني ؟ زي الأب او الأم او المدرس او غيره. كلام الشات ما يعتبرش علاقة لأن الطرفين مش مطلعين علي الصورة الكاملة للآخر ولا المشاعر المكمونة تحت العبارات والأيموشن فبتعد علاقة سطحية (ناقصة) واللي بتكمل من وحي خيال الأطراف زي أنك بتشوفيه بصورة معينة عكس الحقيقية ! من واقع العبارات أنك محتاجه اهتمام حد تتكلمي معاه ويهتم بيكي ويسأل علي احوالك ودا اللي هو بيوفرهولك مع لعبة خبيثة جدا اسمها الكر والفر واللي بتعني عدم التوفر الدائم. ويمكن تغييره دا كان نيل غرضه من العلاقة اللي ممكن تكون الأحساس بالرغبة. نصيحتي ليكي تفرغي لدراستك واولوياتك ومتضايقيش وعايزك تتطلعي علي قضايا التعلق في علم النفس وربنا يحفظك.

Answer

وعليكم السلام ورحمه الله وبركاته نحاول اجاوبك على السؤال اللي انت بتدوري على اجابته وهو ممكن يكون بيعمل كده هو لما دخل الجيش عرف يعني ايه مسؤوليه بدا يشوف الحياه بشكل ثاني اتعرف على ناس يعني ممكن يكون حد منهم خاطب حد منهم متجوز حد بيستعد للجواز يعني يتعرض لمواقف والحاجات وريته الحياه بشكل قاسي اكتر وده بيحصل مع كل اللي بيدخلوا الجيش نظرته للمسؤوليه هتخليه ما يتكلمش معاكي زي الاول ان شاء الله يكون هو كمان راجع نفسه وعرف انه الكلام معاكي كثير غلط ومش صح كلام من بدايته ما كانش صح وانت عارفه ده كويس فانه هو يرجع نفسه ويقرر يتراجع عن الغلط ولا دي حاجه كويسه يعني وجميل طيب هو متراجعش وهو يعني عمل كده عشان خاطر. ظروف الجيش والظروف صعبه معاه بقى او نفسيا مش احسن حاجه والله دي فرصه ربنا بيديها لك علشان انت اللي ترجعي عن الغلط عشان انت اللي توقفي الكلام فانت عملتي بلوك تمام كده جدا ويا ريت ما ترجعيش تتكلمي معاه تاني وانت شيطان خدك في السكه اللي المفروض ما كنتيش تروحيه اصلا ااا رقم بقى. تسجل مش بتاعنا بتاعنا خلاص احنا مش محتاجينا نسال انت مين ولا ولا اي كلام من ده. والاشخاص اللي بيبقوا وراهمش حاجه بيقعدوا يتابعوا الستوريات يعني احنا مش كل حد هيقعد يتابع ستوريهات هتعملي معاه كذا تكلمي معاه يعني حتى لو كان الرقم بتعرفيهوش.

شخص كنت أكلمه على الانترنت ثم تغير معي بعد دخوله الجيش، ما السبب وماذا أفعل معه؟

اجتماعية

علاقات

سؤال من جنه الرحمن

تم النشر الأربعاء، ٤ ديسمبر ٢٠٢٤

5 إجابة

0 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك