ما الحل لكره النفس وجلد الذات المستمر والشعور الدائم بالفشل؟

Question

السلام عليكم ورحمه الله وبركاته انا اعاني من كره الذات بحيث انني اجلد وأذم في نفسي بشكل كبير جدا بالاضافه الى عدم رضايا عن حياتي واحساسي بالفشل وايضا عدم القدره مع التعايش مع المجتمع. كمان كنت أعور نفسي من كتر كرهي لها يعني حاسس اني مهما تعبت وذاكرت واشتغلت فاشل برده ومعملتش اي انجاز في حياتي يعني مثلا دراسه مجبتش الكليه الي انا كنت حاببها واهلي بيذموا فيا ومبيعملوش اي حاجه غير انهم يعتبو علي ويقارنوني بفلان وفلان انعزال.وحده. بتيجي في دماغي افكار واسئله ربنا يسامحني عليها بتكون متعلقه بالذات الالهيه بس مع اني بصلي وقريب من ربنا بس انا مبعرفش ابطل تفكير في كل حاجه من كتر التفكير انا بقيت بكلم نفسي اقعد اتخيل مواقف خياليه واضع نفسي فيها مع انها مش حقيقيه بس بيوصل بيا الحال اني بعيط دايما متوتر مشوش مش مركز وبنسي كتير اوي يعني لدرجه ان الحاجه بتكون في إيدي وأنا ناسيها كمان الموضوع مآثر علي الجانب الدراسي في الجامعه يعني بكون بذاكر سهران طول الليل وبعد كدا اروح الامتحان التوتر وأنسى بدأت احس إني بدأت اتجنن حاولت بدل المره مليون مره انظم حياتي وارتبها وأبدأ من جديد بس مبعرفش اركز وبقع في نفس الخطأ تاني ياريت حد يفيدني باي حاجه

Accepted Answer

السلام عليكم ورحمه الله وبركاته. واضح جدا من انه كرهك لذاتك يعني جاي من الانتقاد الشديد جدا جدا لاهلك وعدم اعترافهم باي حاجه انها انجاز او ابنها نجاح الا اللي بتكون بالشكل اللي هم عاوزينه بالظبط. وده طبعا يعني كفيل ان هو يخليك على قد ما انت حاطط اهلك في مكانك كبيره وعاليه من وانت صغير بتسعى لرضاهم وانك تشوف بس في عينيهم ان هم فخورين بيك ومبسوطين باللي انت عملته ولكن للاسف ممكن يكون ده حتى الان ما حصلش ويكونوا دائما بيطلبوا الاحسن والاحسن وما بيعترفوش باي حاجه ان هي شكل من اشكال الانجاز لذلك خلاص ده بقى نسخه انت واخدها منهم بالضبط ومشيت عليها لانك ما عرفتش غيرها وهنا هنيجي للحل انا محتاج ان انا اشوف نسخ اخرى، ايوه الاهل بيكونوا محطوطين في المكان الرئيسيه والاوليه عند اي شخص من بدايه التنشئه من مرحله الطفوله ومع التطور بتاع النفس البشريه من المفترض ان انا ابدا انفتح على الحياه وابدا آخد الدور بتاعهم اللي هو دور رئيسي ولكن اضيف له ادوار اخرى من مصادر اخرى ده واضح ان هو متعملش خالص معاك فانت محتاج تبدا تعمله تبدأ تشوف ناس ثانيه بتقول لك برافو. الناس ثانيه تقدر فعلا انت كلامهم لو في اشخاص انت شايف ان هم اشخاص ثقه بالنسبه لك حد انت بتحترم رايه وبتحترم كلامه هتحتاج تبدأ من عنده وتبدا تقول لهم شاوروا لي على الحاجات الكويسه في حياتي. والخطوه الاهم هو انك تصدق كلامهم. وتبدأ يعني تتشبع من وجهه نظرهم ومن رايهم اكثر. من انك تسمع لاراء اهلك لانه كده واضح ان الاب والام عمرهم ما هيقولوا برافو كويس اللي انت عملته ده وانت نجحت. لانه هم منتظرين اللي هم عايزينه بالضبط والا خلاص كده انت محققتش حاجه فخلينا نبدا نحاول نعمل ده علشان تخرج من الدايره اللي بقت ضيقه قوي انت اللي تقدر تعمل ده هتقدر يعمله خالص، بيبقى الموضوع حرفيا انك هتسد ودانك لما هتكون وسط اهلك اللي هما الأب والام وخصوصا في انك تسمع رايهم عنك هنعمل ده شويه وبعد كده نبدا نكون متوازنين في ان احنا حتى لما هنسمعهم مش هنتاثر بنفس الشكل اكيد هنتاثر لكن مش بنفس القوه لانه هنكون عاملين لنفسنا حمايه ذاتيه من استماعنا لنفسنا حقيقي عشان المرحله اللي بعد كده بعد ما نتشبع بس بكلام ثاني افضل ان احنا هنبدا نشوف رأينا عن نفسنا ازاي نشوف نفسنا افضل من كده.

Answer

وعليكم السلام ورحمة الله وبركاته، أخي العزيز، أود أن أعبّر عن مشاعري تجاه ما تمر به. إن الشعور بكره الذات والتوتر المستمر يمكن أن يكون تحديًا كبيرًا، ولكن من المهم أن تعلم أنك لست وحدك، والعديد من الأشخاص يواجهون مشاعر مماثلة. أولاً، دعني أؤكد لك أن وجود أحاسيس سلبية تجاه الذات لا تعني أنك فاشل. كلنا نتعرض لانتقادات سواء من أنفسنا أو من الآخرين، ولكن الأهم هو كيف نتعامل مع هذه الانتقادات وكيف نُعزز من أنفسنا. التقبل الذاتي : حاول أن تتقبل نفسك كما أنت. تأكد من أن كل فرد لديه نقاط قوة وضعف. فبدلاً من التركيز على الفشل، حاول تحديد إنجازاتك الصغيرة. كل خطوة إيجابية تُعدّ إنجازًا. التواصل مع الآخرين : العزلة يمكن أن تزيد من مشاعرك السلبية. حاول التفاعل مع الأصدقاء أو أفراد العائلة الذين يدعمونك. يمكنك أيضًا التفكير في الانضمام إلى مجموعات دعم حيث يمكنك مشاركة مشاعرك وتجاربك. تحديد الأهداف : بدلاً من السعي لتحقيق أهداف ضاغطة، حاول تحديد أهداف بسيطة وقابلة للتحقيق. هذا سيساعدك على بناء الثقة في نفسك. البحث عن مساعدة محترفة : إن كان ذلك ممكنًا، يمكنك التفكير في مراجعة مختص نفسي أو معالج. قد يكون الحديث إلى شخص محترف حول مشاعرك وأفكارك طريقة فعالة للبدء في تحسين صحتك النفسية. التقرب إلى الله : تذكر أن الصلاة والدعاء يمكن أن تكون لها تأثير قوي على نفسيتك. حاول أن تخاطب الله بما في قلبك، واطلب منه العون والهداية. الابتعاد عن المقارنات : المقارنات مع الآخرين يمكن أن تكون مُحبطة للغاية. تذكر أن لكل فرد مساره الخاص، وأن النجاح يأتي بطرق مختلفة. أخيرًا، أعدك بأن وضعك اليوم ليس هو نفس الوضع غدًا. التغيير يحتاج إلى وقت وصبر، لكن يمكنك تحقيق ذلك. ضع خطة صغيرة وسنبدأ خطوة خطوة لتحقيق ما تريده. إذا شعرت بالارتباك أو الضغط، لا تتردد في البحث عن دعم إضافي. وفقك الله وأعانك.

ما الحل لكره النفس وجلد الذات المستمر والشعور الدائم بالفشل؟

نفسية

اجتماعية

سؤال من احد أعضاء فدني

تم النشر الثلاثاء، ١١ فبراير ٢٠٢٥

2 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك