السلام عليكم
انا طالبه في 2ث اتعرفت علي شخص علي السوشيال ميديا وحبينا بعض وارتباطنا وهو اكبر مني بسنه احنا بنحب بعض جداا حياتنا كلها مع بعض نعرف عن بعض كل حاجه حرفيا وعمره م كلمني بطريقه مش كويسه او طلب اي حاجه غلط هو معهوش غير صوره ليا عشان يبقي عارف شكلي بس، دايما يقولي اهتمي بدراستك ويقولي انا خايف نبعد او انتي تسبيني وكمان يقولي عمري م هزعلك ولا اسيبك ودلوقتي علاقتنا كويسه
بس انا خايفه فعلا نبعد وخصوصا لان هو في محافظه وانا في محافظة تانيه مش عارفه اعمل اي انا حياتي هتدمر لو بعدنا
وعليكم السلام ورحمه الله اي علاقه بدايتها لاترضي الله نهايتها لن ترضيك وبعدين بتقولي انك ف ٢ث ف انتي المفروض تهتمي بدراستك اكتر من التفاهات اللي كثرت اليومين دول تحت مسمي الحب ، انتي بتتعاملي مع حد مقابلتيهوش ولا مره وقد يكون بيخدعك بالكلام المعسول حتي يأخذ مراده وده برده بيرجع لفقر الاهتمام اللي عندك مش حب لأن مفيش حب ف السن ده وبالطريقه دي فنصيحتي ليكي اقطعي علاقتك بيه وطالما قال هيتقدم ١ كلية يبقي تنتظريه ولو ليكي نصيب فيه هتاخديه
تم النشر الاثنين، ٤ ديسمبر ٢٠٢٣
وعليكم السلام ورحمة الله وبركاته طيب شوية اسئلة كده .. انتي معترفة ازاي بحب السوشيال ميديا؟ يعني علشان نقول على شخصين ان بينهم حب، ع الاقل لازم تكون فيه علاقة من الاساس والعلاقة بتجمعهم ع عدة حاجات كتير .. لازم يكونوا يعرفوا بعض بينهم روابط اجتماعية .. مواقف واحداث واهل .. فين كل ده؟ شوفتيه بيتصرف ازاي مثلا مع اهله؟ اصحابه؟ عارفه عنه ايه؟ طيب اللي عرفتيه متأكده منه ازاي؟ اخرة العلاقة ديه ايه برضه؟ انتي مش متخيلة ازاي ان فيه ناس بيضحك عليها بكلمتين من خلال السوشيال ميديا وغيره بحجه الحب! ويقعدوا مع بعض بالكام سنة وبعد كده؟ مفيييش طيب لو طلع صادق معاكي .. لو افترضنا كده .. هو قدامه من 7 الى 10 سنيين عقبال ما يبقى جاهز وديه اقل مدة .. في ظل الكام سنة ديه، مشاعر الواحد بتتغير على افتراض ان ده حب .. مش مجرد مشاعر عابرة، او تعلق واهتمام. لان لما تكبروا شوية التفكير نفسه بيتغير، ف كل حاجه بعدها بتتغير، نظرتك للاشياء بتختلف، هتحسي ان الحاجه اللي انتي كنتي بتحبيها ممكن تفكيرك فيها يتغير. وده مش ف العلاقات وبس، في حاجات تانيه كمان. ف فالفترة ديه صراحة متنفعش خالص للارتباط، لان الشخص مش بيبقى ناضج كفايا للمواضيع ديه.
تم النشر السبت، ٢ ديسمبر ٢٠٢٣
لو بتحبيه فعلا خليكي معاه لكبس من غير تجاوزات لغاية ما فعلا يبقى قد وعده ويدخل البيت مو بابه مع ان الدين بيقول انه المفروض متتكلموش الا لو فيه حاجه رسمي بينكوا وعالعموم ربنا يوفقكوا مع بعض
تم النشر الثلاثاء، ٥ ديسمبر ٢٠٢٣
أيا كان بتحبيه قد ايه أو هو بيحبك قد ايه انا مقدقاكي ومشاعرك دي حقيقية ومن حقك تماما ولكن كلامك معاه طول الوقت حرام يا بنت الناس وربنا حطلنا حدود نمشي عليها ، وهي انه وقت ما يكون جاهز يتقدم يبقى ييجي وساعتها بس تكلميه، كلامك معاه طول الوقت ده حرام ويمكن كبيرة كمان، ، الحاجة اللي بدايتها مترضيش ربنا مستحيل أبدا ترضيكي وعاقبتها مش هتكون أبدا كويسه،،لما ييجي يخطبك ابقي كلميه، لكن الصح دلوقتي انك تثوليله مش هنتكلم لأن كلامنا ده حرام لحد ما تيجي تتقدملي، والله لما بتتركي حاجه بتحبيها لوجه الله مش هيخذلك أبدا وهيعوضك عنها ولو فيها الخير هتكون ليكي، بلاش تعلقي نفسك بمجرد احتمال وتربطي حياتك بيه، لأن حياتك مش هتقف عليه أساسا.
تم النشر الاثنين، ٤ ديسمبر ٢٠٢٣
من المفروض انو يدخل البيت من بابو ويجي ويتقدملك
تم النشر السبت، ٢ ديسمبر ٢٠٢٣
هو قالي هيدخل جامعه قريبه مني عشان يكلم اهلي الموضوع مله يخلص السنه دي بس
تم النشر السبت، ٢ ديسمبر ٢٠٢٣
لعرض السؤال في فدني اضغط هنا