أنا مدمن للإباحية والعادة السرية وحاسس إنها بتأثر على مستوايا الدراسي والاجتماعي... المشكله اني في أول سنة جامعة وعايش لوحدي ومش قادر اتحكم في الموضوع زي ما كنت بعمل لما كنت عايش مع اهلي...
أنا عارف انها غلط وحرام ومش بستهتر بنظر ربنا ليا وبغض بصري ومانع أي حاجة خارجه انها تظهر لي على السوشيال ميديا وبرضو بتيجي في دماغي تخيلات بتخليني أفتح المواقع واتعمق وتمر دقايق وساعات من حياتي وانا مش حاسس بنفسي
وكل مره بقول اخر مره والمشكله اني عملت كل النصايح اللي بشوفها بس الفراغ والوحده مخليين دماغي تسرح في الخيالات دي ومبحسش بنفسي غير بعد ما اكون وقعت في العادة.
والجديد ان الموضوع بقى متكرر اخر فتره وبقعد فيه ساعات ولما بيكون عندي امتحان بسيب المذاكره ومبحسش بالوقت وهو بيعدي وانا بعمل القرف ده...
انا شفت فيديوهات لا تعد ولا تحصى بتتكلم عن الاباحيه والعاده السريه وخطورتها وكيفية التخلص منها واحكامها الشرعيه ووالله ما عارف اعمل ايه ولا اتصرف ازاي ومعنديش حد ألجأ له يساعدني او يسمع مني بفكر في ايه وايه اللي خلاني ازل وانتكس... انا محتاج حد يسمعني، افضفض له، احكي له على التطورات حلوه او وحشه، انا محتاج مساعده عشان الوضع خرج من ايدي ومش عارف اعمل ايه
السلام عليكم، حضرتك ممكن تشوف إجابتي على السؤال ده وإن شاء الله الفيديوهات اللي اقترحتها فيه تساعدك. https://www.fedni.net/q/68630438/كيف-أتخلص-للأبد-من-إدمان-الإباحية
تم النشر الاثنين، ٢ ديسمبر ٢٠٢٤
لعرض السؤال في فدني اضغط هنا