ازاي اقدر اساعد شخص فاقد الشغف في اي حاجه مش بيفرح بأي حاجه عنده خمول وكسل دايما عنده احساس انه مش بيقدر يعمل حاجه
وانه معندوش طاقة يعمل اي مجهود
كلامه قليل اوي مش بيشارك في اي حاجه
طبعا محتاجين نعرف ايه اللي حصله خلاه يكون في الحالة ديه. لو مفيش حاجه حصلت والموضوع ده يعتبر بيحصل عموما له، ف هنا محتاح يفهم شوية حاجات .. يفهم بان الشغف مش كل حاجه في الحياة، وانه مش لازم اعمل حاجه معينه لما يكون عندي شغف وحافزية لعمل الشئ ده. للاسف الموضوع انتشر جدا، وان لازم يكون عندي شغف علشان اعمل الشئ الفلاني، ولازم يكون عندي مولد للشئ وحافزية .. وكل الكلام ده. بس هو في الحقيقة مش لازم اي حاجه من ديه اساسا. احنا مش كل حاجه بنعملها بيكون وراها حافزية، في حاجات بنعملها علشان فقط احنا ملتزمين بيها، عندنا مسؤولية اتجاهها. وهي ديه الحقيقة .. (الهدف والمسؤولية) مش الشغف. هل كل يوم بنبقى صاحين من النوم وعايزين نعمل كل حاجه في الحياة؟ هل كل يوم بنبقى عايزين نذاكر؟ هل ك يوم بنبقى عايزين نشتغل؟ طبعا لأ، ولا كل يوم بيبقى جوانا نفس المشاعر ... حل الشخص ده انه يفهم .. ان الشغف مش كل حاجه في الحياة، ولو فضل فاهم ان لازم كل حاجه يبقى وراها شغف، مش هيعمل اي حاجه.
تم النشر السبت، ٢٦ أغسطس ٢٠٢٣
كون معه دايما واسال عليه وشوف شو الشي الي فقدله شغفه وساعده بانو يرجع الشغف.. دايما امدحه و زود شوي بالمدح حسسه انو الي موجود عنده حاجة حلوة وايجابياته اكثر من سلبياته واعطيه حاجة ينشغل فيها بحيث انو تكون ضامن نجاحه فيها مشان لما ينجز وينجح يفرح ويرجع شغفه ف امدحه واشغله.. وكمان الفت نظره بحاجة جديدة عملها اخر فترة مثلا وهو مش ملاحظاها او حاجة بشخصيته وهو مش واخد باله منها مثلا انو الاسبوع الفات خربش عالدفتر وهو بالنسبة اله عادي بس انت قله انا عجبتني الخربشة حسيتها لوحة فنانة او مثلا احكيله انو انت اذا حطيت ببالك شي بتنجزه وبتخلصه قبل بوقت وبكون ممتاز وفل وانو انت قدوتي بقوتك او بصداقتك وانا بتعلم منك.. ما تبالغ كتير بمدحك بس حاول تمدح باعتدال.
تم النشر السبت، ٢٦ أغسطس ٢٠٢٣
شوف ايه الحاجات اللى ممكن يعملها وهو قاعد فى مكانه وشجعه عليها واعملها معاه اشخص ده محتاج يحس حلاوة طعم الانجاز عشان يدمنه ويرجع يتحرك الانسان بيركن الى الراحه بس مفيهاش سر سعادته عشان كده الشخص بيسعى للحركة والشغل ...متعبين اه بس بيوفروا اللى محتاجينه من احتياجات نفسية ... الشعور بمعنى الحياه يأتى من شعورة باهكية وجودة وانه ممكن يكون ليه دزر وتأثير ...حتى لو فى ناس زيه فى اماكن اخرى ...المهم انه مكانه هو مرتبط بيه وبافعاله وانجازاته مهما كانت صغيره من ابسط الاشياء ...اننا نحسسه انه احسن واحد بيعمل شاى مثلا ..ومش بنعرف نشربه ولا نستطعمه االا من ايده وهكذا حتى يتحرك الموتور وينطلق
تم النشر الاثنين، ٢٨ أغسطس ٢٠٢٣
بالدعاء ليه اولا وثانيا تحاول تقرب منه وتخليه يتكلم لحد ما تفهم اي ال مخليه فاقد الشغف بالطريقه دي وبعدين تحاول تبدأ تهتم ب الشيء ال يخليه يتجاوز ده ويبدأ يلاقي شغفه وتقنعه ان فيه فرص تانيه وانه يقدر ينجح بس يركز ويستمر . انا كمان فاقد الشغف ولما بحاول اتغلب علي كدا واقاوم ده والاقي حاجه تخليني استمر ف ال فيه شوية وقت وبرجع تاني فاقد للشغف وكل حاجه ، ودا بسبب اني شايف الوضع الحالي وان مهما سعيت ف هاخد حاجه مش زي مانا كنت متوقع واتحطيت ف حته شايف انها مش مكاني ، وكمان محتاج شخص يحتوي دا ويبدأ يهتم مثلا والاقي انه يستحق اكمل معاه ف الطريق او يكون دافع ليا اكمل ، بص هو فيه اسباب كتير وانا ذكرتلك اكتر من حاجه يمكن يساعدوك ف فهم الشخص ده ولكن ممكن تكون حاجه قديمه جدا وهو لسا بيعاني منها لحد دلوقتي حتي ولو هو مفكر انه خلاص تجاوزها
تم النشر السبت، ٢٦ أغسطس ٢٠٢٣
+1
تم النشر السبت، ٢٦ أغسطس ٢٠٢٣
خدى يخرج يشوف الدنيا
تم النشر السبت، ٢٦ أغسطس ٢٠٢٣
لعرض السؤال في فدني اضغط هنا