ازاي اعرف ان الشخص اللي مخطوبة ليه ده هو الشخص الصح وامتي المفروض مكملش وايه هي المشاكل اللي لا ممكن استحملها واعطيها وايه المشاكل اللي لو ظهرت المفروض مكلمش ولو قررت اني مش عايزة اكمل اتصرف ازاي مع العلم اني اتعلقت بيه بس خايفه من المستقبل
فيه حاجات بتبقى اساسيات .. زي الكدب، والبخل، والمعاملة الجافة والغير محترمة سواء معاكي او مع الاهل او مع اي حد عموما. وفيه حاجات بتبقى على حسب بقى .. يعني فيه ناس ممكن تسامح في الخيانة، وفيه ناس ممكن تتعامل مع الشخص العصبي.. في المرحلة ديه اللي هي الخطوبة .. مينفعش تتعقلي بيه، لان لو اتعلقتي بحد وقولتي لا انا مش هقدر اعيش من غيره، يبقى حكمتى على نفسك حكم بالاعدام .. عارفه لما يكون حد كده لاوي دراعك بحاجه او ماسك عليكي حاجه، وتكوني عايزة تمشي ومش عارفه!! هو ده اللي هتكوني فيه لو فيه حاجه انتي مش حباها في الشخص ومضطرة انك تستحملي علشان بتحبيه! أي حب اللي يبقى الانسان فيه مش سعيد؟ انا طبعا بتكلم بشكل عام، انا معرفش ايه هي الحاجه ديه بالظبط .. ولكن انا بتكلم معاكي بشكل عام تماما ... كل اللي انتي فيه ده نبذة لما سيكون عليه في المستقبل، وانتي مش هتقدري تغيري حد .. اللي عايز يتغير بيتغير من نفسه لما يعوز.
تم النشر الثلاثاء، ٢٨ نوفمبر ٢٠٢٣
اول حاجه لازم تخلي في بالك ان اي شخص هتتجوزيه لازم هيكون في الاول فيه بعض الاختلافات بينكم ال هتاخد وقت عشان تتعودوا فيها على بعض في الكباع وطريقة الحياة ودي حاجات مش بتظهر وقت الخطوبه فلازم تخلي ده في بالك ثاني حاجه لازم تصاي استخارة كتير وتدعي ربنا كتير ان هو ده المناسب لك انه ييسر لك امر الالزواج منه ولو مش مناسب يصرفه عنك ويصرفك عنه ثالث حاجه اي صفه تتعلق بالدين دي تعتبر اساسيه يعني لو مش بيصلي لو مش بيصوم لو مش بيؤدي فرائض الاسلام ابعدي عنه بدون تفكير في صفات تانيه زي البخل مثلا او انه يكون شكاك او يكون جاف المشاعر او فظ وغليظ في اسلوبه اوور غيرة مرضية او ديكتاتوري في اراءه لا يقبل النقاش او الاعتراض او التعديل عليه او متعنت في طلباته بيطلب الشئ لمجرد انهعر انه في حد بينفذ رغباته كل دي صفات المفروض تسيبيه وتبعدي عنه لو شايفاها فيه في بقى حاجات تانيه بترجع لشخصيتك وتقبلك انت زي العصبيه في ناس بتعرف تتعامل مع الشخص العصبي وناس لا زي التدخين في ناس بتتعايش مع ده وناس ترفضه تماما زي بيت العيله ناس تقبله وناس لا وهكذا اهم حاجه احرصي على دينه وخلقه يكون متدين وامين و صادق ويغض بصره ومرجعيته للقران والسنه ربنا يوفقك
تم النشر الخميس، ٣٠ نوفمبر ٢٠٢٣
اهم حاجة يكون بيصلي وبيعرف ربنا ، خلي بالك دي حاجة مهمة جداً (علشان لو مبيأديش حق اللي خلقة ورزقة وادالة كل النعم اللي هو فيها عمره ماهيديكي حقك)
تم النشر السبت، ١٦ ديسمبر ٢٠٢٣
كل ما هو يخالف الشرع والعرف، لازم تقفي عنده لأن مخالفة الشرع معناها إنه غير تقي فلن يتقي الله فيكي، ومخالفة العرف معناها إنه هيجيب لنفسه وليكي الكلام السيء من الناس. والإستمرار في أذيتك بعد ما يعرف إنك بتتأذي غير كده من مشاكل فهي سهلة
تم النشر الجمعة، ٨ ديسمبر ٢٠٢٣
في اسئله ومواقف كتير لتبين الشخص لو عاوزه تعرفي ازاي تتأكدي انه اهل ليكي اسمعي حلقات دكتورة هاله سمير عن مواثفات الزوج الصالح ربنا يجمعكم في للخير يارب
تم النشر الخميس، ٧ ديسمبر ٢٠٢٣
نصيحه من اختك اول حاجه صلي استخارة وشوفي عندك قبول ليه ولا لا... اما بالنسبه للمشاكل الممكن تستحمليها دي ترجعلك انتي يعني الانا بتضايق منه انتي ممكن متديقيش منه والعكس علي حسب عقلية كل واحد، ولازم تعرفي ان اي علاقة لازم يكون فيها مشاكل ف لازم دايما تحلوها مع بعض ومتخدلوش اهلك او اهلو في مشاكلكم، ومتكمليش لما انتي تكوني مش عوزة تكملي معاه وبقيتي حسه انه مش هيكون سند ليكي، لو عوزة تنسحبي من العلاقه حددي ليه انك انسحبتي حتي لو هو شاف السبب تافه او الكل شاف انه تافه بس وجعك انتي فهماني يعني دي حياتك وهما يشوفوا اليشفوه بقي. وبالتوفيق ليكي يا ست الكل🤍
تم النشر الخميس، ٣٠ نوفمبر ٢٠٢٣
لازم تكوني تحبيه و مستعدة تعملي أي شيئ بيرضي ربنا لتكسبي رضاه و حبه.
تم النشر الأربعاء، ١٣ ديسمبر ٢٠٢٣
اهم شي في مثل هذه الخطوات المصيريه الاستخاره صلي صلاه الاستخاره ثلاث مرات اذا حسيتي بي الارتياح فتوكلي على الله
تم النشر الاثنين، ٤ ديسمبر ٢٠٢٣
اهم حاجة الإرتياح والإنجذاب الروحاني تجاة هذا الشخص
تم النشر الأحد، ٣ ديسمبر ٢٠٢٣
لازم تشوفي انك مرتاحه معاه ولا لا لانك هتعيشي عمرك معاه
تم النشر الأربعاء، ٢٩ نوفمبر ٢٠٢٣
دينه وخلقه
تم النشر الثلاثاء، ٢٨ نوفمبر ٢٠٢٣
كل حاجة بتبقى واضحة من وقت الخطوبه مشاعرك وقلبك دايما بيدلوكي وبيدوكي اشارات بس احنا اللي بنتجاهل ع حسب هوانا وظروفنا يعني البخل الواضح وده فيه فرق بينه وبين الحرص الكدب المتكرر الخيانه عدم الدفاع عنك حتى قدام اهلك التشجيع الدائم ليكي ف ابسط الامور انه يكون فعلا بيحبك وشاريكي بيحترمك ومش بيهينك كلها حاجات مهمه ع الاقل يكون موجود معظمها مش كلها
تم النشر الثلاثاء، ٢٨ نوفمبر ٢٠٢٣
لعرض السؤال في فدني اضغط هنا