الاباحية غيرتني .. كيف أتخلص من فتنة المتحولات جنسيا؟

Question

انا شاب عمرى ٢٨ عام أعزب للاسف بمارس العادة السرية من سنين وبتفرج علي افلام اباحية بس المشكلة موقفتش عند كده وبس لا انا بقيت بتفرج علي افلام شاذة بس مش رجال لاني بنفر من ده لكن بنات مع بعض وعجبتني ومع الوقت ومن كتر مبدور علي حاجات مختلفة عرفت الشيميلات او المتحولات جنسيا وهي بتكون بنت بس بعضو ذكرى طبعا هي في الاصل ولد ولكن غير في مظهره بيكون شكلها فاتن جدا وقريب جدا او يماثل البنت وللاسف حسيت نفسي بنجذب ليهم و بقيت بتفرج عليهم كتير جدا و بقيت بستمتع بده حسيت اني شاذ لاني بقيت حابب يتمارس فيا منهم و مش قادر امنع نفسي من التفكير و الانجذاب ليهم او علي الاقل انهم ميكونوش المادة الاباحية اللي بستخدمها اثناء ممارسة العادة السرية طبعا اصبح في تحول رهيب في ميولي لاكني متاكد اني لا احب الشباب ولا انجذب لهم واخشي ان اتحول اليهم مع الوقت من تكرار هذه المشاهدات انا اصلا قبل معرفهم كنت شاكك في نفسي و رجولتي و هلكت نفسي تفكير اذا كنت شاذ ولا لأ مش لاني بنجذب للرجال لا بالعكس انا بنفر منهم جدا لكن هم اللي بيقربوا مني بشكل غير مريح وبينجذبوا ليا كاني فتاة وبيبصولي اوي واتعرضت للتحرش كتير حتا فيهم مرة كنت مع بابا راكبين الاتوبيس وكنت صغير في ستة ابتدائي وهو مخدليش حقي اصلا وناس غريبة اللي دافعت عني وحسيت بالذل والضعف وعدم الامان و ده شككني في نفسي وفي جسمي وفي كل حاجة فيا وبقيت بحس اني مش راجل وكل اللي حوليا حاسين اني اقل رجولة من اخويا وامي قالتلي في وشي انت khول وبتلمح كتير قدام اخواتي وده بيحرجني اوي خصوصا اني الكبير واللي مفروض قدوة ليهم طبعا بغير من اخويا بس بتمناله الخير حاولت كتير اني اعرف ازاي ابقا راجل ومعرفتش تصنع الرجولة مش نافع سنين وبحاول فيا حاجة غلط يمكن جسمي لاني بملي شوية من تحت بس معنديش صدر بس عملت تحاليل وعرفت ان هرموناتي سليمة وهرمون التستوستيرون تمام وده ظاهر علي صوتي والشعر اللي في جسمي ورغبتي الجنسية العالية هل ممكن جينات وراثية مش عارف المهم اني مش زي بقيت الرجالة اللي الدهون بتكون عندها في البطن لا تحت في الارداف والافخاد زي الستات تمام وده مش من القاعدة لاني مش بقعد كتير ده طبيعة جسمي كده طبعا بقيت بعمل دايت وده حسن من صورتي شوية وقلل من نظرات الناس ليا بس حاسس بالتهديد والرعب والدايت مش اختيارى والا جسمي هيشوه صورتي في عين الناس طبعا نفسيا مدمر و جسمانيا ضعيف من الدايت و اضعف من الشباب اللي في سني بس علي الاقل حطيت ايدي علي حل ولو مؤقت لكن مسألة الجنس التالت والمتحولات ده اللي شاغل بالي لاني مؤخرا شكلي استسلمت واتفتنت بيهم وبقيت مش بس بميل ليهم لا وكمان عايز ابقا زيهم وشايف ان ده هو مقياس الجمال وان الراجل ده مش جميل ولا جذاب واصلا مش عارف الست بتنجذب ليه علي ايه والانوثة هي الجمال وهي كل شئ وبقيت مشتت ما بين اني احاول بكل طاقتي اني ابقا راجل علشان ارضي المجتمع وما بين رغباتي الداخلية ولولا ان المجتمع ده شرقي بتهيألي كنت حاولت ابقا زي المتحولات جنسيا مع اني مش متاكد اني هرضي عن نفسي كده ولا لأ بس ده احساس داخلي لكن علي ارض الواقع انا محبش البس هدوم حريم ولا اقلدهم في الماشية ولا ان حد يبصلي بصه مش حلوه خصوصا اني خجول وبتحرج جدا طبعا انا متلخبط ومش عارف مالي وحاسس اني تايه الاول كنت عايز ابقا راجل دلوقتي بعد محبيت الجنس التالت ده بقيت مش عارف انا بحاول ابقا راجل علشان ارضي المجتمع بس ولا علشان ارضي المجتمع وكمان نفسي يعني اختلت صورة الرجولة في نظرى خصوصا انهم يجمعوا بين الجمال والذكورة ولو علي الرجولة بتلاقي بنت بألف راجل يعني الرجولة افعال وتصرفات مش بالشكل انا افكاري اتغيرت كتير واتشوهت اوي وانا معترف و الشخص اللي كان بيحب الفطرة اصبح بيميل لحاجات غريبة يرفضها المجتمع والدين وافكارى دي يعني اسوء من افكار الغرب حتا و مش عارف ارجع عن اللي انا فيه ومش لاقي حل

Accepted Answer

الرغبة اللي عندك دي رغبة مصطنعة .. صنعتها الاستوديوهات وليست رغبة طبيعية صنعتها جيناتك الوراثية .. لو أنت شايف أن الجمال الحقيقي هو الجمال الأنثوي فافتكر أن الأنثى الطبيعية هي التي تنجذب للرجل ولذا فأنت برجولتك تُعد مصدر جذب للأنثى (التي هي أصل الجمال في نظرك) وبتخليك عن رجولتك لن يحتقرك فقط الرجال ولكن ستنفر منك النساء كذلك!! دة من ناحية العقل وطبيعة الأشياء وأما من ناحية الدين .. فالله الذي خلقك حسم لك القضية وأخبرك أنه خلق الزوجين الذكر والأنثى ولم يخلق جنسا ثالثا .. وكل إنسان يعرف من نفسه أن الشيطان قد يزين له اشياء هي في الأصل خطأ والإنسان مبتلى بمقاومة تزيين الشيطان .. وليس مجرد وجود هذا التزيين والإغراء بدليل على أن رغبته فيها هي رغبة أصلية

Answer

مع تكرار متابعة الافلام الاباحية انت هتزهق منها وده اللي حصلك بالفعل، وتبدأ تشوف حاجات تانية خارجة عن المألوف. ولكن ... الافلام الشاذة لها عامل كبير ف انه يتهيأ ليك انك بقيت زيهم، او بقيت شاذ، والعامل الاسري له ايضا دور في كده وطبعا طفولتك. مش بقولك انك شاذ ولكن كل العوامل ديه بتصب في ناحية واحدة .. وهي انك عندك مشكلة في الثقة في النفس .. وديه من طفولتك اساسا، واللي خلاك تمشي في الموضوع الاباحية ده والتطور اللي حصلك فيه انك عايز تثبت لنفسك وجهة النظر اللي اتقالت ليك من وانت صغير، واللي اتعمل فيك كمان ومان في طفولتك. ديه كلها مشاكل طفولة .. ولكن انت شخص طبيعي .. انت عايز تثبت حاجة مش موجودة علشان تبرر كل اللي بتعمله. بدأتها بشكل جسمك .. ولكن اتأكدت ان الموضوع سليم بعد التحاليل وان ديه كلها مشاكل عادية وزيادة وزن وملهاش اي علاقة بالتغيير في الجنس. شكل جسمك ده له عوامل وراثية، والدهون اللي بتتجمع في اماكن مددة في الجسم ديه بترجع للجينات .. وطبعا الاكل والعادات الغذائية لها علاقة برده، ما هو اكيد لو عاداتك في الاكل غلط ده هينعكس على شكل جسمك بل وكمان صحتك. حاول تفرق ما بين المواضيع وبعضها. لو سؤالك هل انت شاذ ولا لا .. ف لا انت مش شاذ، المشاكل اللي عندك هي عقد من الطفولة في الاساس، وطبعا عايزة اقولك ان الجمال مش بس في صورة البنت، والحكاية ملهاش علاقة بنوعية الجنس نفسه، في خلط في التفكير ف لازم طبعا لازم حد متخصص يتابع معاك، لازم تروح لاخصائي نفسي.

Answer

هو ده الاعراض الجانبيه لمشاهدة الاشياء الشاذة والغريبة ....لانك اتعودت على مناظر وبقت مش بتثير فضولك خلاص فبتبدا تدور على اللى يثير فضولك وتحس اثناء المشاهده بالانجذاب . زى مشاهدة افلام الخيال العلمى ...تشوف حاجات من اختراع المؤلف ولا وجود لها ف الحقيقة. فتبدأ تحب النوع ده من الخيال وتبحث عنه لانه بيجذب فضولك للمشاهدة. ده مش ميول جنسي ...ده انجذاب لشكل معين من السيناريوهات واللى بيخليك من كتر الاندماج حابب تدخل فى الاحداث زيهم . وقف مشاهده عموما وشوف الاسئلة هنا فيها نصايح كتير ازاى تعمل ده.

الاباحية غيرتني .. كيف أتخلص من فتنة المتحولات جنسيا؟

نفسية

إدمان

ثقة بالنفس

العادة السرية

سؤال من احد أعضاء فدني

تم النشر السبت، ١١ مارس ٢٠٢٣

5 إجابة

1 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك